[ استفسار ] شكواء ضد احمد السقوفي لوزير التعليم الدخيل

[dreamshoba]

عزام الدخيل وزير للتعليم فقط وليس وزير يختص بِنَا أما وزير التعليم العالي د. خالد السبتي
من وجهة نظري أن لا تتجاوز الأنظمة وتتخطى العميد الله يصلح الحال ومن رأيي أيضاً ان المواد التي اختبرناها لم يخرج اي دكتور عن محتواها واللي كان مذاكر كان بيجاوب بس كان ينقصنا التركيز لا تظلمو فالظلم ظلمات يوم القيامة
وللمعلوميه أنا قابلت وحده وتدعي على دكتور القضايا والله لا يوفقه وحسبي الله فلما سألتها هل ذاكرتي قالت لا لم افتح المحتوى بس ذاكرت من الأسئلة فرديت عليها إنتي لم تبذلي جهدك فكيف تطلبين المستحيل وتصفين الإسئلة بالصعوبة إرتقو يا أعزائي فلكل مجتهد نصيب.

[jamola]

صدق السقوفي ماجاب شيء من برا
صحيح انه لخبص فينا وف مخنا لخبصه اول شي من المحاضرات الاخيره وببعدين الي
بالنص وبعدين من الي مدري منفين بس ماجاب شي من برا

[Doremi]

لا لا هدوا اللعب!

الدخيل أصلا ً ما بيطالع فينا..
والجامعه ما سفهتكم أو طنشتكم .. طوال الأترام الي راحت كان فيه شكوى على أكثر من ماده واستجابوا.
غير كذا، هالفكره فكرة مستوى سابع مع حليمه.. إذا بنشتكي للدخيل علشان السقوفي لمين بتشتكون بعد اختبار حليمه؟ الملك سلمان مثلاً؟

[Red Apple]

بالغتوا... مرة وحدة الدخيل ..

[إرتشآف]

للإمانه الإختبار كان فيه نوع من السهوله
بس انتم ما اتوقعتوا الاسئله
والله فيه اسئله تافهه جدا يحلها أي احد مبتدئ بالرايتنق
بس انتم اللي مكبرين الموضوع
عن نفسي والله ما ذاكرت الا ملزمة غاده الله يسعدها
واحس نفسي حليت اغلبها
فيه كم سؤال للمتميز اللي ذاكر بتركيز
لا نجامل بعض
انتم ما ذاكرتوا يمكن قريتوا بس
حتى لو قريتوا فيه أمثله جايبها زي ما هي ما غير فيها ابد
لا تظلمون الرجال .. وسلامتكم

[الشريف.]

اصبرو لين نشوف حليمه

[Sitah.Alotaibi]

شيء غير طبيعي اللي قاعد يصير في الأسئلة
معكم في الشكوى

[AaHh1234]

ممكن نشتكي ع السلوب كان مو مباشر ع كلام الدكتور حرام نبالغ كذا ونشتكي حتى للفريدان ماله داعي نتظلم بالملاحظات واللي ذاكر تعبه ماراح يضيع وغير كذا صحيح الامثله كانت من المحتوى ولا غير فيها مثل غيره من الدكاتره واسئلته من المنهج ماطلع ولا بكلمه برا المشكله الاسئله بعضها تحتمل اجابتين وبعضها معقده من ناحية حذف كلمه منها ماتخطر في بالنا واغلب شي ذي الكلمه هي اللي تميز التعريف وحذفها
لذلك لا نبالغ ونجيب العيد جامعتنا الافضل من ناحية الدرجات وجدول اختبار وايضا دكاتره وتعاون

[الايقونات]

المشاركة الأصلية كتبت بواسطة dreamshoba

عزام الدخيل وزير للتعليم فقط وليس وزير يختص بِنَا أما وزير التعليم العالي د. خالد السبتي
من وجهة نظري أن لا تتجاوز الأنظمة وتتخطى العميد الله يصلح الحال ومن رأيي أيضاً ان المواد التي اختبرناها لم يخرج اي دكتور عن محتواها واللي كان مذاكر كان بيجاوب بس كان ينقصنا التركيز لا تظلمو فالظلم ظلمات يوم القيامة
وللمعلوميه أنا قابلت وحده وتدعي على دكتور القضايا والله لا يوفقه وحسبي الله فلما سألتها هل ذاكرتي قالت لا لم افتح المحتوى بس ذاكرت من الأسئلة فرديت عليها إنتي لم تبذلي جهدك فكيف تطلبين المستحيل وتصفين الإسئلة بالصعوبة إرتقو يا أعزائي فلكل مجتهد نصيب.

وين يااخت معلوماتك قديمه وينك من قرارت الحزم اصلا ماعاد فيه شي اسموه وزير التعليم العالي لغوه

الحين بس الدخيل وزير التعليم ( بتاع كلو ) للعلم فقط

[Rana al]

حسبي الله ونعم الوكيل وانا معاكم