|
ملتقى طلاب التعليم عن بعد جامعة الملك فيصل ملتقى التعليم عن بعد جامعة الملك فيصل انتساب ( الانتساب المطور ) ,منتدى النقاش التسجيل,البلاك بورد,التحويل انتظام,تسجيل المقررات,الاختبارات والنتائج. |
|
أدوات الموضوع |
2010- 11- 26 | #21 |
صديقة الملتقى
|
رد: ضروري تواريخ ايام اختباراتنا كامله تكفون ..
^
يعني قصدك تعتذر عن الإختبارات كلها ! ومادام أنها راح تختبرها بعد التأجيل بشهر 3 _ أشوف أن مافي فرق _يعني مافي داعي تأجل! أنا أشور عليك تحذفي آخر مادتين بالجدول وتختاري الحجز اللي بتاريخ 19 وصلى الله وبارك على محمد _انتهت السالفه ومشكور أخ دريمز على اقتراحك والمعلومات التي طرحتها ماقصرت |
2010- 11- 26 | #22 |
أكـاديـمـي مـشـارك
|
رد: ضروري تواريخ ايام اختباراتنا كامله تكفون ..
بيض الله وجيهكم ...والله يكتب اجركم تاكد حجزي غصب عني لان مافيه وقت واخاف اتاخر ومالاقي رحله الا متاخر حيل ..حجزت على 20صفر يوافق 24يناير ويارب اكون خلصت يارب ...اتمنى ان الصوره توضح بدري وجزاكم الله الف خير وربي كلماتكم اسعفتني وريحت الشد العصبي الي سببته لي هالمشكله ..
وابو ساره طلبني ان اخلص اختباراتي وان اعتمد على الله ثم عليه في الصبايا الله يوفقهم يارب وبنات وشباب المسلمين .. من ناحية ااجل اختباراتي ماقدر اخاف تطول المده واتعود على التاجيل عسانا نخلص على خير يارب .. اشكر لكم وقفتكم ويعطيكم الف الف عافيه . |
2010- 11- 26 | #23 |
أكـاديـمـي مـشـارك
|
رد: ضروري تواريخ ايام اختباراتنا كامله تكفون ..
هو يقصد ان اختبارات بناتي تكون انتهت الله يعطيه واياك الف عافيه ..
|
2010- 11- 26 | #24 |
صديقة الملتقى
|
رد: ضروري تواريخ ايام اختباراتنا كامله تكفون ..
يعجبوني الناس الطموحين ..أمثالك
ومثل ما قال الشاعر : لاتحسب المجد تمرا أنت آكله .. لن تبلغ المجد حتى تلعق الصبرا بالتوفيق لك ~ |
2010- 11- 26 | #25 |
أكـاديـمـي مـشـارك
|
رد: ضروري تواريخ ايام اختباراتنا كامله تكفون ..
الله يسعد قلبك يامستشاري الاول وه بس وه
فديت الي تعيش مشكلتي وكانها راعيتها ..جعلك ماتحتاجيني الا بلافراح ياعسل |
2010- 11- 26 | #26 |
أكـاديـمـي مـشـارك
|
رد: ضروري تواريخ ايام اختباراتنا كامله تكفون ..
الله يعينك والله حاسة فيك
لكن شوفي الجامعه حاطه تاريخ يبدا يوم السبت وهم الترم الماضي بعد ماصار هواش وكلام من الطلاب انهم يغيرون الجدول غيرو الجدول اذا تذكرين وصار يبدا يوم الخميس بدل ما كانو حاطين السبت وبقية ايام الاختبارات ماكان فيه خميس الا اول يوم بعد ماعدلو يعني ماكان عندهم نيه ... الزبده اللحين انا جبت الجدول مطبوع عندي وطبعا هو يبدا سبت حسب التاريخ 4 صفر طلع اسبوعين ويوم بس مع اني اعتقد100% ماراح يكون فيه خميس يعني سبت احد اثنين ثلاثاء اربعاء سبت احد اثنين ثلاثاء اربعاء سبت شوفي جدولك فيه اخر سبت اللي هو اخر يوم من الاختبارات راح يكون ان شاء الله او لا ولو ماطلع يصير اسبوعين اختباراتك ولا تحذفين ولاشي غير كذا حابه اقولك انتي احجزي انك توصلين السعوديه الخميس علشان ترتاحين يوم الجمعه وتتجهزين للاختبار يوم السبت واذا هم خلو يوم الخميس داخل بالاختبارات راح يكون داخل الاسبوعين اللي اكيد انتي موجودة فيهم حبيتي ومثل ماقلت لك اول يوم سبت يعني الخميس اللي قبله اكيييد ماراح يكون اختبار والخميسين اللي داخل اسبوعين الاختبارات انتي اكيد راح تكونين موجوده يعني شوفي << احس اني تازمت ودي اكلمك افهمك افضل احجزي توصلين الجمعه اذا ماعندك مانع قبل الاختبار بيوم وخلي الرجعه الجمعه تاريخ 17 صفر اذا ماعندك سبت اختبار اللي راح يكون اخريوم اذا عندك اخر يوم اختبار اللي راح يوافق سبت خلي حجزك الاحد ان شاء الله تكوني فهمتي علي لو فيه شي مو واضح قولي |
2010- 11- 26 | #27 |
أكـاديـمـي ذهـبـي
|
رد: ضروري تواريخ ايام اختباراتنا كامله تكفون ..
تتيسر ان شاء الله اتوقع خلاص امورك في السليم حجزك الرجعه يوم 20 امداها تكون خلصت الاختبارات
وبناتك الله يوفقهم ان شاء الله ابوهم مايقصر .. |
2010- 11- 26 | #28 |
أكـاديـمـي مـشـارك
|
رد: ضروري تواريخ ايام اختباراتنا كامله تكفون ..
لاوالله واضح شرحك وبقوه وحاسه انك حسيتي فيني بكل مشاعرك ياعسل فديتك والله وابشرك تساهيل خلص ان شاء الله تاكد حجزي يوم 1صفر الي هو يوم اربعاء للرياض اريح مع اهلي واشبع بشوفة الغاليه والغالي= الوالدين الله يطول بعمرهم .. ثم استانف دراستي ورجعتي يوم 20صفر الي هو يوم اثنين وبناتي بيبدون اختباراتهم ابشركم بعدي باسبوع الله ييسر الي فيه الخير وعسى ربي داري بالنيه وبيهونها ان شاء الله ...
قد ماكنت شايله هم قد مارتحت الان الله يريحنا واياكم بدخول الجنه يارب اللهم يسر لي كل امر وافتح لي ابواب رحمتك لااله الا انت سبحانك اني كنت من الظالمين .. خوله تسلمين قلبو على التفاؤل بالتيسير ان شاء الله . |
2010- 11- 26 | #29 |
أكـاديـمـي ذهـبـي
|
رد: ضروري تواريخ ايام اختباراتنا كامله تكفون ..
انا ماعندي شي اقوله زود فوق الي قالوه الاخوات الله يجزاهم خير على تعاونهم واسأل الله سبحانه انه ييسر لك ولنا جميعا كل امر والله حسيت فيك والله يعينك على الغربه
|
2010- 11- 26 | #30 |
أكـاديـمـي فـضـي
|
رد: ضروري تواريخ ايام اختباراتنا كامله تكفون ..
|
مواقع النشر (المفضلة) |
الكلمات الدلالية (Tags) |
ايام, اختباراتنا, تواريخ, تكفون, ضروري, كامله |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|