ملتقى الدراسات العليا و الابتعاثمنتدى الدراسات العليا ; ملتقى يهتم بالدراسات العليا و كل ما يتعلق بها و نقل آخر أخبار القبول و التسجيل في الدراسات العليا في الجامعات السعودية و غيرها ، و نقل مواعيد و أخبار إقامة الرسائل بالخصوص في جامعة الملك فيصل و جامعة الدمام كليات المعلمين و كليات البنات التابعة لها.والابتعاث الداخلي والخارجي
هلا بك حبوبة
آلية الدراسة بجامعة الدمام في برنامج الماجستير مثل ما مرت علي ودرستها كالتالي :
1-دراسة سنة واحدة تحضيري , يعني تدرسين مواد في الفصلين وممكن يعطونك مواد تكميلية .
2-بعد الانتهاء من دراسة السنة التحضيرية , ترفعين موضوع رسالتك لمجلس القسم ومجلس الكلية وإذا أقره المجلس تبدين بمراسلة جميع الجامعات داخل المملكة عشان يعطونك افادة ان الموضوع اللي رفعتيه ما في أحد كتب فيه , واذا افادوك بهالشي تبدين تعملين خطة البحث ( هيكل البحث ) .
في مرحلة كتابة الرسالة راح يكون معك مشرف واللي يعتبر الاب الروحي لطالبة الدراسات العليا . وإذا انتهيت من كتابة خطة البحث ترفعينها للكلية عشان يحددون لك جلسة مناقشة للخطة ( الله يعينك ) .
بعد المناقشة والموافقة على الخطة وانها سليمة , تبدين بكتابة الرسالة ,وراح يكون معك مشرفك خطوة بخطوة , ولازم تكونين مجتهدة ومنظمه وقتك في كتابة البحث , ومتواصلة مع مشرفك دائما , ترسليله كل مبحث أو فصل تخلصين منه .
وعليك بالصبر خاصة مع المشرف لانك ممكن من شدة حرصة عليك يزعلك .
( جزاه الله خير مشرفي تعبته كثير في كتابة البحث ) .
بعد الانتهاء من كتابة الرسالة راح ترفعينها للدراسات العليا عشان يحددون لك جلسة مناقشة , وقبلها تكونين ارسلت 3 نسخ وحده لمشرفك والثانية للمناقش الداخلي والثالثة للمناقش الخارجي .
بعدها تتحدد الجلسة وتتم المناقشة .
مناقشتي بدأت الساعة 9 وانتهت الساعة 12 .
2013- 6- 5
المواضيع المتشابهه
