د. عدنان الملحم ، شكراً لك ( إختبار سلس ومباشر )

[رورو-A]

يسعد جميع اوقاتكم

الله يعطيه العافيه د.عدنان ماقصر معانا

اسئله روعه وعقبال باقي المواد

والله يوفق ويسهل امر كل من ساعد في شرح الماده وتوضيحها

[pop400]

المشاركة الأصلية كتبت بواسطة غرام القلب

جزاه الف خير الدكتور عدنان

الصراحة اسئلة مباشرة لكن ينقصنا :

1- الوقت الكافي ,

2- عدم الازعاج من المعلمين كل شوي لاتنسون كل شوي كتبوا الاسماء

هو صح كانت مباشرة بس كان مابين المتوسط والسهولة

ان شاء الله مانحملها

نفس الشعور ياخي أظن المعلمين متعودين على طلبة المتوسطة اللي أختبرنا فيها
حبيبين بس بربرتهم واجد وكل شوي داخل واحد عليهم أعتقد أنه يحس انه كبير المراقبين
ويوجه ويوصيهم وانا ودي أقول لهم شششششششششششش بس والله مستحي لأني أتوقع ان يبادروا بأحترام مبداء الصمت في هذا المقام

معذرة لنقدي المباشر الذي هو من شيمي بس الحقيقه انهم يشتتون الذهن
interrupted thoughts تحيتي

[ღ الليدي ساره ღ]

المشاركة الأصلية كتبت بواسطة "//تفـآاؤل\\"

الليدي ساره
الف سلامه لك وماتشوفين شر

يابعد عمري الله يسلمك من كل شر يالغالية ويعافيك ويوفقك

المشاركة الأصلية كتبت بواسطة سعيدان و عليان

الليدي سارة / ترا سعيدان وعليان هو أبو أسيل


الليدي أنا بسألك سؤال راجعتي حلك متأكد أنك مارجعتيه تعرفين ليش لأن كذا سؤال أخطيتي فيه بالبداية وأنقهرتي ولكن بقولك شىء بأذن الله أنك ناجحه وهدي نفسك

ما ألومك والله ويشهد رب السموات والإرض أني كنت ناقل همك وانتي ماتعرفين لأن الي عنده مريض هو المريض وأنا مقدر وضعك تماماً لهذا السبب أسال الله جل في علاهـ أنك ماتحملين أي مقرر يارب العالمين الى بطله منك وانا أخوك قومي صلي ركعتين وهدي نفسك والله ماتنلامين على التعب وصدقيني الكل هنا يدعيلك وانتي انسانه مرحه فلأ تعقدين نفسك

بقولك قصتي الى تقهر / محاسبة 1 حملتها بالرغم أني جلست عليها أسبوع لحالها عشان كان وقت أختبارها ضيق تخيلي كنت كل يوم أراجعها .. يعني تعبت فيها تعب والله مو طبعيي ليلة الاختبار سهران أرجعها


للأسف حملتها معي لسبب كان عندي ضرف قاسي أنقهرت التفكير قفل معي ...

كلمة الجامعة على عهد النجار ولأ حياة لمن تنادي مع العلم كنت حاط مدرس خصوصي لأن أول مره بحياتي تمر علي محاسبة

وفى النهايه شلتها معايه طعم النجاح ماذقته في أول سنه

عموماً ولأيهمك وأسال الله أن يوفقك دنيا وأخره يارب العالمين

ههه صدق والله اوم الاحراج ماعليه ياخوي الغالي ربي يخلي لك اسيل واخوانها ويبارك فيهم
مادري من زود الحرص مابي ابخس احد حقه وتعبه اسمعهم يقولون ابو اسيل قلت يمكنه جندي مجهول مشاركاته قليلة
ربي يطول بعمرك ويوفقك وين مارحت ويحبب فيك خلقه اكثر واكثر لانك انسان بقلب من ذهب
وتستاهل كل خير وعلى قولتك خيرها بغيرها
والله ياخوي اني اول احسب نفسي ناجحة لكن يوم شفت نموذج الاختبار وشفت انه نسخ ولصق طلعت البلاوي وتاكدت انه بالكثير حليت 10 اسئلة من اصل 50 يعني ماحولي حروة نجاح الشكوى لله
واللي قاهرني اكثر ومدمي كبدي اني كل سنة اطلع قبل الاختبار بكم يوم من الدوام واحفظ نموذج الاختبار وكم سؤال وانجح من فضل ربي وتيسيره وتوفيقه
الا هالمرة خلال شهر دخلت التنويم مرتين ويوم طلعت قال الدكتور بعطيك سكليف اسبوعين من الدوام فرحت وخفت لأن اجازة المرضي طويلة ومدري الادارة بيوافقون عليها والا لا
وطلعت من المستشفى اجازة للبيت مع اسبوعين الاختبارات هذا شهر كامل ماراح اداوم فيه
ولاعندي موظفين يغطون لأني سكرتيرة قسم ولامعاي زملاء وموظفين نفس المهام
يعني شغلي كله انا مسؤولة عنه ومع ذلك ومع الاحراج ضغطت على نفسي قلت خل اذاكر واستغل الفرصة دامها جت من الله كذا وفوق المرض ياربي لك الحمد والتعب وضغط الدوام وقرف المستشفيات والتنويم والمواعيد ويوم الثلاثاء اللي قبل الاختبار راح كله بالمستشفى انتظر موعدي وتالي الاستشاري يوم شاف حالتي رفض يستلم ملفي قال مااتحمل مسؤوليتها وتعال شف نفسيتي وقتها قسم بالله العظيم انه هذا اللي صار
لأنه متوفية عنده قبل فترة وحدة الله يكفينا الشر ولاحقه خطا طبي بسيط وغرموه مبلغ وقدره ويوم قرا حالتي طقها في وجهي بدون اي مرعاة لظروفي الصحية والنفسية قال مااقدر شوفي استشاري غيري
انا ماني خايفة من الموت كلنا بنموت لكن ليش دايما يحسسوني اني خطر واني عايشة على حافة الموت في اي لحظة
مع كل هالظروف ضغطت على نفسي وقعدت اتابع المحاضرات مرة واثنين واحاول اركز واحل من نفسي ومع ذلك مافلحت استغفر الله ياربي كل شي تقسمه لي خير لك الحمد حتى ترضى استغفرك واتوب اليك

[نسيم الصبا]

الدكتور عدنان الف شكر لك كان الأختبار مفاجأه صراحة

الله يجزاك كل خير

مين عندها الاحد انجليزي والاثنين احصآء عشان تواسيني وأواسيها

[همس الغرور]

نسيم ياقلبي عندي الاحد ماليه 2 والاثنين احصاء .. مهما كنت مقرود دائما في اقرد منك ..

[lamora]

شكرًا دكتور عدنان
شكرًا ياابان
شكرًا ياسعيدان وعليان

[آسسسوم]

اول شي الشكر والفضل لرب العالمين من توكل عليه فهو حسبه

ثاني شي قبل لا اشكر الدكتور اششششششششكر منن القللللللللبب إبان وسسسسعيدان


كلمة شششششكر قليلة في ححححححححقهم وما نطلع من معروفهم وان شاء الله نردهه لهم باللي نقدر عليه

والشكر الثالث والأخير لدكتورنا الفاضل الله يطول بعمرهه ويجججزاهه الفردوس الأعلى

وأخيرنن أقول الله يجزا كل من كتب حرف بهالملتقى قاصد فيه خير ومنفعه

موفقينن خخخخير

[كول كول]

وش ذا والله الاسئله ماهي مباشرة وماهي سهله
ليه الكذب الي حفظ اسئله الي قبل بيقول كذا اجل نسخ لصق طيب يغير سؤال
وش ذا النظام التعبان
يعني الحين الي ذاكر وتعب ودرس يقارن بشخص حفظ الاسئله الي قبل
قمه القهر
لين متى ياجامعتنا بتتساهلين
والاسئله عملي والوقت ضيق والاسئله كثيرة ويبيلها تركيز
والمشرفين ادوشونا
يعني الدكتور معطي اسئله يبغالها تركيز والوقت ساعتين
من اليوم ورايح بنحظ الي قبل ليه نتعب

[نسيم الصبا]

المشاركة الأصلية كتبت بواسطة همس الغرور

نسيم ياقلبي عندي الاحد ماليه 2 والاثنين احصاء .. مهما كنت مقرود دائما في اقرد منك ..

اللي يشوف مصيبة غيره تهون عليه مصيبته
كنت جالسه اذاكر شوي من الاحصاء وتخيلي اسئلة الكتاب نسخ ولصق من ملزمة الدكتور سعيد سيف الدين
والله دكتورنا طلع ماعنده سالفه(قلودي)
استغفر الله

[Just have fun]

الله يجزاه خير
شرحه حلو و يبسط الماده و أسئلته واضحه و ما فيها لف و دوران
الله يسهل دروبه