علم اجتماع مستوى اول - بخصوص المواد والرسوم

[قنوع]

المشاركة الأصلية كتبت بواسطة صعب آنساك

قنوع ، السنة الماضية صارت نفس الحركة ومع سداد المستوى الثاني خصموها ،،،
للمعلمومية حتى ما خصموها من أنفسهم ولكن بعد لقائنا بعميد كليتنا أشتكينا وقال أخصموها وسددو،،
حتى فية بعض الطلاب للحين ما أنخصمت عليهم ،،

يعني ما فية خوف حتى لو يسددوها ، والسمستر الجاي يخصموها ،،

صحيح .. اخوي (صعب آنساك)
ولولا الله ثم لقائكم المثمر مع عميد كليتكم .. لكان إلى الآن المبلغ الزائد مفقود ..
عموماً أي طالب لم يتم ارجاع له المبلغ او لم يخصم .. يراجع الأخ (حسن المالكي)
مبنى الأدارة العامة رقم (10) الدوري الأرضي إدارة المشتريات ..

[قنوع]

----------

Nwyf AL.subaie

عدد الساعات (18) *(150) + (500) = 3200 ريال (قيمة الدفع) للمستوى الأول
هذه عدد الساعات التي اخذناها في المستوى الأول
عدد ساعات اللغة الأنجليزية الـ (4) ساعات مقسمة ع (شعبتين) كل شعبة (ساعتان)
والنحو التطبيقي1 اساساً هو (ساعتان) ولكن يوجد خطأ في الجدول القديم ومكتوب (ساعه)


بالتوفيق للجميع

[Nwyf AL.subaie]

طيب الطالب مو يحق له التسجيل في شعبه وحده فقط ؟!
اذا تحسب مادة اللغه الانجليزيه على انها ساعتين لكل طالب فقط ماتكون 4 ساعات لكل طالب , او اني فهمت هذي النقطه غلط يعني ..

[ريمنقو]

قنوع ..
حنا بأول سمستر دفعنا 3500 , هل دفعنا صحيح وآلآ فيه زياده
< مافهمت شي ..


مع العلم الاكيد ان الانقلش كان ساعتين والنحو ساعتين
اما السمستر الثاني كان النحو ساعه واحده

[ريمنقو]

نويف ..

عدد الساعات ماله علاقه بالشعبه ..
الشعب غالبا تكون شعبتين تختارين انتي اي شعبه تبين ع حسب الدكتور اللي تبينه ..
وعدد الساعات شي اساسي بالماده لاينقص ولايزيد بسبب الشعب ..

[قنوع]

المشاركة الأصلية كتبت بواسطة ريمنقو

قنوع ..
حنا بأول سمستر دفعنا 3500 , هل دفعنا صحيح وآلآ فيه زياده
< مافهمت شي ..

صحيح هذا ما تم دفعة في ذلك الوقت في المستوى الأول ..
وتم خصم الزائد تلقائياً في المستوى الثاني ..

[قنوع]

Nwyf AL.subaie

بشكل رسمي وع حسب إفادة الأخوان في الجامعة
بأن عدد الساعات (20) ساعه
والمبلغ المستحق دفعة للمستوى الأول علم اجتماع (3500) ريال
هذه الخطة الدراسية المرسله لهم من الكليات

بالتوفيق للجميع

[قنوع]

ملاحظة هامه :

تم شرح لهم نقطة ماسبق من حيث المبلغ الزائد وذكرو بأنه الخطط الدراسية تتغير
واذا كان هناك مبالغ زائدة تبقى في حساب الطالب وحقوقه محفوظه
وانهم متقيدون بما يصلهم من الكليات

بالتوفيق للجميع

[Nwyf AL.subaie]

طيب لو كان فيه خطط دراسيه جديده ومحدثه ليش الطالب مايكون على علم فيها
لانه هو اللي يدرس
لو كانت صحيح 20 ساعه
تغيير الجدول الموجود في الموقع لهم ماياخذ 10 دقايق


كل ترم ياخذون 300 زياده على كل طالب
"اعرف انهم يرجعونها له بالسمستر اللي بعده ويخصمونها منه"
لانها صارت لنا اول مستوى ولو اننا سكتنا كان راحت

ريمنقو فاهمه انا ان الطالب يحق له التسجيل في شعبه وحده
لكن قنوع يقول
" عدد ساعات اللغة الأنجليزية الـ (4) ساعات مقسمة ع (شعبتين) كل شعبة (ساعتان) "
قلت يمكن الماده مقسمه على جزئين للتخفيف من جهة المحاضرات وتسجل لكل طالب انها 4 ساعات
ولو قلنا النحو التطبيقي على انه ساعتين
يكون مجموع الساعات 20 ساعه دراسيه

لكن بما ان اللغه الانجليزيه ساعتين فقط
والنحو التطبيقي مثل ماقلتو ساعتين بالسمستر الاول

يكون مجموع الساعات الدراسيه لكل طالب 18 ساعه دراسيه
وهذي حسبه صحيحه مافيها اي اختلاف

لكن مسألة اجبر اني ادفع قيمة ساعات اضافيه انا ما درستها في هذا الفصل
لا معليش =\

300 ريال عندي وعندك وعند مجموعه لابأس بها مبلغ عادي
لكن 300 عند مجموعه كبيره مبلغ مو عادي
تقول لي يرجعونها ويخصمونها من الرسوم الفصل القادم
يمكن احدى العائلات تحتاجها هذا السمستر مو السمستر الجاي =\ !!

عن نفسي راح اسوي ايداع لاختي بمبلغ 3200 ريال فقط مقابل 18 ساعه دراسيه + الدوره التدريبيه
والمفروض حسب الخطه الدراسيه الموجوده بموقعهم ادفع فقط 3050 ريال مقابل 17 ساعه دراسيه + الدوره التدريبيه

[صَعب]

^
كلامك صحيح نويف ومحد يقدر يحجب شمس الحق بغربال ،،
نصيحتي لك سددي الرسوم مثل ما قالوا عشان ما يتحججوا ويصير مشكلة في التسجيل لأختك و إن شآء الله السمستر الجاي بيرجعونها ، واذا ما أعلنوا السمستر الجاي لا نقصيها وسددي مع خصمها ،
الوقت الحالي ما يحتمل تعطيل ، والله يعين

بالتوفيق لك ولأختك ،،