[ استفسار ] رد الدكتور على مواضيع البحث المتشابهه

[عضو محذوف]

المشاركة الأصلية كتبت بواسطة mnm3

في مواضيع مو زين لنا ولا لسمعة جامعتنا وشهادتنا انها تنكتب كذا يشككون بشهادتنا الي يبي يسوي بحث راح يجتهد ويسويه والي يبي ينسخ ينسخ ولا يجاهر (= والله انا انقهر لما اقعد بمكان ويقولون انتو سهله جامعتكم انتو تغشون وبلا بلا !!! والسبب المواضيع الي مثل هالنوع

على اساس الجامعات الي بالمملكه ماياخذون بحوووث من النت مثلا كلااامك ماله علاقه بالموووضوع وش دخل سمعه ومجاهره ويششكوون بالجامعه وسهولتها؟!عشان ناخذ بحث جاهز اغلب الطلاب ياخذون من النت قليل الي يسوي بحثه بنفسه
بالنهايه الكل يطمح لاخذ درجه زينه حتى لو نسخ وعدل فيه مافيها شي !!!

[سعودي طموح]

المشاركة الأصلية كتبت بواسطة هدؤ أنثى

جهة التدريب يعني المكان اللي رح تدرب فيه ايش اسمه مثلاً مدرسة متوسطة خالد بن الوليد .. عنوان القسم اللي انت فيه الإرشاد الطلابي .. الإدارة التابعه لها مثلا إدارة التربيه والتعليم بمنطقة الرياض مثلا .. رقم هاتف العمل اللي هو رقم الإدارهالإدارة في جهة التدريب اللي هو المتوسطة اللي تدرب فيها

أتمنى اني افدتك واتمنى اني أصبت بردي واتمنى غيري يفيدك أكثر مني ويصحح غلطي ويالييت تخبرني اذا جاتك ردود تصحح غلطي وشكراً لك .

جزاكي الله كل خير

[حجاب الوريك]

المشاركة الأصلية كتبت بواسطة نورة بنت فهد

محد سوى نسخ ولصق ،،، الدكتور يقول انتبهوا من هالنقطه فقط وهو يعرف اننا اكبر من كذا وجزاه الله خير بلغنا بالشئ هذا ليتداركه البعض > وهم قليل
رضا الناس غاايه لاتدرك ،،،،، موفقين

اكيد ماحد سوا نسخ ولصق حتى انا مانسخت موضوعك

تحياتي الاخويه

[خالدعبدالعزيز]

المشاركة الأصلية كتبت بواسطة صبا الدلوعه

على فكره الدكتور مو مغفل ومحد قاله شي هو من نفسه بالمحاضره قال البحوث الي نسخ لصق من النت نعرفها وشدد عليها وهو الي فتح السالفه يعني محد فتح عيونه على شي !!!!!!
والي بوصله لكم وصلته عشان تستفيدون وتعدلون ع البحوث وانتم برااااااااااحتكم

الا للاسف فيه ناس ازعجوا الدكتور بكثرة الاسئله الممله اللي مالها داعي كل شي واضح والتعليمات واضحه
اعمل بحث وارسله وانتهى الموضوع الطلاب اللي سبقونا نفس الشي صلحوا البحث وهم ساكتين ونجحوا ماشاءالله عليهم.

[شقووح]

هالاسئلة مالها داعي اسئلة غبية ارسل بحثك ونطم حنا اكثر شغب يتكلم بدون فايده

[نورة بنت فهد]

المشاركة الأصلية كتبت بواسطة حجاب الوريك

اكيد ماحد سوا نسخ ولصق حتى انا مانسخت موضوعك :s_45:

تحياتي الاخويه

^
حلالك





(( ياحبايب قلبي اللي بيكتب وجهة نظره ورأيه بالموضوع ياليت تكون الفاظه لطيفه شوي علشان البقيه تتقبل كلامه وتستجيب له ))
صلو على شفيعنا وحبيبنا محمد صل الله عليه وسلم

[غرور انثى**]

الي يسأل هالأسئله ودي يحمل الماده عشان يتوب معاد يسأل

[قلب أبوها]

" عنز تحرث عن نصاب الخوصه"

مثل المفروض يدخل ضمن مقررات الجامعة

[هدؤ أنثى]

المشاركة الأصلية كتبت بواسطة سعودي مجتهد

جزاكي الله كل خير

آمين يارب العالمين وياك والجميع .

[هدؤ أنثى]

المشاركة الأصلية كتبت بواسطة شقووح

هالاسئلة مالها داعي اسئلة غبية ارسل بحثك ونطم حنا اكثر شغب يتكلم بدون فايده

لي تعقيب على كلامك صحيح كلامك اسئله غبيه يسالونها لكن المفروض يسالونها طلاب وطالبات اعرف بهذا الشئ وعنده خبره فيها .... لكن كلمة انطم هذي تقولينها ميانه بينك وبين اخوانك وخواتك اما هنا في موقع تواصل اجتماعي الكل يشاهد كلامك فهذا لا وعيب مايصلح يختي انتي بين مئات الآلاف من الرجال حبذا لو تنتقين كلامك المناسب لهذا الكلام ولهذا المكان بعدين انت انثى تعطين فكره عنك فاعطي كل فكره عنك جميله اعتذر ع الإطاله ونصيحه من اخت لأختها يعني هذا المكان زيه زي مجلس الرجال عندكم في بيتكم يعني تتكلمين بالصوت العالي انطم ... لا تاخذين بخاطرك مني لكن قصدت التنبيه فقط