[ جميع التخصصات ] : تجمـــــــع لتجهيــــــــزات الجامعــــــه وكل مايخص الجامعــــــه (لبس,ميك أب,صداقات,دراسه)او اي شئ

[مها المطيري]

*

1-البطاقه الجامعيه >
متى ناخذها ؟ ومن وين نستلمها ؟
وش فايدها لنا ؟ ولازم يكون فيها صورة شخصيه ولا؟

مع بداية العام الدراسي يحددون لكم وقت وتستلمونها , من الكلية

هَـ البطاقة مهمه جداً تعتبر كإثبات لوجودك طالبة منتظمة في كلية التربية بحفر الباطن

وفيها تدخلين الأختبارات

أي نعم فيها صورتك الشخصية

2-الدكاتره والاستاذات >
ابيكم تكلمون عنهم بشكل عام
طبعا (سنه تحظيري)

البنات يفيدونك إن شاء الله

3-اللاب توب >
سمعت ان البنات يستخدمونه بالكليه بس الي بعرفه
انتوا تاخذونه معكم للدوام ؟ تستخدمونه بالمحاضرة ؟

اللاب توب ممنوع إلا إذا عندك نشاط أو شيء معين مع استاذة

و لازم تكونين مستأذنة قبل تجيبينه معك

4-الاسبوع الاول >
نداوم اول يوم ولا؟ وش نسوي لاداومنا ؟
وش نجيب معنا من اوراق ؟
نداوم قبل الدوامات بااسبوع ولا ماله داعي ؟

أول يوم مايكون فيه شيء لكن مايمنع تروحين تعملين استكشاف للكلية

الورقة المهمه اللي راح يطلبونها هي ورقة إستخراج البطاقة الجامعية

5-تسجيل المواد >
تسجيل المواد يفتح 18\10
ويسكر التسجيل 27\10
شلون ناخذ ارقام المواد والدوامات 25\10
نروح للكليه يعطونا ولا ؟
يسجلون لنا مواد ولا حنا نسجل ؟

أرقام المواد راح تنزل قبل بدء تسجيل المواد إن شاء الله

راح تكون الكلية فاتحة قبل الدوامات الرسمية , تروحين للكلية وتأخذين أرقام المواد

إحتمال انتم تسجلون لأن العام البنات سجلوا موادهم بأنفسهم

\

أتمنى إجاباتي كانت وافيه

بالتوفيق يارب ,,

()

[لؤلؤة الاميره]

سلام عليكم صبايا



ابسألكم """"""""""" شنو افضل محلات ومولات بالحفر لملابس الجامعه وكسسوارتها وتكون اسعاااره مناسبه لان الميزانيه متدهوره شوووي تعرفون عيد وسفرات تاخذ كل شي ابي ملابس شيك وحلوووه وتناسب الجامعه مو ممنوعه يعني وبسال الملبس اللي عليها صور وكلام وكذا ممنوع والا لا وكمان اللي ضيقه مره ومن عند الرقبه مفتوح يعني اللي تجي مديلات دايري من عند الكتف وكذا وما اعرف كيف وضح ان شااااااءالله فهمتو عليا افيدووني بعلوماتكم

[رويّم .]

ألف مبروك قبولكم و صرتو جآمعيِات :$ .
لا تشيلون هم الدراسه ، لآنهَا مره سهله بس أهم شيء تحضرون محاضرتكم
عشان ما يطوفكم شيء -لأني جربت و ندمت- .
المهم ، إذا ع اللبس و الميك أب
فيه سنتر بوينت ، و سيتي ماكس و رد تآغ .
مناسبه و ذربه بالحيِل .
و الميك أب ، لايف ستايل مره جميل .
و أهم شيء لا تشترون لبس شفاف وكذا
لأن بتأخذون تعهد و أنتو مغمضين .
و هم بعد اللبس اللي فيه فتحات وكذا ممنوع بعَد .
داومو بداية الدوام الليَ هو 25 . و بيعلمونكم كل شيء .
والله يعينكم على الكرف :( .
-نصيححه لأحد يدجّ- .

[وجـدآإن]

المشاركة الأصلية كتبت بواسطة لؤلؤة الاميره

انا بعد تم وبحمدالله قبولي بالجامعه وايتفدت منكم ابي اعرف الحين كيف اختار مواد ومتى تنزل الجداول ماعندي خبره في شي ياليت الي عندها معلوومه تعلمني فديتكم لاتبخلوون

المواد نزلت بالكليه روحي واختاري المجموعه اللي تبين طبعا المجموعات بالارقام وخوذي مواد مجموعتك واذا بدأ التسجيل سجلي إذا تعرفين هذا طبعا بعد ماتطلعين رقمك الجامعي
والجداول ي جميله بعد ماتداومين تلقينه بالكليه. وموفقه

[لؤلؤة الاميره]

مشكووره طيب اداوم بكره وين اروح لمين بالضبط عشان اخذ الاقام ذي

[رويّم .]

روحي للكليه اللي ع طريق الريآض .
اللي هي كليتنا -العلميه-.
المهم ، أول ما تدخلين المبنى بتلقين ارقام المواد معلقه ع الجدار .
و شوفي ارقام مواد التحضيري -السنه العامه- .
و موب الأ تروحين لأن الارقام حقتكم طلعت و نزلوها هنا
بالتوفيِق عيني :$ .

[لؤلؤة الاميره]

شفت اللي نزلوها بس ماكانت واضحه الصوره جدول مدري وش مكتووب فيه ياليت اللي عندها نسخه ترسلها واضحه لان مافيا حيللل اداوم هالاسبوع تو جايه من سفر وتعب وترتيب بعدين يعني هالحدول مهم ناخذه قبل الدوان الرسمي والا لا

[وجـدآإن]

المشاركة الأصلية كتبت بواسطة لؤلؤة الاميره

شفت اللي نزلوها بس ماكانت واضحه الصوره جدول مدري وش مكتووب فيه ياليت اللي عندها نسخه ترسلها واضحه لان مافيا حيللل اداوم هالاسبوع تو جايه من سفر وتعب وترتيب بعدين يعني هالحدول مهم ناخذه قبل الدوان الرسمي والا لا

هذي ارقام المواد اللي بالجدول وضروري تاخذينها موب لازم تداومين روحي بكره صوري ارقام المجموعات بس بعده جمعه وسبت اجازه والاحد يبدأ التسجيل

[Happy F]

ينات انتم شلون تسلوون تسجيل بالارقام هذي !!
انا خلصت اول سنه ولا مره خذيت ارقام مواد من الكليه
بالموقع اسوي بحث عن فصل وتطلع موادي واسجلها وانتهينا ..
بس علموني طريقة تسجيل المواد بالارقام بتعلمها :)

[آلرٍّيمَ آلجُفُولْ]

المشاركة الأصلية كتبت بواسطة Happy F

ينات انتم شلون تسلوون تسجيل بالارقام هذي !!

انا خلصت اول سنه ولا مره خذيت ارقام مواد من الكليه
بالموقع اسوي بحث عن فصل وتطلع موادي واسجلها وانتهينا ..

بس علموني طريقة تسجيل المواد بالارقام بتعلمها :)

؛
Happy F

أنصحك لا تتعلميها
وخليك على طريقة البحث عن فصل
صراحة الكورس الأول للسنة التحضيرية
كنت ما أعرف أسجل المواد والمكتبة تطلب أرقام مواد
ومن الأساس ،ما يحتاج أرقام مواد ،لكن للتأكيد أنك
في المجموعة المطلوبة
وأنا مثلك دايركت على بحث الفصول
وأسجل موادي
ولا ألتفت لأرقام المواد إلا في
حاله وحده أتآكد أنها مطابقة للمواد مجموعتي
..
لَــــــــــــــــــــــــــــــــــــــــــــــــكِ

()