[ اسئلة اختبارات ] : يا قوم وش رايكم نرفع تظلم على حليمة

[miss sho]

داخ راسي بين تتابعيه وابداعيه ����


حتى حنا حاسنا بالابداعيه حسبي الله عليه


وبرفع تظلم بس مدري وش اقول ��



انا اعلمهم بعلومه القشرا والا ادعي عليه <<جديده على التظلم ما تعودت

[عبدالله119]

انا معكم ابرفع

[nore11]

أنا معكم بعد لعلى وعسى تظلمنا يجيب نتيجه الله يسامحك يادكتور حليمه

[الح ـربي]

لو أدري إن بيجيب فايدة كان رفعت معروض مو تظلم
لكن صدقوني دام مافي خطاء واضح للدكتور ماراح أحد يهتم
الترم اللي راح رفعنا على حليمة وعلى مدري من وجيت بأرفع
معهم على السليلي وانا مومسجل المادة حقته أصلآ بس تحمست مع الحملة
لكن مافي أي فايدة
فأنصحكم تحاولوا تتناسون هالمواد ليت تخلصون الاختبارات لأن المود مهم مع المذاكرة
وأحمد حليمه ماصعب الاسئلة هالترم إلا بسبب تظلمنا الترم اللي راح
وانا الترم اللي راح ماسجلت مادة الابداعية واختبرتها اليوم وفرق كبير بين صعوبتها ذاك الترم
وهالترم بحسب انطباعاتكم الترم السابق

[Hanan87]

من جدكم انتم!!قعدت أرجع لعنوان الموضوع ثلاث أربع مرات عشان أستوعب
ألحين اختبار التتابعية والابداعية كان صعب!!!!
قولوا لا إله إلا الله!
أنا ما غير سمعت المحاضرات من أسبوع وحفظت كم سؤال من الملفات الموجودة بالمنتدى، ثم قبل الاختبار قريتهم قراءة, وطلعت الأسئلة أسهل منها مافيه!! مكررة كلها! بالنص!
والابداعية ما غير قرأت ربع الملزمة والباقي من أسئلة أبو بكر قرأتها وحليت مثل الحلاوة! فيه أخطاء لكن 70% بإذن الله مضمونة وموجودة في الأسئلة اللي حاطينها في مواضيع المذاكرة المثبتة.
يعني حتى ما تحتاج مذاكرة, ما غير قراءة بتركيز!


>> ملاحظة في مسألة الترجمة الإبداعية, كل الأمثلة اللي بالكتاب الخاصة بالترجمة جوابها الاختيار الأخير (d) عشان ترتاحوا نفسيًا, لأن الدكتور كان يتدرج في تحسين الترجمة عشان نتذوق الترجمة الابداعية, وفي الأخير يحط الترجمة الأفضل, وبالنسبة للترجمة الابداعية فهي بلا حدود عمومًا. وفي الاختبار ما حتى غير الترتيب للخيارات عن الكتاب..
((هذا تحليلي الشخصي من خبرتي, وهذا اللي لمسته من الدكتور في شرحه))

[*.أحـــآآآسيس.*]

اجل الكل يرفع تظلم عسانا نعدي هالترم على خير يارب

[Rasta]

انا ماقهرني الا السؤؤؤالين الي مكرره غلطت فيها بصراحه وارسلت له اساله عن اذا فيه اي اجراء سيتخذ في حالة تكرار الاسئلة وكان رده التالي :

Thank you Ahmad. Insha Allah khair. Don't worry about it.

[ام فصولي]

الله يعين ان شاء الله تعدونها

[غزيّل الريم]

-


أنا السمستر الماضي جبت فيها اتوقع b+ بس لييييش؟ ماهي اهمال .. لكن فعلاً الأمثلة كثيرة بالمحتوى وما حلها معانا
يقول حلوها حسب رأيكم !!
أنا لغتي الانجليزية ممتازة من قبل الجامعة لكن صراحة دخت مع الأسئلة
التعاريف والاسئلة المباشرة كلها حليتها الحمدلله .. بس جاب تقريباً عشر اسئلة من نوعية "حسب رأيكم" وهو ما شرحها وما حلها معانا سلامات؟ كنت ضامنة النجاح بالاعتماد كثير ع لغتي السابقة لكن رحمت الطلاب الباقين ماله حق يحط أسئلة أكبر من النظام التعليمي للجامعة .. يعني اختبار ما ينفع فيه اجتهاد الطلاب .. ينفع فيه مذاكرة وبس !

نظام الجامعة في اللغة الانجليزية صراحة ضعيف وما أضاف لي شيء للغتي مافيه ممارسة أو محادثات مباشرة او تفاعل .. كل شي احفظ وامش ..
فالمفروض ما يتفلسف مع الجامعة حقته ويحط أسئلة زي الناس *الفيس اللي يخز بالواتس اب*

[غزيّل الريم]

-


ايه نسيت أقول ترا كل سمستر نشتكي بس شكله ماسك شي ع العميد ههههههههه