أنا كفيفة واحتاج مساعدتكم ... والله لا يحرمكم الأجر ...

[عطر الزهر]

حبيبتي دينا موفقه يارب ومشكوره على دعوتك الحلوه

ماقصرت الاخت فجر الله يجزاها خير

[ابو حميد الورد]

المشاركة الأصلية كتبت بواسطة العضيد1

كيف كفيفة يا أخت دينا؟ ما تشوفين هالحين؟.
الله يشفيك ويسهل أمورك.
شوفي هذا البرنامج للتحويل إن كان ينفع:
http://www.convertmypdf.net/

اخوي العضيد

الموقع اللي ارفقته ما يحول الملفات اللي مكتوبة بالعربي ، جربت ملف طلعت الاحرف ملخبطة وبالمقلوب

الموقع يحول الملفات المكتوبة بالانجليزي فقط ..


اتمنى لو احد عنده طريقة مضمونة يحطها للأخت

[のя•Fάĵr]

المشاركة الأصلية كتبت بواسطة دينا الأفندي

تسلمون حباايبي مشكوورين
كل اللي ردو ربي يسعدكم دنيا واخره
امين
دكتورة فجر
نعم يا صديقه
والله معاك حق تأخرت .. بس وش اسوي ما بيت وثلاث اطفال والله يادوب القى وقت للواجبات والمحاضرات والمشاركة .
إن شاء الله تتيسر , ولايهمج يد بيد نحقق الي نبيه , رغم الصعوبات
. لكن ابشري من المستوى الجاي وعد ما أتأخر .. تسلمين والله يرزقك الجنة ..
أكـــبـــر شرف لي وربي ولو ما سألتيني أنا أسألج شو تحتاجي :)
أوك وعد , حلو نبدأ من بدايه الفصل نرتب المواد وكل مايخصها
أمين , ويجمعنا ويا كل الاحبه
هذا جدولي من بعد بكرة :

الخميس - فقه السيرة - (المطلوب منج بهالماده : ملخص الماده المعتمد لدى كل الطلبه + نموذج اختبار واحد فقط مصحح + الواجبات ) = a + بإّذن الله , والحمدلله له الفضل من قبل ومن بعد , تيسرت وسويتهم لج بصيغه الـ word بـ 3 ملفات (ملخص + واجبات + نموذج الاختبار مصحح ) وارسلتها لج خاص

السبت - مبادئ احصاء

الاثنين - علم اجتماع

الثلاثاء - تلاوة وتجويد

الخميس - تذوق أدبي

السبت - نحو 2

الأحد - حاسب مكتبي

الاثنين - انجليزي قراءة -
تيب , هالحين افتحي ملفات اول اختبار فقه السيره وتوكلي ع الله وإبدأي فيه , وأنا وبقيه الاخــــــــوه هنا " نتعاون بباقي المواد بالايام القادمه ونتدارك ذلك قبل موعد اختبارج

عندي محتوى مقرر للمواد كلها بس انها pdf وانا ابيهم وورد
عجزت احولهم اذا حولتهم يطلعون شخابيط
طبعا اللي يطلع معك ينفعني اهم شي يكون بصيغة الـ word عشان جهازي اللي استخدمه يقراه
وربي يجزاك الجنة ويكثر من أمثالك

أمين .

[العضيد1]

كيف عرفت أنه شخاميط؟ غريب والله. مش فاهم.
يجري تجريب برنامج آخر.
طيب ما ينفع كوبي بست كامل؟.

[العضيد1]

إلا يحول يا أبو حميد. جربته على ملفات صغيرة يحول. لكن الآن جربته على ملزمة ما نفع.
على كل حال، أنت يا دينا استمعي المحاضرات المسجلة للمواد الأولى إلى أن يفرجها الله.

[のя•Fάĵr]

^
شو تقصد كوبي بيست , لشنو .؟

(:

[ابو حميد الورد]

يطلعك الكلام مقلوب وغير مفهوم مثل هذه الصورة

طبعاً حاولت كثير من قبل إني احول بطريقة مضمونة بس ما نفعت معي ولا طريقة ..

ما ادري إذا كان يحول ملف صغير فعطيك العافية على مجهودك ولكن تصور ملزمة فيها 50 إلى 60 صفحة

كيف تقعد تقسمها لأجزاء !!؟
ربك يسهلها واحد الاخوان يلقى حل للأخت الله يوفقها بالدنيا والآخرة وكل من يقرأ ...

[العضيد1]

يعني تنسخ الملزمة كلها وتلصقها في ملف وورد. لكن جربت من شوي ما نفع، الكلام متداخل غير مترابط مع بعضه.

[كبريائي بصمتي؟]

الله يوفقك يارب

[دينا الأفندي]

ياااااااربي يسعدكم كلكم .. الله يجمعني واياكم بالجنة .. ولا انسى اللي تساعدني بالكتابة على الموقع .. الله لا يحرمكم الجنة .. ويخليلكم احبابكم والغالين عليكم .. اللهم امين ..