[ جامعة فيصل ] : الدبلوم التربوي-للانتساب

[طموح فتاه]

المشاركة الأصلية كتبت بواسطة ربي يوفقنا

الرساله مو شرط للقبول اذا دخلتي على النتائج وطلع مقبوله ماعليك من كلام الموظفه وحتى لو فاتك موعد المطابقه .. القسم النسائي في الجامعه ماعندهم خلفيه عن اي شي ومهمتهم استقبال الاوراق فقط وتحويلها للرجال بس الاغلب تتفلسف ..القبول صار للمنتسبين والمنتسبات .. البنات قبولهم من الاساس قليل ومخصص لهم 150 مقعد فقط ومن ظمن العدد هذا فيه منتسبات مع ان المتقدمات 800 طالبه الجامعه لو بغت تختار 150 منتظمه بالراحه تختار لكن قبلت منتسبين وكانت عادله .. وبالنسبه للماستر بس اخلص الدبلوم هالسنه راح اقدم عليه وبجامعه الملك فيصل بعد لان مثل ماقبلونا دبلوم بعد البكالوريوس راح يقبلون ماستر واكتب تجربتي ان شاء الله هنا .. وبالنسبه لوظعك قسم الانجليزي فيه احتياج كبير خذي قدرات الجامعيين وكفايات الانجليزي والدبلوم ان شاء الله متى مافتح كذا راح تدخلين المفاضله بجداره والله يكتب لك الي فيه الخير

الله يوفقك انا ماعرف انقبلت في الدبلوم أولا تقفلت الأيقونه قبل اشوف مع الأسف
اختبرت كفايات معلمات عام وتخصص واجتزتهم الحمدلله ومفكره في قدرات الجامعيين والدبلوم التربوي
الله يسهل ويوفقنا جميع

[الفيصلي 1]

المشاركة الأصلية كتبت بواسطة ربي يوفقنا

هالكلام غير صحيح الأولوية فقط في الوظائف التعليمه وحاليا فيه قضيه منظورة في ديوان المظالم من طلاب الإنتساب ضد وزارة التعليم ..لكن اكمال الدراسات العليا مفتوح المجال والمفاضله بالتساوي بينك وبين المنتظمه الي يحددها نسبتك وجدك واجتهادك .. مثل هالكلام هذا الي ضيع اغلب المنتسبين والمنتسبات خلاهم يتحطمون ويحطون يد على يد

مثال بسيط .. دبلوم التربيه الحالي كان التقديم عليه من شهر 3 واول ماوصلني على الواتس ارسلته للمنتسبين اخوياي كان ردهم ( ياعمي احنا انتساب مايقبلونا مانبي ننقهر ونقدم ونتعب انفسنا ) طبعا صار نقاش لكن بدون فايده.. انا سميت بالرحمن وقدمت الشغله ماخذت مني 5 دقايق فقط والحمد لله قبل اسبوعين تقريبا جات رساله بالقبول وطابقت اوراقي وسددت وصدر لي رقم اكاديمي للدبلوم .. ارسلت رساله القبول لنفس الأشخاص انصدموا وتحسفوا والبعض جالس يدور واسطات علشان بس يستلمون ملفه مع ان اغلبهم نسبتهم اعلى مني لكن راحت عليهم بسبب تفكيرهم .. فلا تضيع اختي اربع سنوات من عمرك على الفاضي ..والله يوفقنا جميع ان شاء الله

يعطيك العافيه اخوي بسالك يعني نصيحتك للمنتسبين ياخذون الدبلوم التربوي ؟؟؟؟؟؟ كلام مطمن الله يطمن قلبك

[ربي يوفقنا]

المشاركة الأصلية كتبت بواسطة طموح فتاه

الله يوفقك انا ماعرف انقبلت في الدبلوم أولا تقفلت الأيقونه قبل اشوف مع الأسف
اختبرت كفايات معلمات عام وتخصص واجتزتهم الحمدلله ومفكره في قدرات الجامعيين والدبلوم التربوي
الله يسهل ويوفقنا جميع

تأخرتي كثير الأيقونة ماقفلت الا بعد القبول بفتره ..قدرات الجامعيين متاح طول السنه اقرب فرصه اختبريه .. حاليا انتي اجتزتي 50 بالميه باقي عليك الدبلوم التربوي وتكوني جاهزه لأي مفاضله تعليمه او اداريه ..على فكره كثير من المنتظمات ما اجتازو اختبار التخصص يعني لو تاخذين التربوي تدخلين بالمفاضله التعليمة وهم مايقبلهم النظام من الأساس في الدخول بالمفاضله فنسبه القبول اكثر لك ان شاء الله

[غيم تايه]

المشاركة الأصلية كتبت بواسطة طموح فتاه

الله يوفقك انا ماعرف انقبلت في الدبلوم أولا تقفلت الأيقونه قبل اشوف مع الأسف
اختبرت كفايات معلمات عام وتخصص واجتزتهم الحمدلله ومفكره في قدرات الجامعيين والدبلوم التربوي
الله يسهل ويوفقنا جميع

الموظفات في الجامعة يقدرون يدخلون على تقديمك ويشوفون ، لكن طالما ما جتك رسالة اتوقع ما انقبلتي
كل الأخوات اللي تم ارسال رسائل لهن بالفعل تم قبولهن .. ممكن يراجع قسم الرجال اي احد من اقاربك..

بالتوفيق""

[ربي يوفقنا]

المشاركة الأصلية كتبت بواسطة الفيصلي 1

يعطيك العافيه اخوي بسالك يعني نصيحتك للمنتسبين ياخذون الدبلوم التربوي ؟؟؟؟؟؟ كلام مطمن الله يطمن قلبك

الله يعافيك ياغالي ويطمن قلبك ان شاء الله
أنصح وبقوه للي يبغى يدخل المفاضله التعليمية او يبغى يغير التخصص في دراسه الماستر ياخذ الدبلوم التربوي .. وارجع اقول الفرق بين المنتظم والمنتسب فقط في الوظائف التعليمية ( وراح يتعدل الوضع بعد القضيه المرفوعه ) والباقي متساويين في كل شي

[غيم تايه]

المشاركة الأصلية كتبت بواسطة ربي يوفقنا

هالكلام غير صحيح الأولوية فقط في الوظائف التعليمه وحاليا فيه قضيه منظورة في ديوان المظالم من طلاب الإنتساب ضد وزارة التعليم ..لكن اكمال الدراسات العليا مفتوح المجال والمفاضله بالتساوي بينك وبين المنتظمه الي يحددها نسبتك وجدك واجتهادك .. مثل هالكلام هذا الي ضيع اغلب المنتسبين والمنتسبات خلاهم يتحطمون ويحطون يد على يد

مثال بسيط .. دبلوم التربيه الحالي كان التقديم عليه من شهر 3 واول ماوصلني على الواتس ارسلته للمنتسبين اخوياي كان ردهم ( ياعمي احنا انتساب مايقبلونا مانبي ننقهر ونقدم ونتعب انفسنا ) طبعا صار نقاش لكن بدون فايده.. انا سميت بالرحمن وقدمت الشغله ماخذت مني 5 دقايق فقط والحمد لله قبل اسبوعين تقريبا جات رساله بالقبول وطابقت اوراقي وسددت وصدر لي رقم اكاديمي للدبلوم .. ارسلت رساله القبول لنفس الأشخاص انصدموا وتحسفوا والبعض جالس يدور واسطات علشان بس يستلمون ملفه مع ان اغلبهم نسبتهم اعلى مني لكن راحت عليهم بسبب تفكيرهم .. فلا تضيع اختي اربع سنوات من عمرك على الفاضي ..والله يوفقنا جميع ان شاء الله

القضية ليست احباط كما يظن البعض ابدا .. لكن معلومات وهي حقيقة ليست من باب الخيال ..
جامعة فيصل السنتين الماضية بالبنط العريض لا يتم قبول المنتسبين .. ولا نعلم السنة هذه ممكن يتراجعون.
وجامعة الامام ايضا ما تقبل الا الانتظام وجيزان .. علم الغيب عند الله ممكن تتغير التعليمات ونأمل ذلك ..

اما الدبلوم التربوي فالاعداد التي يتم قبولها اكثر من الماجستير وهو في الاساس دبلوم تأهيلي يعني
يؤهل لدراسات تربوية ... مثل دبلوم الدراسات الاسلامية بجامعة ام القرى يؤهل لدراسات العليا في البرامج
الاسلامية ..

ومثل قلت الواحد يكون عنده ثقة ومتوكل على الله .. ولكن ايضا لازم نعترف ان حظوظ الشباب اكبر من البنات
فيه جامعات تقبل انتساب عبدالعزيز الطائف وجدة .. وغيرها .. لكن ما كل البنات تقدر تنتقل او تروح وتجي

على العموم الله يوفق الجميع ويحقق لهم ما يتمنونه .. بالتوفيق""""

[ربي يوفقنا]

اتفق معك ياغالي على موضوع البنط العريض وبالاحمر بعد كاتبينه انا اتذكر الموضوع جيدا واتذكر اكثر ان بعد مالناس تكلمو عليهم في جميع وسائل التواصل مباشره ازالو هالكلام من صفحتهم .. خلنا نكون عيال اليوم الدبلوم التربوي بغض النظر عنه تاهيلي او لا او حتى ماله فايده لكنه احد برامج الدراسات العليا وبشكل رسمي من الجامعه هالكلام وهذا هي تقبل فيه بكالوريوس الانتساب وحاطين لهم خيار من ظمن خيارات نوع الشهاده ( منتسب ) اثناء تسجيل القبول وبحط لك رابط تأكد اكثر انت والموجودين عن شروطهم اطلع عليه .. شرط رقم 6 فهم خطأ من الاغلب لان الجامعات الثانيه تكتبتها صريحه مع شرط رقم 2 .. اطلع على الرابط
https://services.kfu.edu.sa/Admissio...-guarantee.htm

[MEME24]

السلام عليكم ورحمه الله وبركاته
شكرا على تعاون الجميع والله يجزاكم خير.....