إذا عدينا المستوى الأول وش مواد المستوى الثاني؟

[bader358]

رياضيات 2 ( تتكلم عن المجموعات - المشتقات - الدالة - التكامل ) طبعا اصعب من رياضيات 1 لكن اللي يذاكر اول بأول بتكون المسائل بسيطة خالص على قولة الدكتور حنفي.

مادة الإقتصاد الكلي - طبعاَ دراستنا كانت الأقتصادي الجزئي --- لازم مراجعة اول بأول

المحاسبة 2 -- درسنا في محاسبة 1 القوائم المالية على شركات فردية او خاصة --- ولكن في محاسبة 2 راح تكون عن التدفقات النقدية والشركات الكبيرة ==== لا اوصيكم اول بأول المراجعة.


نجي للمواد العامة:

الصحة واللياقة --- فيها معلومات كثيرة واللي ما يراجعها اول بأول بيتعب -- لكن الأغلبية ينجحون بتقدير طيب

اللغة الإنجليزية - تعتمد على االلي عنده خلفية في اللغة الإنجليزية والا فلازم يحفظ الكلمات من اول محاضرة.

تقنية المعلومات 1 - مفيدة جداً ---- وان شاء الله تكون سهله

العقيدة الاسلامية - ايضا ماده طيبة ومفيدة



مادة الصحة واللياقة تقدروا تأخذوها الترم القادم او اللي في المستوى الثالث


نصيحتي : 5 الى 6 مواد كافية جداَ

الا اللي عارف انه بيكون متابع اول بأول فما عليه خوف ان شاء الله

[سلطان الصقر]

هذي مشكلة الدراسة مع البنات

لآيكون فيها خياطة وتطريز

والآ طبخ وتقشير بعد ..

الله يخارجنأأأأأ على خير ..

[ابو مطر]

المشاركة الأصلية كتبت بواسطة فارس740

في مادة اسمها الصحة واللياقة

يعني الدببه يسوون رجيم ازينلهم من الحينا عشان مايكرشونهم وقت الاختبارات
بس الحمدلله ان جسمي رشيق ياحليل كل واحد <<< دب قطبي

[ميرامار]

تجهزوا العلاج قبل التكفخ هع

كلهم يبي لهم مراجعه اول باول كملت

[إسلامو]

اذكر وقت اختبار المحاسبة قعد وراي واحد من المستوى الثاني ومسكين معدي كل المواد الى المحاسبة
وحنا قاعدين نتكلم يقلي عندي صحه ولياقه ومادة جدا بسيطة

[طالب منتسب4]

الله يخارجنا من المستوى الاول
وبعدين نفكر بالمواد




الموضوع رائــع

[abofaisal]

المشاركة الأصلية كتبت بواسطة messi الجامعه

مواد المستوى الثاني :

عقيده
صحه ولياقه
انجلش
هالمواد هذه تعتبر مواد عامه يعني حتى قسم تربيه خاصه وكلية الاداب يدرسون نفس المنهج
تقنية معلومات 1
محاسبه 2
رياضيات 2
اقتصاد كلي

طبعا اذا جيت تسجل مواد لازم تشوف جدول الاختبارات لان فيه بعض المواد اختبارها بنفس اليوم لكن كل واحد بفتره غير مثل صحه ورياضيات
وانجلش ومحاسبه
يعني اذا ما ودك تسجلها يعني تحس صعب تختبر مادتين بيوم واحد بإمكانك ما تسجلها

التسجيل عدد الساعات حسب المعدل

وبإمكانك تنزل مواد من مستوى ثالث اذا لك رغبه خاصه اذا كنسلت بعض من مواد ثاني
اهم شي ان المواد تناسبك من ناحية جدول الاختبارات وعدد الساعات


وفيه مواد ما تقدر تسجلها لحد ما تعدي يعني ما تسجل محاسبه 2 لحد ما تعدي محاسبه 1 ورياضيات 2 لحد ما تعدي رياضيات 1 واقتصاد كلي لحد ما تعدي الجزئي


والله يوفقنا واياكم

يعطيك العافيه معلومات وافيه وكافيه بيض الله وجهك وتستاهل التقييم عليها

[إستثنائيه]

ميسي + بدر
يعطيكم العافيه على المعلومات الوافيه
والله يسهل علينا
الحين اهم شي نعدي من المستوى الأول
بعدين نفكر بالمستوى الثاني

[Mr.Abdool]

مشكورين على المعلومات ولكن خوفتونا من الترم القادم

[zid]

الله يوفقنا واياكم ونعدي المستوى الاول ولاحقين خير .... متى النتايج