[ السنة التحضيــرية ] : بخصوص اللي انقبلوا بكلية الآداب !

[hano_nao]

المشاركة الأصلية كتبت بواسطة !Blue

س: متى ابدا اسوي الجدول وذي الاشياء:


بيوم التهيئة راح يعطونكم ورقة فيها 40 جدول والمواد المتاحة بالترم الأول.
وبيعطونكم خبر متى يفتح التسجيل بموقع الجامعة، لكن أنتِ ادخلي وشيكي لا تتقيدين بالموعد اللي عطوك اياه لأن أحياناً يفتحونه قبل وتطير الشعب عليك.




س: واول يوم وين اروح ووين اقعد:


بالعادة يوم التهيئة يكون بقاعة الجوهرة بكلية العلوم، وعلى فكرة لو أنتِ بكلية الأداب تقدرين تروحين للعلوم والتربية مشي وبدون عباية لأنهم بنفس الحرم الجامعي.
بالجامعة ماعندنا صف زي المدرسة في كوستا أول ماتدخلين كلية الآداب بتلقين مقهى كوستا فيه كراسي وكذا.
ومافي مانع تستفسرين عن قاعة الجوهرة من أحد، بالجامعة لازم تسألين عشان تكسبين وقت.




س: وكيف اشوف الدرجات؟


درجات الاختبارات الدكاترة يقولونها لكِ.
ودرجات الاختبارات النهائية أو معدلك تشوفينه بالموقع نهاية كل ترم / مستوى.


س: وهل في مشاركه بالصف زي الثانوي وعليها درجات ؟


أنا أُستاذتي حقت الانجليزي القرآءة كانت نهاية كل يونت تقيمنا وكيف كان تفاعلنا معها.
بشكل عام كان عليه درجات أو ماكان عليه خليك دائماً منتبه ومتفاعلة بالمحاضرة.


س: والدوام متى يبدا ومتى ينتهي وكم محاضره باليوم ؟


على حسب!
الحد الأقصى للمحاضرات يومياً 3 محاضرات.
أنا مثلاً الترم الأول لي بالتحضيري كان:


أحد، اثنين، ثلاثاء: أطلع الساعة 12 الظهر.
الأربعاء، الخميس: 2 الظهر, لأن يايكون عندي 3 محاضرات أو يكون عندي بريك مدته ساعتين ومن هالكلام.




,




أنتِ أهم شي لا تتوترين أو تحسين نفسك ضايعة كلنا كنّا شايلين هم على ولا شي
صح اننا ضعنا وجبنا العيد أول يوم دراسي لما كنا ندور القاعات حقت المحاضرات وتأخرنا
بس تعلمنا المباني ووين نروح فلا تشيلون هم


بالتوفيق ان شاءالله أكون أفدتك

شكرا لك افدتيني






بس المحاضره كم مدتها ووين القى قاعه الجوهره انا بكليه الاداب انا حابه اروح يوم التهيئه عشان اعرف ذي الاشياء صراحه


والاختبارات متى تبدا وكم اختبار بالاسبوع او الشهر هل هو نفس الثانوي ولا يختلف ؟وكم درجه النجاح او المعدل انا سمعت انها 5 يعني زي الثانوي 100هم عندهم كذا


واسفه مره ثانيه على الاسئله

[Black Widow]

^
اختبار المنتصف حق تحضيري يكون الجدول موجود يعني بتعرفين وقته ولا بتضيعين
ويكون وقت غالبا بعد 5 اسابيع من بداية المحاضرات وعليه 20 درجه او 30 على حسب المادة والدكتورة

[!Blue]

المشاركة الأصلية كتبت بواسطة hano_nao

شكرا لك افدتيني


بس المحاضره كم مدتها ووين القى قاعه الجوهره انا بكليه الاداب انا حابه اروح يوم التهيئه عشان اعرف ذي الاشياء صراحه


والاختبارات متى تبدا وكم اختبار بالاسبوع او الشهر هل هو نفس الثانوي ولا يختلف ؟وكم درجه النجاح او المعدل انا سمعت انها 5 يعني زي الثانوي 100هم عندهم كذا


واسفه مره ثانيه على الاسئله

العفو ولو عادي كلنا هنا نساعد بعض
وفاهمة كيف التوتر كلنا كنا كذا مو عارفين شكل المبنى وخايفين يروح علينا شي.


المحاضرة الوحدة مدتها ( ساعة و40 دقيقة ) وبريك 20 دقيقة عشان يمديك تروحين لمحاضرتك اللي بعدها لو كان عندك محاضرة.
طبعاً أنتِ بيكون عندك الجدول وبتعرفين أوقات المحاضرات وكل شي فلا تخافين


بالنسبة لقاعة الأميرة جوهرة أو جواهر اللي هي :

أول ماتدخلين من بوابة الجامعة وتنزلين من السيارة بتدخلين الحرم الجامعي على يمينك كلية العلوم ومنها تروحين لكلية التربية أيضاً وعلى يسارك كلية الآداب اللي بتدرسين فيها ان شاءالله
أنتِ بتمشين لكلية العلوم واذا دخلتِ بتشوفين المكتبية المركزية "مكتبة" امشي شوي قدام بتلقين مكان نفس اللي بالصورة وهذي هي القاعة




ولو ضعتِ لا سمح الله عادي اسألي الأمن ماراح يقصرون معك وبقولك شي بالجامعة لا تستحين تسألين أبداً لا تستحين لو شفتِ أمن اسألي مافي مشكلة عشان تكسبين وقت وماتحسين بالضياع.
لأن الجامعة كبيرة عكس المدرسة ملمومة بس زي ماقلت لا تتوترين بتتعودين بسرعة وتضحكين على نفسك بعدين




بالنسبة لدرجات الاختبارات النصفية:

أجابت العضوة Black Widow على هالسؤال الله يسعدها ويجزاها خير


وكم درجه النجاح او المعدل انا سمعت انها 5 يعني زي الثانوي 100هم عندهم كذا:

بالنسبة لدرجة النجاح شوفي مثلاً أنتِ الحين تدرسين:
نحو تطبيقي 1 - درستيه طول الترم وسلمتي بحوث واجبات تقارير كل شي وخلاص بقى الاختبار النهائي اختبرتيه وكل شي
عشان تنجحين بهالمادة "درجة النجاح 60" يعني اللي تجيب 59 بمادة رسوب الله يكفينا الشر
فشدي حيلك وركزي على أعمال السنة ولا تهملينها فركزي على كل شي


وهذا المكان اللي نمشي فيه عشان نروح للكافتيريا قلت أضيف عشان يكون عندكم خبرة مسبقة








يارب ماجبت العيد وأنا أشرح
بالتوفيق ياجميلات

[hano_nao]

جزاك الله خير

بس المحاضرات تبدا من اول يوم؟ لان صراحه في بعض الاشياء مافهمتها منك
وكيف اعرف مكان المحاضره؟
وش المقصود بالشعب مافهمت

[!Blue]

المشاركة الأصلية كتبت بواسطة hano_nao

جزاك الله خير

بس المحاضرات تبدا من اول يوم؟ لان صراحه في بعض الاشياء مافهمتها منك
وكيف اعرف مكان المحاضره؟
وش المقصود بالشعب مافهمت

وياك يارب اللي ماتفهميه عادي ارجعي أسألي ممكن يجي أحد ويوضح لك أفضل من توضيحي.


شوفي بيوم التهئية مافي محاضرات لأن أصلاً أنتِ توك ماسجلتِ مواد للحين.
وبعد يوم التهيئة اجازة كل الأسبوع لأن بهالوقت يروحون الطالبات اللي عندهم مشاكل بالتسجيل ومن هالكلام الله يبعدنا عنه.
وبعدها على طول من الأحد كل الكليات تبدأ


بالنسبة لسؤالك عن الشعب:


هي زي الفصول، أنتِ الحين لما كنتِ بالمدرسة كل طالبات ثالث ثانوي كانوا ياخذون رياضيات في فصل واحد؟
طبعاً لا راح يقسمونهم لفصول.


فأنتِ الحين لما تدرسين بالجامعة كل مادة ياخذونها ويقسمونها لشعب وكل شعبة فيها عدد معين من الطالبات وعلى حسب ممكن 30 أو أكثر أو أقل على حسب.
لأنه المكان اللي بتدرسين فيه الفصل اللي بتاخذين فيه المادة فعشان كذا أحياناً نقول الشعبة مغلقة يعني خلاص فيها اكتفاء عدد الطالبات كثير.




,

ان شاءالله وصلت لك المعلومة
اللي قرأ اجابتي وفيه شي خطأ يتفضل يصحح لأن عارفة وش المعنى لكن مو عارفة أشرح بالضبط

[hano_nao]

شكرا لك ربي يوفقك ويسعدك






واكيد انشاء الله اذا ماعرفت بسال

[Areejona]

المشاركة الأصلية كتبت بواسطة 3bo0oo0r

- بخصُوص الرقم الجامعي : يرسلُونه لكم على الجوّال او بعد فتره يطلع رابط من خلاله تحطُون السجل المدني تبعكم و يطلع لكم الرقم الجامعي, ع حسب
- و بخصُوص البطاقه الجامعيه : بعد ما تداومون ان شاء الله في مكتب ( مبنى 61 , اول مكّتب على ايدك اليمين ) << الوصف المهم تروحون تاخذون ورقه وتعبُونها بياناتكم و تعطُونهم صوره لك
*نصيحه تفيدكم: صوروا صور شخصيّيه من الحين نفس مقاس صور الجواز و من اول يُوم روحوا مكتب البطاقات الجامعيه , عشان تخلّص بطاقاتكم بدري لأن من الزحمه بعضهم تطلع بطاقاتهُم بعد شهر !
-وبخصُوص اختبار تحديد المستوى: ما عندنا ذا الاختبار تطمنوا

وشكراً



صاحبة الموضوُع يعطيك ألف عافيه

السلااام عليكم ورحمة الله وبركاتة

انا بصراحة انقبلت بمسار علمي بس الموضوع فية اشياء مهمة للكل وو مدري شجابني هنا صراحة بس بسئلك عن الصورة حقت البطاقة امم اصورها زي بطاقة الاحوال ؟؟ لاني ماقد سويت جواز ف يعني لو رحت اقولة نفس مقاس الجواز ؟؟ وو شي ثاني الحين مانحط ولا نقطة ميك اب ولا شي وونفس شروط صورة بطاقة الاحوال ولا كيف ؟؟

اتمنى تجاوبي ع اسئلتي وماكون ثقلت عليك :)

[Amina Saleh]

المشاركة الأصلية كتبت بواسطة 0200

السلااام عليكم ورحمة الله وبركاتة

انا بصراحة انقبلت بمسار علمي بس الموضوع فية اشياء مهمة للكل وو مدري شجابني هنا صراحة بس بسئلك عن الصورة حقت البطاقة امم اصورها زي بطاقة الاحوال ؟؟ لاني ماقد سويت جواز ف يعني لو رحت اقولة نفس مقاس الجواز ؟؟ وو شي ثاني الحين مانحط ولا نقطة ميك اب ولا شي وونفس شروط صورة[IMG]http://cdncache-****************/items/it/img/arrow-10x10.png[/IMG] بطاقة الاحوال ولا كيف ؟؟

اتمنى تجاوبي ع اسئلتي وماكون ثقلت عليك :)

مافهمت بالضبط وش تقصدين .. بس اذا قصدك صور للبطاقه الجامعيه ؟
نفس الصوره اللي بالأحوال بس اكثر من وحده نسخي منها للإحتياط .
لاتحطين مكياج لان اساسا هم بيصفون الصوره يعني بيعدلون عليها ماراح تكون مثل بطاقة الاحوال
اهم شي ضبطي حواجبك وبس . بالتوفيق

[noiselessness]

بخصوص الرقم الجامعي وينه الرابط عشان نطلع الرقم والا اكييد يرسلون عالجوال

[فطوشكا]

بنات اللي خايفين من الكلية والدراسة فيها ! انا وحده اكره الدراسة واكره اني امسك كتاب واجل احدد فيها والخص واذاكر وما كنت اعرف شي بالجامعة واحس كل شي صعب وبيفوتني ! ما عليكم الشغله شوي شوي
الشعب اول ترم جاهزة انتي اختاري الجدول اللي تبين وتحددينه وتسجلين فيه بالبيبل سوفت
وتطبعين الجدول من البيبل سوفت وامشي عليه طول الترم والوضع طبيعي
باقي وقت على الدراسة لا تتوترون ان شاءالله كل شي كويس بيكون.