[ تجمع ] : الله يهديكم وينكم طول الترم ما تخصلون اموركم

[simple person]

المشاركة الأصلية كتبت بواسطة المدى البعيد 10

كلنا موظفين ومشغولين لكن ماهي معقولة 3 اشهر متواصلة ماتملك وقت ابداً تدخل فيه
والله لو انهم وزراء

لكن البعض فيه برود واتكالية عجيبة
ومسوي يبي يجحفل الانظمة في اخر الايام
وفي الاخير هي جحفلته بالتعليق والاعطال المستمرة

انا موظف وادرس العصر في معهد الاداره وهنا بالجامعه ومخلص كل شي من تحميل وحل واجبات ومناقشات بس قصدي انو فيه ناس ما تدري وش ضروفهم الله اعلم مو قصة برود او اتكاليه ما ندري الي بنقوله ان الله يوفقنا جميع بخصوص الضغط على الموقع جامعه كبيره مو عارفه تحل هالاشكاليه اتوقع الغلط منهم مو من الطلاب لانهم عارفين ان عندهم 100 الف طالب ومع ذلك تتكر المشكله

[خيالات حالم]

تعقيب سريع

يعني نجلس على الواتساب و سناب شات بساعات و نقدر نجلس نص ساعة نخلص اموار الجامعة ومثل ما قال اخوانا قدامك ثلاثة شهور نقدر تخلص شي لين تنضغط

[مهاوي 1403]

جزاك الله خير

[غيدْ.]

كلام سليم ،
وان شاء الله نصيحتك وصلت لهم ويتفاداونها السمستر الجاي

بالتوفيق جميعاً.

[شقردي!!!!]

المشاركة الأصلية كتبت بواسطة خيالات حالم

صباح الخير يا اخوان


انا استغرب من الطلاب و الطالبات الاعزاء عندكم مدة طويله تخلصون كل شي فيه و ترتحون واذا قربت الاختبارات بدات الأستفسارات عن مشروع التخرج و استمارة التخرج وتحميل المحاضرات و مناقشات

وامور كثير ليش ما تخلص امورك على طول عندكم كل اسبوع الويكند خلصوا اموركم فيها وحتى لو احد عنده ظروف مو معقولة ما يفضى لو ساعات يستفيد من وقته ؟


هالحين راح يكون موقع الجامعة والمنتدى مضغوط ولا تقدرون تدخلون الا بالقوة ويمكن في تمديد ولا لا وحتى لو حصل تمديد نفس الشي موقع الجامعة يكون في تحديث او ضغط


كلامي هذا مو تجريح انا احب الخير لكم و كلامي هذا من واقع تجربة وتعلمت منه من المستويات السابقة طبقوا كلامي هذا في المستويات القادمة وراح تشوفون الفرق

واسف على الأطالة

هلا أخوي ومرحبا فيك

أنا اتفق معك أن كلامك صحيح ولا أحد يشكك فيه
وكلامك ناتج من محبة ونصيحة لنا وهي في محلها
لكن لاننسى أخوانا وأخواتنا الباقين البعض عندهم
ظروف قاهرة وصعبة

على سبيل المثال
أعرف أحد الاشخاص جلس مع والدة تقريبا شهرين
في المستشفى مرافق مع والدة وخرج من المستشفى الاسبوع الماضي
هذا مثال بسيط وأكيد فيه ناس عندها مثل هالظرف وممكن أصعب


شكرا لك على نصيحتك واسف على الاطالة

[أم يزيد1402]

أنا الحمد لله مخلصة أموري بس مشكلتي في المحاضرات المباشرة تعلق وأحيانا كثيرة ماتفتح أو تفتح على نهاية المحاضرة قمة القهر والتحطيم

[خيالات حالم]

الله يوفقك الجميع

[علي أبو سعيد]

الله يعطيك العافية .

[اخصائي اجتماعي1]

صدقت البعض كأنه في غيبوبه وصحى فجأه ولا احد له عذر لان كل شي يتم عن طريق النت وانت بالبيت جالس ومستريح من اعمال فصليه وسداد وجميع الخدمات الطلابيه لا والبعض يعطي اعماله الفصليه اشخاص آخرين ينجزونها له يعني انت ماعليك الا تذاكر وتنجح بس ... وكل شيء مهيأ

[فنونة]

كلامكم صحيح وانا كنت دايما اقول ليش الطالاب يجون اخر الترم يجرون ورا امورهم عشان يخلصونها والترم ذا صارت لي ظروف ومتاخرة مرة في المذاكرة الله يعين
فيه طلاب فعلا وراهم ظروف والله يسهل ع الجمييع