 |
|
||||||
| ملتقى الفنون الأدبية شعر,نثر,خواطر,قصص,روايات وجميع الفنون الادبية |
 |
|
|
أدوات الموضوع |
2014- 7- 3
|
#11 |
|
مراقبة عامة سابقاً
|
رد: أمتعنا بمقتطفات للشاعر / فهد المساعد
ذكريـــــات .. كلٍ يغني على ليلاه وانا على حالي أغني أحيان عقلي احسّه تاه واحيان افكّر واقول : اني حزين صدري مداين آه ضايع بخت من صغر سنّي غريب ربع وطريق وجاه وحيد ماحدٍ درى عنّي غاوي شعر والزمن شلفاه تنهش ضلوعي وتطعنيّ في الذاكره شيّ لو انساه يمكني اعيش متنهّي في الذاكره دمع لاوالله في الذاكره طفل يغني ليت الاماني جبل وارقاه وانسى همومي وينسّني مايدري انّي على ذكراه يمكن ابقى ويمكنّي اترك طريق الشعر واجفاه واموت مأحدٍ درى عني |
|
|
2014- 7- 3
|
#12 |
|
متميز بملتقى الفنون الأدبية
|
رد: أمتعنا بمقتطفات للشاعر / فهد المساعد
|
|
|
|
2014- 7- 3
|
#13 |
|
متميز بملتقى الفنون الأدبية
|
رد: أمتعنا بمقتطفات للشاعر / فهد المساعد
آخر العشاق
لو يوم أحد في وحدتك نادى عليك ثم التفت وشفت ماحولك أحد هذا أنا من كثر ما فكرت فيك ناديت لك والكل منا في بلد يكفي الى هنا وما أقدر أوله عليك أكثر من الوله كني طفلٍ نسى يكبر يحبك بإحساس يكفي قلوب الناس ما علمك صوت المطر كيف أحتريك وإلا المطر ما جاب لي طاري أبد ؟ كم قلت لك في غيبتك وش كثر أبيك إشتقت لك .. إتقول لي وأنا بعد عوّد للموعد اللي زل لك في عيوني ظل مشتاقة عيوني والشوق ماله حل ما ظل فيه أشواق انا آخر العشاق |
|
|
|
2014- 7- 3
|
#14 |
|
متميز بملتقى الفنون الأدبية
|
رد: أمتعنا بمقتطفات للشاعر / فهد المساعد
 تعبت أسولف لك وانا ماتكلّمت أسكت أنا وأترك عيوني تكلّم لاتفهم احساسي ولا تفهم الصمت مـدري وش أسوي علشان تفـهم ودي أقول فـ يوم كم فيك أنا همت لكنّي خايـف .. خايـف أقـول وأنــدم كل ما بغيت أقـول أحبك تلعثمت حتى وأنـا أحلم فيك كنت أتلعثـم كم ضقت منك وكم عشانك تبسمت الله هو اللي بـس في حالي أعلـم أحبك لحالــي ولا يــوم علمت إحساس أحس المـوت من طعمه أرحم لو بـس تدري كيف أحبـك تألـمت عن كل لحظة منك كنت أتـألـم تعبت أسولف لك .. وأنا ما تكلمت يارب تفـهم بس .. يارب تفهـم ! |
|
|
|
2014- 7- 3
|
#15 |
|
متميزة بالخيمة الرمضانية
|
رد: أمتعنا بمقتطفات للشاعر / فهد المساعد
"احتياج" هي فعلا تفاصيل صغيره تلامس احتياجاتنا الروحيه يوم هبّ الوقت وأعماني عجاجه الفرج عيّا .. وأنا بالصبر راهي ويوم مال وطال ميله وأعوجاجه رحت أدوّر شي ٍ يشد إنتباهي وشفت زولك مقبل ٍ مثل إنفراجه كنّه اللي جايبٍ عزّي و جاهي ياه ياضيقات صدري وإبتهاجه تذكر آخر مرة ٍ شفتك ..متى هي !! صاحبك من يومها زاد إحتياجه وأمتطى ظهر المصايب والدواهي سولف الليله على قلبي و ناجه من بقى لي غيرك أفخر به وأباهي يابعد من كدّر غيابي مزاجه ويابعد من مرّت حروفه شفاهي رغم حيرة قلبك ورغم إنزعاجه الزمن .. ماغيّر احساسه تجاهي ورغم وحشة بعدك وقسوة سياجه كل حاجه فيك ظلّت مثل ماهي الخجل في وجهك أول مـ نتواجه والبراءه في عيونك وأنت ساهي وبسمتك لامن بغيت تقول حاجه وغيرتك لاشفت كنّي عنك لاهي قبل أشوفك .. والزمن عاقد حجاجه أسأله : وش فيك ؟! وألقى العذر واهي ويوم شفتك قلت للوقت وعجاجه : هيه ياللي في طعونك كنت راهي أنت لو غيّرت فينا ألف حاجه القلوب البيض تبقى مثل ماهي |
|
|
|
2014- 7- 3
|
#16 |
|
مشرفة المستوى الثامن علم اجتماع سابقاً
|
رد: أمتعنا بمقتطفات للشاعر / فهد المساعد
_ ,
http://up.alhilalclub.com/uploads/pu...31517_t240.jpg انا هلالي بالهوى ، والمشاعر لكن ترا مانيب شاعر هلالي شاعر بكل الناس والكل شاعر باحساسي الصادق وشطحة خيالي اهيم في الوديان وارحل واسافر مع كثرة الشعّـار كنّي لحالي احيان اشوف الحُب مُشرك ، وكافر واحيان اقول الحُب هو راس مالي لكن اذا حبيت ماقدر اكابر كتمان هذا الحب فوق احتمالي واللي يعد الصدق ماهوب خاسر قد قلتها واقولها اول وتالي احب نادي القرن واحب ياسر واحب كل انسان دمّـه هلالي _ 
|
|
|
|
2014- 7- 3
|
#17 |
|
مشرفة المستوى الثامن علم اجتماع سابقاً
|
رد: أمتعنا بمقتطفات للشاعر / فهد المساعد
_ ,
http://up.alhilalclub.com/uploads/pu...31530_b240.jpg " بنت " فقدت في الشـدّه حبايـب وخـلاّن هانت عليهم عشرتي بس ماهنـت خانوا .. وقلت أن الزمن مثلهم خان لكن بعد ماشفـت زولـك تطمّنـت عرفت من فقدي لهم أنـي أنسـان ماعاد باقي له من العالـم الا أنـت أنت السبب ياقلب في كـل ماكـان مشكور ياقلبي على الطيب وأحسنت في خاطري كلمه على حد طوفـان بقولها .. واليوم شفتـك وهوّنـت لكن تذّكر للأسف قـدر الإمكـان : أن الجفا رجّال وأن الوفـا بنـت _ |
|
|
|
2014- 7- 4
|
#18 |
|
مشرفة المستوى الثامن علم اجتماع سابقاً
|
رد: أمتعنا بمقتطفات للشاعر / فهد المساعد
_
أعز إنسآن , صوّت حبيبي وقبل أقول ياعونك بكى جروحه ورحت أشكي له طعوني يقول مقدر أعيش اليوم من دونك أقول حتى ولو ماعشت من دوني يمكن أنا اكون أعز إنسان فـ عيونك بس انت والله كل الناس فـ عيوني لا صرت ربعي وداري فيّة جفونك وش دخّل الناس خل الناس يجفوني يكفيني إن انت لا من قلت وشلونك تطيب كل الجروح ويختلف لوني وإن كان منتب مصدقني على هونك عتال وطالع دروبي وين ودوني أصبحت أجامل عداي اللي يحبونك وأكره مشاهد عداك اللي يحبوني ومن كثر ما احب واكره عنك واصونك اصبحت دفتر مشاعر وأنت مضموني إن غبت عني شعرت بلذة طعونك وإن شفت زولك شعرت بقيمه عيوني _
|
|
|
|
2014- 7- 4
|
#19 |
|
مشرفة المستوى الثامن علم اجتماع سابقاً
|
رد: أمتعنا بمقتطفات للشاعر / فهد المساعد
_ ,
باب النسيآن , كل مافي الأرض ينذر بالمفارق والغياب اللقا والشمس وحروف الرسايل والقبور وش بقى يوم أكتشفت أن آخر الدرب السراب ؟! والبحر دمع لسواحل هاجرت عنها الطيور ! مالحزني صوت ؟ مدري هو خطأ والا صواب ! بس أعرف أني حزين وصوتي الليله جهور من يدّثر صوتي الليله ويكسب له ثواب ؟! مالها يالشعر غيرك أنت ياجبر الكسور يكفي أني لابكيت بدونك أشعر بإرتياب وكل ماأبكي فيك أشوفك لي عن اللي فيّ سور أدري بيوتك عرايا لكن أوزانك ثياب لبّس جروحي من أحزانك وألبّسك الصدور كان ياما كان والنسيان للعشّاق باب عاشق لاشدّ درفة باب صاح بلا شعور : يقدر النسيان ينزع غصن من فوق التراب \ بس مايقدر يقرّب للتراب وللجذور كيف أبنسى ذكريات الطيش الأول والشباب ورفقة الليل العتيقه وأول الفجر الطهور والمواعيد وشغبها والوله قبل العتاب وساعة كم كنت أحاول في عقاربها تدور والمكان اللي وهن سقفه من الفرقا وشاب من بعد ماكان يحضّنا مثل طفل غيور والمطر لا لوّن الشارع وقلنا للسحاب : بللّ أيدينا ترى العشّاق أياديهم زهور كيف أبنسى والرياض لسيرتي مثل الكتاب ! حافظتني بيت بيت و حي حي و دوُر دوُر من كثر ماكنت أدوّر في شوارعها جواب : هو صحيح الحب أعمى ! أو عيون الناس عور ؟! كنت أشوف الحب عذب وهم يشوفونه عذاب ! كان هذا الحب سر ! وقلته وكلي سرور علمّوني في المدينه كيف لاحبيت أهاب لكن القريه قمرها قال : كُن للحب نور في بلادي كنت عاشق بس شاعر بإغتراب ! لين صرت الشاعر اللي تعشقه كل البحور علمّيني يالقصايد هو خطأ والا صواب ؟! لارفضت أنسى عيون عشتها شعر وشعور هذا أنا لحالي هزيل الحال وأشعر بإكتئاب كن قلبي جال بحر هاجرت عنه الطيور أجرع الفرقا وأقول الحب عذب وللعذاب كل قلب لاحرمه الوقت من خلّه يبور ولين هذا اليوم أدوّر في المدينه عن جواب : ليه في شرعك يكون الحب معنى للفجور ؟!! |
|
|
|
2014- 7- 4
|
#20 |
|
المشرفة العامة سابقاً
ملتقى الفنون الأدبية 
|
رد: أمتعنا بمقتطفات للشاعر / فهد المساعد
قصيدة " تعال " من عز نومي صحيت وشفت في عينـي دمع تهادى علـى جفنـي وأنـا غافـي ستـرت دمعـي بـ كمـي قبـل يغرينـي وأخذت هذا الجسد مـن باقـي لحافـي وسريـت تايـه ورا خطـوات رجلينـي لا الوجه وجهي ولا أوصافي هي أوصافي أمشـي وأقـول لـ طريقـي لا توديـنـي لـ عيون ناس تبي تـدري عـن الخافـي أمانتـك.. خلهـا مـا بينـك وبيـنـي خابرك يالـدرب خـوة عمـر وسنافـي مـا ودي النـاس تـدري وش يبكينـي كرامة النفـس ورث أبـوي و أسلافـي أمشي وأحس الخناجـر فـي شرايينـي والبرد يمشي وراي وينهـش اطرافـي وحيـد واللـيـل بـردونـه يغطيـنـي تقـول كـن البلـد روح بهـا السافـي إلين ما أوحيـت لـي صـوت ينادينـي صوت أعرفه مثل ما أجهل وش خلافـي قمـت أتلفـت و انــادي لا تخليـنـي ما غيره.. الصوت هذا صوتـه الدافـي ولمحت زوله من أقصى الـدرب لافينـي مدري وش اقول لكن حـي هـا اللافـي تعال.. شف غيبتك كيـف أثـرت فينـي تعال.. شفني وأنا أغرق عقب مجدافـي تعال.. خذنـي ورحبـي مـن عناوينـي تعبت أعدي على جمـرك وأنـا حافـي تعال واقطف بصوتـك زهـرة سنينـي كـل المواعيـد عقبـك شمعهـا طافـي تعـال وازرع خصـل شعـرك بكفينـي بضمهـا ليـن أحـس بليلـك الظافـي تعال وشفيـك خايـف؟ أنـت ناسينـي؟ قطعت صوتـي عليـك وطـال ميقافـي حتى بديت أشعـر أن الحـب معمينـي وان أنت حلم عثى فينـي وأنـا غافـي لكن أمانـة تـرى اللـي فـي كافينـي إن رحت منك كذا مـا رحـت متعافـي بصـدق الحلـم وأحـذر لا تصحيـنـي في خاطـري كلمتيـن إن قلتهـا كافـي أمانة الله عليك إن غبـت عـن عينـي لا يكون قلبك مثل قلـب الزمـن جافـي مع كـل دمعـة تذكـر رعشـة يدينـي ومع كل ضحكـة تذكـر قلبـي الوافـي . .  |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [ متجدد ] : أمتعنا بمقتطفات للشاعر / محمد بن فطيس المري | Dr ʀeнαв | ملتقى الفنون الأدبية | 27 | 2014- 7- 3 02:38 AM |
| [ متجدد ] : أمتعنا بمقتطفات للشاعر / بدر بن عبدالمحسن | Dr ʀeнαв | ملتقى الفنون الأدبية | 48 | 2014- 6- 26 01:43 AM |
