|
منتدى كلية الآداب بالدمام منتدى كلية الآداب بالدمام ; مساحة للتعاون و تبادل الخبرات بين طالبات كلية الآداب بالدمام و نقل آخر الأخبار و المستجدات . |
|
أدوات الموضوع |
2015- 7- 23 | #21 | |
أكـاديـمـي
|
رد: بخصوص اللي انقبلوا بكلية الآداب !
اقتباس:
شكرا لك افدتيني بس المحاضره كم مدتها ووين القى قاعه الجوهره انا بكليه الاداب انا حابه اروح يوم التهيئه عشان اعرف ذي الاشياء صراحه والاختبارات متى تبدا وكم اختبار بالاسبوع او الشهر هل هو نفس الثانوي ولا يختلف ؟وكم درجه النجاح او المعدل انا سمعت انها 5 يعني زي الثانوي 100هم عندهم كذا واسفه مره ثانيه على الاسئله |
|
2015- 7- 23 | #22 |
:: مشرفة ::
كلية الآداب بالدمام |
رد: بخصوص اللي انقبلوا بكلية الآداب !
^
اختبار المنتصف حق تحضيري يكون الجدول موجود يعني بتعرفين وقته ولا بتضيعين ويكون وقت غالبا بعد 5 اسابيع من بداية المحاضرات وعليه 20 درجه او 30 على حسب المادة والدكتورة |
2015- 7- 24 | #23 | |
أكـاديـمـي
|
رد: بخصوص اللي انقبلوا بكلية الآداب !
اقتباس:
وفاهمة كيف التوتر كلنا كنا كذا مو عارفين شكل المبنى وخايفين يروح علينا شي. المحاضرة الوحدة مدتها ( ساعة و40 دقيقة ) وبريك 20 دقيقة عشان يمديك تروحين لمحاضرتك اللي بعدها لو كان عندك محاضرة. طبعاً أنتِ بيكون عندك الجدول وبتعرفين أوقات المحاضرات وكل شي فلا تخافين بالنسبة لقاعة الأميرة جوهرة أو جواهر اللي هي : أول ماتدخلين من بوابة الجامعة وتنزلين من السيارة بتدخلين الحرم الجامعي على يمينك كلية العلوم ومنها تروحين لكلية التربية أيضاً وعلى يسارك كلية الآداب اللي بتدرسين فيها ان شاءالله أنتِ بتمشين لكلية العلوم واذا دخلتِ بتشوفين المكتبية المركزية "مكتبة" امشي شوي قدام بتلقين مكان نفس اللي بالصورة وهذي هي القاعة ولو ضعتِ لا سمح الله عادي اسألي الأمن ماراح يقصرون معك وبقولك شي بالجامعة لا تستحين تسألين أبداً لا تستحين لو شفتِ أمن اسألي مافي مشكلة عشان تكسبين وقت وماتحسين بالضياع. لأن الجامعة كبيرة عكس المدرسة ملمومة بس زي ماقلت لا تتوترين بتتعودين بسرعة وتضحكين على نفسك بعدين بالنسبة لدرجات الاختبارات النصفية: أجابت العضوة Black Widow على هالسؤال الله يسعدها ويجزاها خير وكم درجه النجاح او المعدل انا سمعت انها 5 يعني زي الثانوي 100هم عندهم كذا: بالنسبة لدرجة النجاح شوفي مثلاً أنتِ الحين تدرسين: نحو تطبيقي 1 - درستيه طول الترم وسلمتي بحوث واجبات تقارير كل شي وخلاص بقى الاختبار النهائي اختبرتيه وكل شي عشان تنجحين بهالمادة "درجة النجاح 60" يعني اللي تجيب 59 بمادة رسوب الله يكفينا الشر فشدي حيلك وركزي على أعمال السنة ولا تهملينها فركزي على كل شي وهذا المكان اللي نمشي فيه عشان نروح للكافتيريا قلت أضيف عشان يكون عندكم خبرة مسبقة يارب ماجبت العيد وأنا أشرح بالتوفيق ياجميلات |
|
التعديل الأخير تم بواسطة !Blue ; 2015- 7- 24 الساعة 01:24 AM |
||
2015- 7- 24 | #24 |
أكـاديـمـي
|
رد: بخصوص اللي انقبلوا بكلية الآداب !
جزاك الله خير
بس المحاضرات تبدا من اول يوم؟ لان صراحه في بعض الاشياء مافهمتها منك وكيف اعرف مكان المحاضره؟ وش المقصود بالشعب مافهمت |
2015- 7- 24 | #25 | |
أكـاديـمـي
|
رد: بخصوص اللي انقبلوا بكلية الآداب !
اقتباس:
شوفي بيوم التهئية مافي محاضرات لأن أصلاً أنتِ توك ماسجلتِ مواد للحين. وبعد يوم التهيئة اجازة كل الأسبوع لأن بهالوقت يروحون الطالبات اللي عندهم مشاكل بالتسجيل ومن هالكلام الله يبعدنا عنه. وبعدها على طول من الأحد كل الكليات تبدأ بالنسبة لسؤالك عن الشعب: هي زي الفصول، أنتِ الحين لما كنتِ بالمدرسة كل طالبات ثالث ثانوي كانوا ياخذون رياضيات في فصل واحد؟ طبعاً لا راح يقسمونهم لفصول. فأنتِ الحين لما تدرسين بالجامعة كل مادة ياخذونها ويقسمونها لشعب وكل شعبة فيها عدد معين من الطالبات وعلى حسب ممكن 30 أو أكثر أو أقل على حسب. لأنه المكان اللي بتدرسين فيه الفصل اللي بتاخذين فيه المادة فعشان كذا أحياناً نقول الشعبة مغلقة يعني خلاص فيها اكتفاء عدد الطالبات كثير. , ان شاءالله وصلت لك المعلومة اللي قرأ اجابتي وفيه شي خطأ يتفضل يصحح لأن عارفة وش المعنى لكن مو عارفة أشرح بالضبط |
|
التعديل الأخير تم بواسطة !Blue ; 2015- 7- 24 الساعة 06:25 AM |
||
2015- 7- 24 | #26 |
أكـاديـمـي
|
رد: بخصوص اللي انقبلوا بكلية الآداب !
شكرا لك ربي يوفقك ويسعدك
واكيد انشاء الله اذا ماعرفت بسال |
2015- 7- 24 | #27 | |
متميزه في السنه التحضيريه لجامعه الدمام
|
رد: بخصوص اللي انقبلوا بكلية الآداب !
اقتباس:
انا بصراحة انقبلت بمسار علمي بس الموضوع فية اشياء مهمة للكل وو مدري شجابني هنا صراحة بس بسئلك عن الصورة حقت البطاقة امم اصورها زي بطاقة الاحوال ؟؟ لاني ماقد سويت جواز ف يعني لو رحت اقولة نفس مقاس الجواز ؟؟ وو شي ثاني الحين مانحط ولا نقطة ميك اب ولا شي وونفس شروط صورة بطاقة الاحوال ولا كيف ؟؟ اتمنى تجاوبي ع اسئلتي وماكون ثقلت عليك :) |
|
2015- 7- 25 | #28 | |
أكـاديـمـي فـعّـال
|
رد: بخصوص اللي انقبلوا بكلية الآداب !
اقتباس:
مافهمت بالضبط وش تقصدين .. بس اذا قصدك صور للبطاقه الجامعيه ؟
نفس الصوره اللي بالأحوال بس اكثر من وحده نسخي منها للإحتياط . لاتحطين مكياج لان اساسا هم بيصفون الصوره يعني بيعدلون عليها ماراح تكون مثل بطاقة الاحوال اهم شي ضبطي حواجبك وبس . بالتوفيق |
|
2015- 7- 25 | #29 |
أكـاديـمـي نــشـط
|
رد: بخصوص اللي انقبلوا بكلية الآداب !
بخصوص الرقم الجامعي وينه الرابط عشان نطلع الرقم والا اكييد يرسلون عالجوال
|
2015- 7- 26 | #30 |
أكـاديـمـي فـعّـال
|
رد: بخصوص اللي انقبلوا بكلية الآداب !
بنات اللي خايفين من الكلية والدراسة فيها ! انا وحده اكره الدراسة واكره اني امسك كتاب واجل احدد فيها والخص واذاكر وما كنت اعرف شي بالجامعة واحس كل شي صعب وبيفوتني ! ما عليكم الشغله شوي شوي
الشعب اول ترم جاهزة انتي اختاري الجدول اللي تبين وتحددينه وتسجلين فيه بالبيبل سوفت وتطبعين الجدول من البيبل سوفت وامشي عليه طول الترم والوضع طبيعي باقي وقت على الدراسة لا تتوترون ان شاءالله كل شي كويس بيكون. |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
تقنية الهندسة الكيميائية - شرح المواد + أفضل المدرسين + نصائح | خرّيج الجبيل | منتدى كلية الجبيل الصناعية | 15 | 2015- 1- 27 11:15 PM |