[ تجمع ] : ما حليت زين يلا نرفع تظلم !!

[نصراوي 14]

يجي لك يوم

تتمهزل على الناس

[REKOO2]

هذي مو مهزلة فعلا ترى كانت الاسئلة مو مستحيلة الحل ولا صعبة لدي الدرجة صحيح انه بعضها كان مررة صعب ولكن اغلب الاسئلة سهلة الى متوسطة يعني المفروض الي ذاكر على الاقل يومين ينجح ما اقول يجيب فل مارك وماله داعي ندعي على الدكتور
والي يقول انه احنا انتساب مو انتظام ترى كلنا في سفينه وحدة واشوف مو لوحدي اقول انه الاسئلة مو بذيك الصعوبة اي نعم بعضها يلخبط لكن مو الكل
فلذالك اذا بعضنا قال متوسطة فهذا معناه انو الي ما حلو قصرو في المذاكرة مدري ليش الناس تزعل من الصراحة
ومعليش انتو عندكم معنا سهلة انو يجيب السؤال زي ماهوا بنفس ترتيب الاختيارات عشان تقدرو تحلوه
مو معقول ماسار اختبار ترى
مع اننا نتمنى يكون كذا
واسف للاطالة وفالكم النجاح جميعا

[هايك]

دام الجامعة وضعت لكل طالب رقم وباسورد وأعطته الحرية بالتصرف ... يقدم تظلم ... أو لا يقدم... فماهو شغلك كل شخص مسؤول عن تصرفاته,, من أنت حتى تنتقد دفعة كاملة ,, لاتقدم تظلم,, ولعلمك ترى أغلب اللي أيدوا زملائهم ورفعوا تظلم حالين بالامتحان أفضل من حلك,, فلا تاخذ مقلب بنفسك وتحط إنك الشخص المثالي,, ترى حتى الاجابات للنماذج بعد الامتحان كان كثير منها فيهاختلاف بالإجابات بين الطلاب, وهذا يدل على صعوبة الأسئلة وغموضها,,

الله يوفق الجميع

[ابوو عجب]

ياخي خلك في نفسك. ولامالك في البشر. لو يشتكون. وزير التعليم لاتسوي انت الشخص المثابر الي قطع الكتب والملخصات وانك. الدافور. بصراحه. موضوعك. استفزازي جد


Sent from my iPhone using ملتقى فيصل

[madhawi11]

المشاركة الأصلية كتبت بواسطة abdullah_499

لاتدعي على زملائك بالتكاسل والتخاذل بالمذاكره فيه من جايب مدرسين خصوصين ومذاكر قبل الاختبار بفتره ولكن استصعب عليه الاختبار اي ان الاختبار بالاجماع اجمعو ان الاختبار واجهو به صعوبه

نصيحة مسلم لمسلم لاتكابر على زملائك حينما احس الاغلب منهم بضعف بعد تأدية الامتحان التعجيزي
اسال الله ان يفتح على قلبك وعقلك وعلى جميع المسلمين

صح لسانك والله


من ابسسسسسسطط حقوقنا نرفع تظلم وناخذ حقنا هذا ترا اختبار دنيا مو شي يجون يحطونه فوق طاقتنا

واللي اوضاعه تمام وظروفه متيسره له وماعنده مشكله بالحياة يحمد ربه ويحس بمعاناة غيره عشان ماينكب عيشته ع حاله

والله فينا الام والحامل والوالد واللي عندها درزن والله يكون بالعون بس


Sent from my iPhone using ملتقى فيصل

[madhawi11]

المشاركة الأصلية كتبت بواسطة ابوو عجب

ياخي خلك في نفسك. ولامالك في البشر. لو يشتكون. وزير التعليم لاتسوي انت الشخص المثابر الي قطع الكتب والملخصات وانك. الدافور. بصراحه. موضوعك. استفزازي جد


Sent from my iPhone using ملتقى فيصل

يسعدكم ع هالحكي اللي يبرد القلب


Sent from my iPhone using ملتقى فيصل

[madhawi11]

المشاركة الأصلية كتبت بواسطة نصراوي 14

يجي لك يوم

تتمهزل على الناس

يمهل ولا يهمل


Sent from my iPhone using ملتقى فيصل

[طالب علمــ]

مايسوي حركاتك الا البنات........


العنوان بجهه والموضوع بجهه

واسلوب يرفع الضغط


مع احترامي للبنات..

[رومي$$$]

والله يااخ رمزي
انا اطلع من الاختبار مزفته ما اعترض لاني اقول يمكن ان التقصير مني
بس لما يجتمع المنتدى على صعوبه الاسئله و الترويغ في الاجابات والاسلوب الملتوي
معناته انه فعلاً يستحق ان نرفع فيه تظلم .. وناخذ حقنا منهومن غيره

[MR-1]

ولا تزر وازرة وزر اخرى

بالنسبة لي اشوف التظلم جزء من الانسانية حقتك لا تنسى مجهود الدكتور بالشرح
ولا تنسى ان في حديث الرسول عليه الصلاة والسلام : ( كاد المعلم ان يكون رسولاً )
فوق كل اللي يسويه لنا تجي تقول ارفع تظلم عليه فرضاً حسيت بتظلم
ليش ماترفع التظلم بنفسك دامه حق من حقوقك
ليش تحرض زملائك
كلهم عندهم نفس الحقوق اللي عندك وكلهم عندهم ضمير
لكن الاهم مانحرض بعض تبي ترفع ارفع بنفسك وواجه الموضوع بنفسك
مااظن يحتاج تعلمهم هم أولى بمصلحتهم
لذلك اتركوا عنكم التظلم وقبل ترفعون واجهوا انفسكم وضميركم ان كان التظلم من حقك
قبل ترفع عليه ربي بياخذه لك
لذلك اطمئن

تحياتي للجميع