[ تجمع ] : صيغة التظلم لمادة الصحة واللياقة

[ibrahem911]

اتوقع الجواب بيكون الكوليرا لانه وبائي وخيار الأمراض الوبائية غير موجود
بالمختصر هالدكتور مدري وش يبي بصراحة مثل حركة أختر أقرب إجابة
وش فايدة القوانين أجل مثل اللي يقول 1+1 كم يساوي 3 أو 4 أو 5
للعلم تراني حال زين ومختار الأقرب مثل مايقول فيلسوف زمانه عشان لايزعجني أحد من مدعين المثالية
لكن شيء يقهر لأن كثييييير بيلخبط وبتضيع كم درجه بسبب هالسخافة

[سليمان المالكي]

ياجماعة الخير ...الشي اذا زاد عن حده انقلب ضده..
من جدكم هالحين يوم تبون ترفعون تظلم ..!!!!
الدكتور بنفسه قال راح يحط ارقام تقريبيه

[مشاعيري]

حتى الصحه بترفعوووو تظلممم

لاتعليق هههههههههههههههههههههههههههههههههههههههههههههههههه ه

[يارب توفيقك999]

والله انا قريت المذكره والباقي من الاسئله وحليت كويزات
صح تلخبط الاجابات بس الكوليرا وباء يغني تختاره
اشوف الاختبار كويس صح مو كله حليته صح بس على مذاكرتي
اعطي نفسي جيد جدا

[madhawi11]

المشاركة الأصلية كتبت بواسطة سليمان المالكي

ياجماعة الخير ...الشي اذا زاد عن حده انقلب ضده..

من جدكم هالحين يوم تبون ترفعون تظلم ..!!!!

الدكتور بنفسه قال راح يحط ارقام تقريبيه

طيب كذا بعد غش ليش ارقام تقريبيه وش خسران لو حط الصح ??!

احنا باليالله نحل الاجابه الصح نروح نشكك عمرنا ايش اللي اقرب للصح ليش كذا عاد !!


Sent from my iPhone using ملتقى فيصل

[دعاء91]

معليش وش هالدفعه كل شوي تظلم
ما صارت والله تفشلون

[على الله الفرج]

كيف اقدر اغير دفعتي ؟؟! [emoji28].


Sent from my iPhone using ملتقى فيصل

[منوليتاا]

المشاركة الأصلية كتبت بواسطة على الله الفرج

كيف اقدر اغير دفعتي ؟؟! [emoji28].


Sent from my iPhone using ملتقى فيصل

حتى انا ودي اغيرها ههههههههههههه ماصارت احس بينكبونا بسبب هالتظلمات


Sent from my iPhone using ملتقى فيصل

[صالح أبو عايض]

والله يا أخوان انا اشوف من ابسط حقوق الشخص يرفع تظلم او يعترض وين المشكله اذا هو ينظر لها من وجهة نظره وانها من حقه !! يعني استغرب من البعض يرد بردود غريبه ويعلق ياخي قول خير او اصمت او علق لا اشوفها سهله او ما اؤيد رفع تظلم ووو ليه ( التريقه ) على اراء الناس وبالاول والاخير ماهو شرط ان الشخص اذا رفع تظلم او اعتراض او او يعني بيجيه حل
والي يقول بغير دفعتي ومن هالكلام ياخي حقيقه الحين ليه الدكتور مثلا يحط خيارات متقاربه من الحل وش خسران لو يحط الحل بين الخيارات وهذا الصح والمفروض يصير مثلا انا مارفعت تظلم لكن قهرني بطريقته وسبب لي شك وصرت اعيد الحل اكثر من مره افكر الاجابه غلط ليه الفلسفه والخرابيط حط الاجابه من ضمن الخيارات وانتهى الموضوع ليه تخلي الشخص يشك ويعيد ويحسب وووو والمشكله يادكتورنا العزيز مسوي انه مادتك بتجيب لنا دكتوراه يعني ولا ايش !!! صحه ولياقه تثقيفيه للكل يعني مفروض الاداره تشوف حل لهالدكاتره الي يقرأ قراية جريدة ويقول الاختبار سهل ووو ويجي في الاختبار يحوسك بأسئله متشابهه والي بارد يجيب الهم والغم من تشوف شرحه مثل حق المحاسبه والي يحط لك خيارات متقاربه اصلا هذا الشي خطأ

والبعض يرد بردود تجيب الهم خلوا الناس في حالهم وش يضركم يعني !! انا ماعندي مشكله يجيب الاختبار صعب ومن كل المنهج بس لايهون علينا الاختبار ويقول سهل ثم يجيبه صعب ليه الغش ! او يجيب لك كل الخيارات متشابهه ياخي كم سؤال وفكنا مو لازم تكررها كثير والي يحط اجابات متقاربه طيب حط الصح بينها وريح مخنا بعد حتى الصحه واللياقه بتحوسنا مع انه ماقصر بصراحه واختباره كان زين لكن الي يتظلم ويعترض براحته والي عنده رد يرد مثل الناس وباحترام او مو لازم يكتب ويعلق ترا الاغلب كبير بالعمر ( يعني تصرفات الصبيانه ) مانبيها تكثر هنا الله يعطيكم العافيه والسموحه لأن شدني بعض التعليقات في كل مره احد يحط تظلم او يبي يتظلم يجيب مية واحد ويرد كآنني في ابتدائيه معليش اخواني واخواتي نرتقي شوي كلن له وجهة نظر واذا انت فاضي وجالس ماعندك شي وجالس تحفظ وتدرس ترى مو الكل مثلك وكلن بظروفه واذا انت فاضي بس ( تريقه ) على خلق الله شوف لك شي ينفعك افضل وانا اشوف تراجع المواد الترم الجاي بحكم انك شخص مثالي وشاطر وماتحب التظلمات سبحان الله بس

[تيفاني 22]

لا كذا مايصير الاسئله اذا فقط راجعتو اسئله الاعوام من دون الملزمه تجيبون 100 ..