[ استفسار ] بخصوص الاله الحاسبه ..

[م.س.القحطاني]

المشاركة الأصلية كتبت بواسطة just_weda

وعليكم السلام ورحمه الله وبركاته

هذي أفضل حاسبة لأنك راح تحصلين كل مسائل الرياضيات تعتمد عليها



و بالنسبة للرياضيات حتى لو كنتِ أدبي نفس مسائل الثانوي
مافيه شي زيادة عليها و مع المحاوله أكثر من مره لما تشوفين المحاضرة
وتطبقين على القوانين راح تتسهل عليك بإذن الله

موفقة

شكرا كثير.. وبخصوص اذا ادبي او علمي تقولين نفس الثانوي ي بنت الحلال ياعالم ياهووه ادبي ماعندهم رياضيات ولا مواد عاميه !!!

ثاني وثالث مادرست فيهم رياضيات وسبب دخولي ادبي الرياضيات ع فكره
اغلب اللي هنا قالو نفس مادرسو بثاني وثالث هذي دروسهم

والله يوفق الجميع

[م.س.القحطاني]

المشاركة الأصلية كتبت بواسطة 1dammamm

وعليكم السلام ورحمة الله وبركاته

مساء الجد والاجتهاد

بالنسبة للآلة بتحتاجينها بالماث والمحاسبة والاقتصاد

وبخصوص انك أدبي وشايله هم ,, ترا انا أدبي زيك وكلنا بالهوى سوا

وترا طول عمري ماطيق الارقام والمعادلات وهالخرابيط لكن هالمرة شلت كل هالكلام من راسي حتى ماصرت اردده بيني وبين نفسي
وبس قاعده وأعيد اني قدها وبجيب ال A+ .. امانتن لسه ماخلصت من المادة لكن بديت فيه قبل فترة وحسيته سهل والدكتورة ماشاء الله عليه شرحه حلو


قمت تركته وقلت يابنت روحي خلصي الاصعب أول هذا واضح انه هين
* الله يستر *

ومسكت المحاسبة وخلصته مو صعب بالعكس أحسه حلو لكن يبغاله تركيييييز مع الشرح وترجعين تشرحين لنفسك وتحطين نفسك بالموقف وتشرحين لنفسك وتتخيلين انك صاحبة منشأة وكذا يعني *ابد ماشطحت بالخيال*
وانصحك تشوفين شرح عبدالرحمن المحارفي ع اليوتيوب

بعد ما خلصت المحاسبة مسكت الاقتصاد وما أدراك ما الاقتصاد الجزئي
يبغاله صبر وطولت بال ومخ مفتح و تكرااااار لين تستوعبين المعلومة وتثبت
صراحه انصحك تبدين فيه لآن احس يبغاله وقت أطول من باقي المواد


اما القانون والادارة صراحه تاركتهم آخر شيء لانهم حفظ أكثر من الفهم ويمديني عليهم ان شاء الله



بالنهاية ترا اذا قعدت تقولين وتكررين انا أدبي ماراح افهم الرياضيات عقلك الباطن بيثبت هالكلام ولا جيتي تذاكرين بتلاقين عقلك مقففل

وكلامي عن تجربة كنت زيك اول لكن هالمرة قررت اغير اسلوبي مع نفسي واخلي كل كلامي ثقة وتشجيع وان شاء الله نشوف نتيجة مرضيه على هالتعب


وبالآخير اتمنى ان كلامي قلل من خوفك وقلقك وشجعك ع المذاكرة ومايكون قرقر ع الفاضي

بالتوفيق لنا جميع وفالنا الA+ بإذن الله

يبي لتس بوووسه
فدوه للناس المتفائله انا مشكوووره حيل
انا صار لي 3 ايام اروح مدرسه وتقدرين تقولين مبدئيا
ماشيه بس انا من ربع مصطفى النجاح بنجح بإإذن الله بس ابي اجيب الفل مارك

[Ninna]

المشاركة الأصلية كتبت بواسطة م.س.القحطاني

يبي لتس بوووسه
فدوه للناس المتفائله انا مشكوووره حيل
انا صار لي 3 ايام اروح مدرسه وتقدرين تقولين مبدئيا
ماشيه بس انا من ربع مصطفى النجاح بنجح بإإذن الله بس ابي اجيب الفل مارك

العفو

عقبال ماتصيرين تجرين فيها مو بس تمشين خخخ < امزح لحد يشوتني

ان شاء الله عقب الاختبارات تفرحينا بنتيجتك

[محمد المطيري1]

وعليكم السلام

بالنسبه للحاسبه الي ذكرت فوق هي افضل حاسبه وهي الي استخدمها

وبالنسبه للرياضيات اتكلم عن تجربتي بالبدايه الشهاده لله اني كنت اقول صعبه

والله يستر منها لاكن اول مابديت فيها وفرغت نفسي لها

المحاضره اتابعها مرتين اتابع المحاضره الاولى اخذ فكره عنها وافهم منها بعض النقاط

واعرف الي يبي له تركيز ويبي له فهم اكثر ارجع اتابعها مره ثانيه وابدا استخدم ورقه وقلم

والتمرين الي يشرحه اكتبه واحله معه وهو يشرح والحمد الله الوضع سليم

وفهمت بعض التمارين وهو على كلام الدكتور ان راح يجيب نفس التمرين بس تغير الارقام

وانا ترا مو بعيد عنكم الرياضيات هذي ابد عندي مبدع فيها بسم الله علي

بالتوفيق للجميع

[hameed a]

يالليل الرياضيات ^_^متعقد منه اقوى شي بس ان شاء الله بتغلب عليه واصرعه بالقاضيه

[اغلى ماخلق ربي]

مصعبنها ع انفسكم واهي تااافه
اللي يبيني اداكرله يجي
ي شيخ اخليه ياخد a+