شكوى او اعتراض على قسم سكرتاريه طبيه ونسخ طبيه

[عنقاء أصيلة]

أختــــــــي فوشـــــــــيه ....




ليت صوتك يجد صدى ... ليت هناك من يتحرررررررررررك بعد هاذا كله .. نطالب بالنظر وبإرسال اللجاااااااان



بجد انتهت السنه و للحين لا جديد !!!


اله يكووووون بعونكممممممممممم اختي :mh3535: إلى متى نعااااااااني !!؟؟



بصراحه الوضع مزري و ينتظروننا نحقق نجاح بهاذي الاماكن او نبدع ؟؟

[ورد]

السلام عليكم جميعاً

حقيقتاً ..طالبات السكرتاريه الطبيه تعانين كثيراً...مباني سيئه ودائماً اصغر مبنى يكون لطالبات السكرتاريه الطبيه..المتخرجات من القسم حتى المتفوقات لا يمكنهم مواصلة الدراسه للحصول على درجة البكلوريوس مثل باقي أقسام كلية خدمة المجتمع...(وكأنهم طايحيين من القفه)....لا توجد و ظائف كافيه واللي توظفوا قله..مع كفائة أغلب الطالبات العاليه لأن القسم لا يقبل الطالبه الا بعد اختبار طويل وصعب في اللغه الإنجليزيه ومقابله شخصيه..ومن تجتاز كل هذا تقبل للدراسه....والمناهج ممتازه بصرف النظر عن طاقم التدريس الذي لا اعلم عنه شيء الآن لذلك لا استطيع الحكم.....

أغلب خريجات القسم توجهوا للدراسه من جديد...يعني من الصفر....ولا كأنهم تعبوا ثلاث سنوات....؟؟؟!!
لأنه اي جامعة لا تعادل إلا 14 ساعه فقط....؟!! يعني تعب ومجهود وسهر ودراسه ومصاريف ومبالغ كبيره....و مباني سيئه ..... وبعدين الشهاده ليس معترف بها...واللي تحب تحصل على البكلوريس....تدرس من اول وجديد...؟؟!!!!

ما اقول إلا حسبي الله ونعم الوكيل...؟؟!!

وعلى ذكر الصراصير ...فهذه حقيقه....اتذكر مره كنت احاول تسخيين الساندويش في المايكروويف اللي في الكافاتيريا..ولما فتحته....طلعت لي مستعمره صراصير حيه....انا انصرعت.......لا و الساندويش اللي يبيعوة طعمه سيء وشكله بايت من اسبوع....؟؟!! الله المعين

وفي النهايه وبعد كل المعاناة ....نكتشف ان شهادتنا ليس معترف به...؟؟!!!

أنا اعتقد انا القسم عندما كان تحت مسؤوليه أستاذ احمد الكويتي...كان أحسن بكثيـــــر...


أتمنى أن يصل صوتنا للمسؤولين...

أو اتمنى ان يدلنا احد على الطريقه التي يمكننا فيها اايصال صوتنا للمسؤوليين...

خريجه سكرتاريه طبيه.

[Ms. SoSo]

مرحبا أختي

أنا من خريجات السكرتارية الطبية

أنا أتوقع أنو لو موضوعك من الأفضل انو ينطرح بالجريدة عل وعسى أحد يسمع لك

[|..الندى..|]

ياليت ينطرح موضوعها في الجريدة لعل وعسى

يتحسن وضعهم

:praying:

[WINGS]

يالله ..
حالتكم صعبه ..
انتم اسوأ مننا في كليه العلوم .. احنا يدخلون قطاوة بس عاد مو فيران !
صحيح سقوفنا متصدعه بس اهون منكم بكثييييير :003:
الله يعينكم ..

[ورد]

أتمنى لو يتطلع بعض المسؤولين على هذا الملتقى..

في النهايه نحن اولاد وبنات هذا الوطن ... وطلاب و طالبات جامعة الملك فيصل...تحديداً..:011:

تحيــــــــــاتي

[ام رواف]

[السلام عليكم ورحمة الله وبركاته

تحية الى كل طالبات وخريجات هذا القسم وخاصة لك اختي فوشية مبرقعه

صباح الخير

قسم السكرتارية الطبية.... مشاكله ما تنتهي من اول ما بدينا دراسه وخصوصا انو كنا اول دفعة
والمتعارف ان اول دفعة دائما تواجة مشاكل القسم الاولية الي المفروض يتم تفاديها سمستر بالثاني
والظاهر من كلام الاخوات انها تزيد ما تقل
من ناحية الاهمال من اول ما بدينا يا اختي مو شي جديد واذا رحنا وطلبنا واتكلمنا وبس يعرفون انو احنا من قسم السكرتارية " اووه بنات الكويتي... :c8: ما نقدر نخدمكم بشي ارجعوا لمديركم... احنا ما لنا دخل فيكم (عذرا على الاسلوب ليه احنا مو طالبات... يعني بالله لو وحده من بناتهم كانت في القسم كانت بتقول نفس الكلام.... ؟؟؟)


مثل ما قلتي اختي ورد القسم كان افضل بادارة الاستاذ أحمد الكويتي
بس صدقيني ما كان خالي من المشاكل الي ما لها نهاية

بصراحه بعد كل الي قريته انا فخوره واحمد ربي اني كنت من الدفعة الاولى
بالنسبة لمشكلة المعامل هذي كانت من اول سنه ومن كلامكم لسه مستمره ما اشوف وضعوا لها حل
معن كانت فيه وعوود انهم راح يوفرون لنا معامل ومجهزه باحدث الاجهزه والادوات .... ولكن الله اعلم متى بتجهز هذي المعامل. تخرجنا ولسه ما شفنا شي

بالنسبه للمبنى بصراحه انا من اتخرجت من الجامعه ابد عمري ما رجعت لها... لان عارفه انهم ما راح يفيدوني
بس المبنى الي كنا فيه كان مقتصر على ممر واحد فيه على اليمن مكتب الادار وغرف هيئة التدريس وكلاسين
وعلى اليسار 3 كلاسات للمجموعات والثالث كان يستخدم من قبل الاقسام الثانيه بخدمة المجتمع.
وبالطبع ما انسى اذكر لكم بالنسبه للمحاضرات الي كانت تعطى لنا من قبل دكاترة كلية الطب كنا احنا نروح مبنى الطب وتخيلو المسافه بين مبنى الطب ومبنانا :mh3535: كنا نمشي بهالحر لان كل محاضراتنا كانت بعد الظهر لعدم تواجد الدكتور في الفتره الصباحية.... لا تعليق......
ونقطة تكملة الدراسه صحيح لما راجعناهم وعدونا انهم راح يفتحون لنا قسم عشان نكمل البكلوريوس بعد 3 سنوات من تخرجنا يعني 2007 :mh19: يا جماعه تراى وصلنا سنه 2008 وما صار شي على الموضوع

بصراحه نقاط كثيرة تحضرني :mh19:
معليش بطول عليكم

بنات كثار من اول دفعه بصراحه حبو يكملون دراسه بس مثل ما ذكرتوا ما في معادله بالمواد يعني تعبنا راح هدر
اغلب البنات بدو من جديد في جامعات مختلفه وبصراحه خارج المملكه. الي كمل منهم بالبحرين والي عن طريق الدراسه عن بعد وغيرهم كثير بس الاغلب اخذنا هالشهاده وجلسنا... منا الي تم لهم التوظيف والبعض جلس بالبيت....
وكلن على حسب ظروفه.....

بالنسبه لمشكلة اضافة المواد ولى الحذف المره الاولى الي حاولنا انو نظيف ماده ونحذف غيرها رحنا للسكرتيرة القسم الي المفروض تكون الوسيط بينا وبين الاستاذ الكويتي حولتنا على دكتوره وقالت هي المسئوله
:praying: رحنا لها وكان ردها طبعا زي ما تتوقعون مع الاسف مو اسلوب دكتوره "مين انتو عشان تظيفوا ولى تحذفوا مواد على كيفكم وبعدين حنا مو مسئولين عنكم" :c8: كان ردها مثل الصاعقه علينا ومن هالموقف ما قمنا نطلب بحذف اي مادة او اضافة غيرها
ولما عرف الاستاذ بالخبر طلب اجتماع للطالبات وطبعا تم اللوم والعتاب وما لكم حق ومن هالكلام الي ماخذين خيره وشره.... وتكرم علينا وقال اذا بغيتو ا اي شي ارفعو خطاب للسكرتيره وانا اناقشه لكم مع ادارة الجامعه....



شهادتنا الي فضحونا عليها دبلوم معادل وصحيح لما تخرجنا تم كتابة دبلوم فقط
والي كشف لنا انها مو معترف فيها كان في وظايف في مستشفى الملك فهد التعليمي بالخبر
بعض البنات الي ما كتب لهم التوظيف عطيناهم خبر بس لما راحو خبروهم ان شهادتكم مش معترف فيها
وكان هذا هو سبب الاحتاجاج الي شفتوا رفعناه للجريده وايش كان ردة الفعل انو لنا الحق انو نقدم على الوظايف الي كانت موجوده بالمستشفى من قبل مدير الجامعة ووجهو لنا خطاب ولكن مع الاسف الي توظفوا كانوا عن طريق واسطات واستغلو الي صار عشان يتوظفون على حسابنا مع العلم انهم مو من خرجين قسمنا.... :t1:

بصراحه كانت تحضرني نقاط كثيره :mh19: ادري طولت عليكم :t3: بس اذا في اي استفسار انا مستعده.....

تحياتي لكم

ام رواف

[★ NiGhT AnGeL ★]

إن شاء الله ستحاول إدارة الملتقى إرسال خطاب إلى معالي مدير الجامعة
بالإضافة إلى نسخة منه لعميد كلية الدراسات التطبيقية و خدمة المجتمع و وكيل الكلية

علماً بأن الخطاب سيكون مرفق معه رابط الموضوع و نقاط مقتطفة من تعقيبات الأخوات
و سنطالب المسؤولين بالدخول على الرابط
و واجب عليهم الإستماع إلى شكاوى أبنائهم الطلاب و بناتهم الطالبات !

نحن لا نبحث إلا عن المصلحة العامة للجميع

[شوكولا]

السلام عليكم

انا طالبة بقسم السكرتاريه الطبيه والنسخ
وبصراحه شاركت بالموقع لما سمعت من البنات انه في شكوى من بنات القسم فتحمست وقلت يمكن يكون في امل و ""صوتنا يصل:praying:""
اللي حابه اقوله ان مبنى قسم السكرتاريه هو اسوأ مبنى بالجامعه
وكلامي ما فيه اي مبالغه واللي ما شافته من الطالبات تدخل وتتفرج :
المبنى عباره عن ممر واحد"يعني اصغر ما يمكن" والاضاءه فيه سيئه , ومثل ما قالت الاخت الجهة اليمين الجو حااااار و الجهة اليسار برد مو طبيعي
ثاني شي ان الجامعه مو راضيه تعترف فينا و تخلينا على الاقل نكمل بكلوريوس
و حتى طالبات الاقسام الثانيه بخدمة المجتمع ما يعتبرونا منهم ودايما يحسون انهم احسن منا لان برنامجنا دبلوم وما في بكلوريوس
بس مين يسمع؟؟؟؟؟!!!!!!!

[فوشيه مبرقعة]

السلام عليكم ورحمة الله وبركاته

اشكر كل من تفاعل مع الموضوع ورد ولي ان شاء الله رجعه عشان ارد على كل زميله وزميل.

بنسبه للقسم وخاصة ان الدراسه هي عبارة عن دبلوم عالي بس الشهاده دائماً ماتعطى على انها دبلوم عادي

في مره من المرات تبحثت مع مجموعة من الطالبات ومع وحده من هيئة التدريس ولي عرفته ان في مجال ان القسم ممكن يتحول من دبلوم عالي وخاصة انه 3 سنوات الى البكلوريوس بشرط اضافة وزيادة المقررات خاصة وانا الفرق هو فقط في زيادة بضعت مواد وزيادة المناهج

لذا اتسال ليه بدل ما يكذبون علينا ويذكرواً دائما ان في البكلوريوس في المستقبل ليه مايزيدوا ويضيفوا الناقص ويحولون شهاداتنا من دبلوم لالبكلوريوس خاصة وانه كلي الي يحتاجونه مثل ماذكرت في السابق بس زيادة مناهح واضافة بعض المقررات.

ارجوا الرد والتباحث بهذا الشي.

دمتم بحفظ الرحمن