[ مشكلة ] : ماكملت اجراءات السداد والسبب ..

[7SN]

المشاركة الأصلية كتبت بواسطة fato093

سويت زي ماقلت أخ حسن

بس اخاف مايفتحو الرسالة او مايردو عليها
وبعدين اقدر اراجع العمادة او لا .. يعني اقدر ازور الجامعة
واعطيهم الوصل ولا لا ؟؟ لان كذا بقعد بهوس

يفتحونها لا تشيلين هم, بس ياخذون وقت على ما يردون
أكثر من مرة راسلتهم و ردو

أما بخصوص انك تروحي بنفسك ما عندي فكرة, يفيدونك أصحاب الخبرة
أو اتصلي عالجامعة و استفسري منهم
هذا رقمهم 1313-333-013

[fato093]

اخاف مايفتحوها ع الوقت
وبالنسبة للرقم كلمتهم ماردو

[7SN]

المشاركة الأصلية كتبت بواسطة fato093

اخاف مايفتحوها ع الوقت
وبالنسبة للرقم كلمتهم ماردو

باقي 10 أيام على انهاء الإجراءات, عندك وقت كثير لا تخافين
و هالأمور طبيعية تصير بكل الجامعات مشاكل التقديم و الإجراءات
بالأخير كل شي يتسهل

كلميهم مرة مرتين ثلاث, و ارسلي لهم إيميل مرة ثانية
هذا إيميل الدعم الفني
el.support@uod.edu.sa
و هذا إيميل الخدمات المالية
fs.dl@uod.edu.sa

إرسلي لهم مشكلتك مرة ثانية إذا مرت 24 ساعة على رسالتك اللي رسلتيها قبل

[بندر المحمدي]

انتظري رد الدعم الفني هاليومين

واذا تبين تروحين الجامعة عادي روحي مبنى تعليم عن بعد أتوقع مبنى 900


اذا دخلتي من البوابة الرئيسية يجيك دوار تعديه و ادخلي من الشارع اللي بعده يمين
واخر الشارع تشوفين المبنى بالواجهة مباشرة
اطلعي الدور الاول المكتب مقابل الدرج وانتي طالعه مباشرة

[صَعب]

المشاركة الأصلية كتبت بواسطة fato093

سويت زي ماقلت أخ حسن

بس اخاف مايفتحو الرسالة او مايردو عليها
وبعدين اقدر اراجع العمادة او لا .. يعني اقدر ازور الجامعة
واعطيهم الوصل ولا لا ؟؟ لان كذا بقعد بهوس

إذا تقدري تروحي الجامعة بالتأكيد راح يكون أفضل ,,

بالنسبة لإرسال الايميل إرجعي ارسلي الايميل للدعم الفني للتعليم عن بعد وللشؤون الماليه مع إضافة نسخة من الايميل للدكتور صالح الراشد , بكذا يكون وضعك في السليم وفيه نسخه من رسالتك وصلت للإدارة وصارت على علم وإطلاع فيها ..

الدكتور/ صالح الراشد - وكيل التعليم عن بعد
saalrashed@uod.edu.sa


> تعوذي من الشيطان ترا الأمور طيبه إن شاء الله ,,

[fato093]

ماعندي مشكلة اروح للجامعة
بس المشكلة ان الجامعة كبيرة فـ مدري اي مبنى

[صَعب]

المشاركة الأصلية كتبت بواسطة fato093

ماعندي مشكلة اروح للجامعة
بس المشكلة اني الجامعة كبيرة فـ مدري اي مبنى

جامعة الدمام بالراكة

العنوان
الراكة - طريق الدمام الخبر الساحلي بعد إشارة معهد الدراسات البحريه للقادمين من الدمام على اليمين ، وبعد إشارة الشارع التجاري للقادمين من الخبر والكورنيش على اليسار

- موقع مبنى عمادة التعليم عن بعد ,,

http://i.imgur.com/Mm2d9XL.png

[fato093]

اهم شي يكونو لطيفين وعندهم اخلاق
مايكونو رافعين خشمهم

[صَعب]

المشاركة الأصلية كتبت بواسطة fato093

اهم شي يكونو لطيفين وعندهم اخلاق
مايكونو رافعين خشمهم

ناويه شر وباقي ما رحتي ..!

أهم شي أخلاقنا إحنا , لأننا من خلالها نفرض إحترام الآخر لنا بدون لا نطلبه ,,


بالتوفيق لك ,,

[بندر المحمدي]

الاسلوب الحسن والكلام الطيب تفرض احترام الاخرين لك

مو كل الامور بالشد تتصلح


اصبري هاليومين وكل شي يتسهل