[ محتوى مقرر ] : ابي المحذوف من المواد

[turki1400]

[مهاجر الجبيل]

المشاركة الأصلية كتبت بواسطة turki1400

مع إني معك وضدهم في مثل هذه المواضيع المشتتة ..

لكن طرقك في الرد إستفزازية ..

لكم الشكر جميعا على كل ما تقدمونه من خدمة وأنا أول المستفيدين منها .. لكن نحن هنا في موطن علم ولابد أن نصبر ونحتسب الأجر في كل شيء فأعضاء المنتدى كثر وهم مختلفون من كل حدب وصوب

[Eman.m.s]

رحابه الصدر وين ياجماعه استهدو بالله
عندك رد ردو ياخلق الله ماعندكم الكلمه الطيبه حسنه
مو الشاطر اللي يلقح كلام ع الثاني
اقل شي تقدر تطلع من الموضوع بسكات
هالتهجم لاحظته بااكثر من موضوع الله يصلح الحال وخصوصا بهالمستوى
ندري ماقصرتو يااصحاب الورش وكل شي واضح وموجود وبيض الله وجيهكم
والله يجعله بموازين اعمالكم
لكن تممو هالتعب بكلمه طيبه
دعواتي لكم جميعا بااختبارات هينه وميسره بااذن الله ومعدلات مثل ماتتمنون واكثر

[ابو عبدالعزيز .]

[align=justify]السلام عليكم

مداخلة بسيطه
المنتدى وضع للفائده ومن حق اي عضو يكتب اللي يبي ويسأل عن اللي يبي ومن حقكم تردون على استفساراته والا تتركونها , مافي احد مجبور على شي ولا في احد بيجبر احد على شي ,,, وانا قاعد اشوف اللي يردون ويتفلسفون على الفاضي وكأنهم الامرين الناهين في هالمنتدى ,,, مدخلين انفسهم في كل شي(لقافه ) وكأنهم وصلوا مرحلة من الاستعلاء والسمو لدرجة انهم ينظرون نظرة فوقية ,,,
اقول
اتركوا عنكم معاملة الاعضاء بفوقية واستعلاء واتركوا الناس تكتب اللي تبي ...
واللي مو عاجبه لا يرد ولا يتعب نفسه .....


عشنا وشفنا .....
[/align]

[ttt]

الحلم واللين والمساعده لوجه الله وأحتساب الأجر



فقط لاغير ..

[ttt]

نعم الكل يعترف بجهودات القائمين ع الورش وبيض الله وجيههم وكتب الله أجرهم


لكن


أبداً هذا الشيء لايعطي الحق بالتلفظ او الهجوم الشرس اللي لاحظناه بأكثر من موضوع تقدر تطنش دام ماجاز لك الموضوع

او تجي وتعطي نصيحه بأسلوب مؤدب ولابد يكون الاحترام لبعض سيد الموقف .. ( لاتنسون ان البعض هنا يمكن يكون بعمر امك وابوك فمايصلح هالاسلوب أبد )


ام حنان ومرعي واكاديمي عن بعد وابو رحمه كانو من أفضل الطلاب تعاوناً وسعة صدر وتحمل الله يوفقهم ويرزقهم من حيث لايحتسبون

كانو خير مثال للتعاون وطولة البال فياليت نتعلم منهم دون قصور في الباقين

[أبو عبدالله]

ياليت يااخوة , واخوات , روقوا شوي والله اني اعرف حرصكم
على القسم وكلنا عارفين نوايا بعض ,
واعرف ومتأكد ان ودكم تخدمونهم وتقدمون لهم الي يبغون ع طقم من ذهب

الامور طيبة , ونلتمس العذر للطلبة الي ماادخلوا الملتقى الى الان
ولا يعرفون ايش صاير وليس لديهم اي خلفية او معرفة
وايضاً التمسوا لهم العذر ( الى 70 عذر )
منهم لا يعرف استخدام البحث او المنتديات والخ
منهم المشغول , منهم المهموم , منهم حديث الزواج , المتزوج
انا اعرف ممكن هالكلام مايجبره يكتب موضوع ويشتت القسم
ولكن التمسوا لهم العذر , عشان مانوصل لمرحلة حرجة وصعب نهدي الأخرين


ياليت يااعضاء الي يعرف كل ماهو محذوف يطرح بموضوع وينبهني لأقوم بتثبيت الموضوع
واكون له من الشاكرين .

[Fatima999]

المشاركة الأصلية كتبت بواسطة Marei

ياليت يااخوة , واخوات , روقوا شوي والله اني اعرف حرصكم
على القسم وكلنا عارفين نوايا بعض ,
واعرف ومتأكد ان ودكم تخدمونهم وتقدمون لهم الي يبغون ع طقم من ذهب

الامور طيبة , ونلتمس العذر للطلبة الي ماادخلوا الملتقى الى الان
ولا يعرفون ايش صاير وليس لديهم اي خلفية او معرفة
وايضاً التمسوا لهم العذر ( الى 70 عذر )
منهم لا يعرف استخدام البحث او المنتديات والخ
منهم المشغول , منهم المهموم , منهم حديث الزواج , المتزوج
انا اعرف ممكن هالكلام مايجبره يكتب موضوع ويشتت القسم
ولكن التمسوا لهم العذر , عشان مانوصل لمرحلة حرجة وصعب نهدي الأخرين


ياليت يااعضاء الي يعرف كل ماهو محذوف يطرح بموضوع وينبهني لأقوم بتثبيت الموضوع
واكون له من الشاكرين .

مساء الخيرات مشرفنا

بعذ اذنك
اذا نقطة الخلاف المحذوفات

اتبرع بتجميع كل محذوف بكل المقررات

لكن ايضا

اتمنى التعاون من الطلبة في استفساراتهم عن المقررات
تكون في نفس الورش
هذا كل شي
واللي تآمر عليه بيكون ...

بالتوفيق

[turki1400]

والله سبقتيني اختي فاطمة

والله لخاطر ابو عبدالله كنت بسويها

انتي السباقة ماشاء الله دايما

وانا استميحكم عذرا سوف التقي فيكم في ورشة التسويق

لاني مسئول عنها وسوف ارد عن اي استفسار لديكم


والحين بنركز على انفسنا ونذاكر لاختباراتنا والعذر والسموحة من الكل

تحياتي للجميع

[turki1400]

المشاركة الأصلية كتبت بواسطة مهاجر الجبيل

مع إني معك وضدهم في مثل هذه المواضيع المشتتة ..

لكن طرقك في الرد إستفزازية ..

لكم الشكر جميعا على كل ما تقدمونه من خدمة وأنا أول المستفيدين منها .. لكن نحن هنا في موطن علم ولابد أن نصبر ونحتسب الأجر في كل شيء فأعضاء المنتدى كثر وهم مختلفون من كل حدب وصوب

اشكرك اخوي مهاجر على وجهة نظرك واحترمها

وارتاح اخوي انا انقطع عن المنتدى بالردود ولكني موجود بالمتابعة الصامتة فقط

ونسئل الله ان يوفقكم ويوفقنا وفالكم الفل مارك جميعا

تحياتي لك