[ المستوى الرابع ] : فيصل في ورطة!

[..ابوحنان..]

المشاركة الأصلية كتبت بواسطة سيدة ميم

أنا بعد مثلك وحاولت كثير إني أغير لمدينة ثانية وعجزت وأرسلت ايميل للفريدان ورد علي اليوم قال : مقاعد الاختبار مثل حجز الطيران مانقدر نطلع طالب ونحطك مكانه قال حاولي لعل فيه احد يطلع وتاخذين مكانه ، عاد أنا فقدت الأمل وابختبر ان شاءالله باللي اخترته من البداية والشكوى لله .

إجابة غير مقنعة

الطيارة عدد المقاعد محدد لا يمكن زيادتها نهائياً، المراكز تستطيع زيادة عدد الفصول والطلاب ففي كل مركز أختبر فيه أجد فصول كثيرة مغلقة يستطيعون فتحها للطلاب، والجامعة تأخذ مليارات من الطلبة، صح إن الجامعة ما قصّرت وفرت لنا برامج ممتازة ولجان نشيطة، ورغم إني ما ألومه بالمراكز لأن الأعداد كبيرة لكن تمنيت إنه ما أجاب الإجابة هذي.

أنا اللي مضايقني في الجامعة شي واحد فقط وهو الكادر الأكاديمي وماتمنيت إنهم يحاولون توفير المبالغ على حساب أهم ركن من أركان التعليم (المدرسين) وواضح إنهم ما يبون يدفعون مقابل إنهم يأتون بكادر أكاديمي مميز وتمنيت لو كان الكادر الأكاديمي من العراق أو سوريا أو مصر خصوصا لقسم اللغة العربية لأنهم مميزين ورواتبهم ليست عالية، والكوادر الأردنية المميزة لا تأتي عندنا هنا نهائياً إلاّ ماندر، وذلك لكثرة الجامعات الأردنية وكثرة المميزات الممنوحة لهم في جامعاتهم مقابل عدم رحيلهم وذلك لكثرة الطلبة الأجانب في الجامعات الأردنية والمردود الكبير التي تجنيه تلك الجامعات من وجود تلك الكوادر لديها.

[..ابوحنان..]

المشاركة الأصلية كتبت بواسطة faisal7944

هههههههههههههه

أنا اليوم انطبق علي المثل (منوة ال....) يالله تكبر راسي يالله تصغر راسي يالله ترده محله:) بس الثالثة ما حصلت لي :)
أحاول بالخفجي وحول الخفجي الجبيل النعيرية وحتى الحفر ومالقيت مركز قريب وأنا أختار مركز الأحساء (أبعد من الظهران بالنسبة لي) وهو يقبل وأنا اتوهق قلت مالي الا أرجع للظهران وتظهر لي نفس الرسالة المشئومة :(

تهون ان شاء الله :)

هههههههههه
الله يعينك يالمقرود لكن خيرة إن شاءالله

وعسا الله يقدملك كل مافيه خير لك ويسهلها لك وللجميع

[muntaha]

صارمعاكم شي
انا تواجهني نفس المشًكله وخلت ولد اخوي بنفسه يقابل العميد
يقول أبد مانقدر خل تحاول لين تلاقي مقعد
ويقول مافيه لغه عربيه بالرياض من الأساس معقول ياناس
بس بفهم هم ليش فاتحين تحديد المراكز دام مايبون يغيرون ولا بس كذا لعانه

[faisal7944]

فاتحينه عشان يقهروننا مثل الي ياكل قدام الصايم:)

[muntaha]

أبشركم تغير معاي بسرعه شوفو الموقع
ربي يسرها يارب لك الحمد والشكر
بالتوفيق لكم

[..ابوحنان..]

المشاركة الأصلية كتبت بواسطة muntaha

أبشركم تغير معاي بسرعه شوفو الموقع
ربي يسرها يارب لك الحمد والشكر
بالتوفيق لكم

الله يجزاك خير يامنتهى ويوفقك

تغير معي أيضا ولله الحمد وبلغت بعض الاخوان وقبل معهم أيضاً
شكله كان يحتاج تحديث !!! والا كيف قبلت مراكز مختلفة الطلاب مع بعض وكيف طلعوا الطلاب من تلك المراكز مع بعض


اللي له علاقة بأخونا فيصل وأختنا سيدة ميم أو يعرف وسيلة اتصال بهم يتواصل معهم لأنهم أكثرنا حاجة للتغيير لأنهم يبون ينقلون من مدينة لمدينة وليس من مركز لمركز

[faisal7944]

الحمد لله

الله يجزاكم خير جميعاً على الاهتمام وأبشركم حول مركز الاختبار للخفجي وبدأت أمس بهالإختبار السهل الله يجزي استاذه كل خير

حاولت الرد من يومين ولكن علق المنتدى معي

تحياتي