انا لله وانا اليه راجعون، أخطأت في يوم الاختبار دراسة حالة مالحل؟

[إحساس سلطان]

دبري اي تقرير طبي واحتفظي فيه

وبس تفتح الايقونه قدمي العذر

الله يعوضك

[~6aliba wbass~]

المشاركة الأصلية كتبت بواسطة الخاطرة

الله يجزاكم خير ويرضى عليكم ولا يوريكم القهر الي بقلبي

الحمدلله على كل حال الحمدلله الحمدلله

طيب يجوز اجيب عذر طبي وانا مافيني شي؟

يعني ما أستاثم بهالطريقة؟!

الف شكر لكم جميعا والله لا يحسسكم الي احسه

ما ادري كيف بذاكر المادة الي بعدها بس ربكم كريم

ي حياااااااااتي
لا تنقهرين ولا شي هذا مقدر ومكتوب و
ماتدرين يمكن امتحانج بيكون اسهل من امتحان زملائج
وسالفة الإثم ما اقدر افتي لأن صج ما اعرف الحكم
والله يسهل لج ويوفقج ويفتحها بوجهج وييسر لج من فيه خير ويسخر لج اللي يحل لج هالسالفه وصدقيني باجر بتضحكين وتصير سوالف ان شاء الله
ذاكري حق الماده الجايه وبندعيلج ان شاء الله كلنا ان امورج تتسهل
الله يوفقج يارب

[القط الأسود]

شكلك اخذتي جدول اختبار الأعاقه العقليه الي هو اختباره غدا الاربعاء

[الخاطرة]

فعلا انا ما الوم غير نفسي وانا المخطأة بالدرجة الاولى

لكن تعليقي على من عمل الجدول هو من باب الامانة حتى ما يتككر الخطأ ، والحقيقة اني ما توقعت احد يسوي جدول ويخطأ ...وفعلا انا الغلطانة

الحمدلله على كل حال ، وربي ما يذوقكم القهر

جزاكم الله خير

[(خالد)]

وش فيكم يالصعوبات بدأت تظهر عليكم الاعراض مبكراً

المفروض تنلمون كلكم بقروب واحد حتى مايضيع عليكم الاختبار

هدي نفسك وذا على الماده لاحقه تاخذيها الترم الجاي او مع التطبيق .

[" الـعـذب "]

:::::::::::::::::

عسى بالامر خيره.


مثل ماقالوا لك شوفيلك عذر وقدميه.


والماده جدا سهله باي وقت تختبرينها.


ان شاء الله فالك البلس.


فكري بالجاي ولا يضيق صدرك.


ركزي بأوقات الاختبارات القادمه.


وعسى الله يعوضك خيرر.

[وردالابيض]

التسجيل الصيفي يبدأ يوم السبت 1434/7/8وبنتهي ب 12 سبعة

[Reeman.]

السلام عليكم
انا نفسك راح علي الترم الاول ماده و بختبرها يوم السبت مع مادة ثانيه
الي عليك الان تجيبين عذر طبي حتى لو ما فيك شي جيبي من مستشفى اهلي عطيهم 50 ريال و يعطونك العذر
بعد ما تخلص الاختبارات راح تفتح ايقونة العذر الطبي بالخدمات الطلابيه بتصورين العذر بسكنر و ترفقينه

بداية السنه الجايه باذن الله راح تنزل لك الماده تلقائياً بدون ما تنزلينها انتي و بدون رسوم كمان
الي عليك الان بس عذر طبي بتاريخ اختبارك الي راح.

[عيون/الكون]

تأكدي أن ما أصابك لم يكن ليخطئك وما أخطأك لم يكن ليصيبك - ولو تتأكدي مليون مره من الجدول ماكان اختبرتي مهما كان اهتمامك -لان الله ماكتب انك تختبري وتأكدي بأن اعتمادك على الجدول الخطأ لان الله اراد بك خيرا وجنبك شراا ....لا تلومي نفسك ولا تلومي اللي عدل الجدول .....كم من شخص رايح لاختباره وصار عليه شي بالطريق لاسمح الله .... تأكدي اانها خيره لك ... وماعليك بأجراءات الجامعه جيبي لهم عذر المستشفى وتختبريها مع المقررات حق المستوى الجاي لا تشيلي هم شي حصل وانتهى . الدنيا بخير


طبقي المثل اللي يقول.... الدنيا فانيه واثنين في اربعه ب ثمانيه ...

[الخاطرة]

اعجز اشكركم الله يفرج عنكم كل ضيقة

كلامكم عزاني وبرد على قلبي الله يجزاكم خير

الحمدلله من قبل ومن بعد ويارب ما تذوقون هالحرة أبد