الادب الانجليزي ( فزعتكم ) :-x

[إشراقة ضوء]

المشاركة الأصلية كتبت بواسطة alomair haifa

-

يا الله وش فيكم مرة متأزمين؟ !
ترى سهلة ! وجميلة ~
هي صدق ما راح نستفيّد شيء منها ! بس والله حلوة !
ما راح أقول إني مرة توب بالأنجليزي بس الحمدلله ممشية أموري يعني
نصيحة : لا تحاولون تذاكرون من شيء مُترجم لأن ما راح تستفيّدون شيء أبدًا !
فيه موضوع اللي فية محتوى "الأدب الأنجليزي (غير مُترجم)."
مرة بطل وجميل ومُرتب ~
اطبعيه كل محاضرة بوقتها وافتحي المحاضرة وتبعي مع الدكتور كلمة كلمة وهو يتكلم فيه أشياء مهمة يعيدها مرتين أو يشرحها ركزي عليها وأكتبيها بنوت أنه مهم يعني .
إذا مرة مرة ما فهمتي ولا شيء أفتحي المُترجم وأقريه بس ((قراءة فقط)) !
واكتبي معنى الكلمات الصعبة بالعربي بس مو كل شيء عربي !
وبتمشين ~ بننجح إن شاء الله ونجيّب كويس
بالتوفيّق جميعًا +

عذرًا على الإطالة واللي عنده سؤال يتفضل ~

ياليت تشاركينا بالأشياء المهمة

ونكووون لك من الشاكرين

[أحب النسكافية]

ياترا يصلح نعتذر عن المادة أتوقع التاريخ انتهى
عقدتني هالمااااااااادة

[prestigious]

تفائلي بالخير ، ،
الأدب لذيذ ، ، عندما (نتطلع له ليس بقصد الدراسة)



عليك كتابة الأشياء الضرورية في كل محاضرة (جون ميلتون،، أو شكسبير (مثلاً)، ، مولده ، ، حياته ، ، ماذا عمل ، ، وفاته ، ، إلخ .


الأدب ثلاث ساعات ، ، لا تفرطي فيها
وأسأل الله التوفيق لك ....، ،

[أحب النسكافية]

أقسم بالله إلي يمكن إسبوعين على هالمادة والمصيبة أحفظ وأنسى

[منير علي]

انا اقول لك لا تسوي حذف ولاتأجل
ترجم المحتوى
حتى لو تضطر انك تترجم كلمة كلمة اذا تحس انه تعب فليش داخل لغة انجليزية ؟
ومن خلال الترجمة راح انت تفهم شنو قاعد تقرأ وفي نفس الوقت راح يرسخ جزء من المعلومة خلنا نقول بمقدار 40 %
مع المذاكرة تكون ثبت المعلومة في ذهنك
ولا تعتقد ان كل الي بالتخصص دوافير لغه الانجليزية باعتقادي 95 % منهم قاعد يمشوا حالهم
والدوافير 5 % بالمية اقصد فيهم الي لغتهم top وهم يعانوا
فالي اقصده توكل على الله فهو حسبك ويخرجك من حيث لا تحتسب بس مطلوب منك المثابرة والإجتهاد

خلي اعطيك نبذه عني
اصحى من 5.30 الصبح ارجع من العمل 6 العصر او المغرب
الفتره الي بعدها اتفرغ لبيتي واهلي وبنتي الي ماتخليني انام الا الساعه 12 واذا سهرت الى الساعه 2
يعني ماعندي وقت

فالي اقصده ترى اموركم طيبة واجتهدوا ولا تعتقدوا كل شيء في الحياة سهل
تحياتي لكم

[Ŋoŋee]

الله يوفقك منير
وفوق هذا متعاون معنا
عموما شيلي من بالك صعوبة الماده
وبكذا تهضميها اما صعبه وصعبه
معناه مافي امل تشوفيها سهله

[J O J O]

بالنسبه لي حذفت هالماده لانها تحتاج شخص في المستوى السابع وفوق وعنده كم هائل من الكلمات الانجليزيه.. وبآخذها انشالله في مستوى تااااسع واروووق علييها.. حاليا اخاف على معدلي ومابي اغامر به غير كذا المفروض كل شي بالتدريج ..تونا ماقلنا بسم الله بنبدأ في التخصص

رحت عالخدمات الطلابيه ايقونه انسحاب من مقرر ولقيتها مفتوحه وقبل معاي الطلب..... شكل التقويم الزمني اللي بالموقع قديييييييم

[أحب النسكافية]

أتوقع لو ندرس المادة على شكل اسئلة بتكون اسهل بكتيييييييييييييير
وش رايكم

[AlOmair Haifa]

المشاركة الأصلية كتبت بواسطة إشراقة ضوء

ياليت تشاركينا بالأشياء المهمة

ونكووون لك من الشاكرين

^

ما فهمتك المهمة بأيش؟
بكل محاضرة في أشياء أو بالأخص مصطلحات لازم تركزين عليها !
وهي اللي ممكن تترجم عشان تنحفظ كويس زي مثلًا :

المحاضرة 3 :
Secular education : لو بتترجمينها بقوقل مثلًا أو مكان ثاني بيطلع لك معناها (التعليم العلمانّي)
بينما هو قصد الدكتور ( التربيّة الدنيويّة ) !
ليش؟ لأنه هو أساسًا كان يتكلم عن الأشخاص اللي قامو بتزويّد الملك بالأشياء اللي ما قدمتها لهم الكنيّسة ! وسموها "التربية الدنيويةّ" ~

وهكذا .. أنا مأشره عليهم بأوراقي ومدري كيف أنقلها هنا ما عندي سكان حاليًا :(
بحاول انزلها لكم :""

[حياتي امواج]

انا طبعت المحتوى مترجم لمس هيفاء
واحاول اقرا هالمادة توني بالمحاضرة 3
بس شكلي بروح للابيات