[ اعاقه سمعية ] : ((غرفه مذاكرة دراسة حالة لذوي الاعاقه السمعيه))

[بندر المالكي]

هذا تنسيقي وتجميعي للاختبار لدفعتي الاختبار الأخير بعد رفعها لكم بملف ...

وأذا كان هناك أخطاء يا ليت يتم التعديل عليها وتنسيقها

[Charisma]

الله يرضى عليك

[بندر المالكي]

المشاركة الأصلية كتبت بواسطة صدى السنين

السلام عليكم ورحمه الله وبركاته
انا دورت على الاسئله في اسئله المراجعه الخدمات الطلابيه بس ماشفتها اومع التوتر ماشفتها اللي لاحطها يقولنا

وعليكم السلام ورحمه الله وبركاتة

بالفعل بحثت عنها في القسم المخصص لكن للأسف لم يطرحوا المختصيين الاسئله الخاصة بها المادة للأسف

وبحثت عن كذا مادة نفس المشكلة ....

[شموخ انساان]

تسلم يدينك مانستغني عن خبرتك مع الهجين

[رَحيق الورد]

اجتهاد رائع منكم...

ربي يوفقكم ..باختباراتكم ...

[s000ms]

الله يعطيك العافيه اخ بندر المالكي

[HnOsh_A]

اخوي بندر جزاك ربي الجنه على طرحك هذا وربي ييسر لنا هالماده ونعدي با اعلى الدرجات

لي باك اكيد مع الماده

[Charisma]

السلام عليكم ورحمة الله وبركاته
اوريكم يالراقدين شفتوا الملزمة عددها قليل واستهنتوا بالمادة
ابشركم مسكت خمس محاضرات وفصفصتها وربطتها ببعض ..

بكتب لكم اختصارات واشياء مهمه ، تكفوووووووووووووووون لحد يجيب لنا الكسل والنوم ع اخر الاختبارات
يكفي البرد

بكتب لكم كم سطر برا المنهج واتمنى تعذروني والنصيحة ماتعرف وقت محد يدري متى وفاته والله ماكتبت الا عشان
تدعون لولد عمتي وعشان تتحمسون وتجيبون اعلى الدرجات
لأنكم بخير وبصحة وبعافية ، اللي عنده أم يفرحها واللي عنده أب يفرحه ..
لحد يقولي ليه تضغطينا بهالكلام ويكفي الاختبارات .. بس لحد يقرا كلامي بهالمنطق ، أنا اكتب ابي اذكركم انا
بأحسن الظروف ونقدر نذاكر وبأمن الحمدلله .. اسباب كثيرة صعب نحصرها ، ف مانبي نضيع الاختبارات بكسل
وعدم اهتمام ، حنا لسى بالدنيا نطلب رضا الله بهالعلم ولاننسى انه طريق للجنة ..

( بديت الاختبارات بأصعب الظروف بدخول ولد عمتي المستشفى عمره 20 وتوه تخرج من الثانوي يبي يكمل الجامعة
بس مايقدر لان عنده القلب ، لادراسة كان يقدر عليها ولا وظيفة ودخل قبل 4 ايام المستشفى بعد محاولات كثيرة واقتنع
يسوي العملية ، جلس 21 ساعه بغرفة العمليات وبعدها طلعوه للملاحظة ونزف يومين وتوفى الله يرحمه
مبسوطة تدرون ليه ؟ لأن الله كتب له حسن الخاتمة ، فاق من الغيبوبة 12 الليل يقرون له قران ويردد وراهم
الساعه وحدة الليل توقف القلب وجلسوا ينعشونه للساعه ثلاث .. تدرون طول هالوقت اش يسوي ؟!!!!!
يتشهد ويقرا قران .. لا اله الا الله توفى مبتسم ، عزاه كان خفيف تأثر كثير من الدكاتره بمستشفى الامير سلطان فيه )

لحد يستهين بأي شيء فيه منفعه له بالدنيا وبالاخره طول ماهو حي .. لانقلل من قيمة الوقت ، ولا قيمة افعالنا



يالله الحين ببدا اذاكر لكم دراسة حالة باللي اقدر عليه

[Charisma]

المحاضرة الأولى

يقولكم ان مناهج البحث التربوي في التربية وعلم النفس تتكون من اربع مناهج :
1 .. المنهج التاريخي
2 .. المنهج الوصفي
3 .. المنهج التجريبي
4 .. المنهج الاكلينيكي < دراسة الحالة تعتبر من طرق البحث بالمنهج الاكلينيكي ..

يعني الحين عرفنا مادتنا الجميلة دراسة الحالة واش سالفتها ومن وين جات ..

دراسة الحالة تساعد كثير في .. الارشاد والعلاج النفسي ..

واش هي دراسة الحالة ؟

هي دراسة عميقة لحالة فردية .. طبعا حالة فردية مو فرد يعني ، لأ
يعني هالحالة الفردية تكون فرد او جماعه ، هالحالة ممكن تكون مريضة او سويه ..

الزبدة ندرس كل شيء عن الحالة ( بالماضي والحاضر والمستقبل ) ..

[Charisma]

اهداف واستخدامات دراسة الحالة :

ماراح اشرحها لاني قريتها وواضحة مره مايحتاج ، بس لازم نفرق بينها هاالاهداف وبين الاهداف والاهمية
لدراسة الحالة في المحاضرة اللي بعدها ..

المهم حسن عبدالمعطي اش يقول

1 .. دراسة حالة منحرفة والا منعزلة والا مرضية ..

2 .. فحص ظاهرة النادرة والاحداث غير العادية ..

3 .. وضع الفروض التشخيصية ..

4 .. وضع التوصيات العلاجية ..