اللي صار في اختبار الرياضيات

[لمُت نفِسٌيَ]

في ( تقييم مركز الاختبار ) بالخدمات الطلابية ..
غير كذا راسلوا الجامعة وراح ينحل وضعكم أكيـد ،
وقريت اليوم العميد بحسابه في تويتر ذكر أن الملاحظات هذي راح نرسلها لمراقبين المراكز
عشان تنحل بسرعه!


بالنسبة لي ..
صحيح الوقت ( المُحدد ) من قبل الجامعة كان قليل مقارنة ب مادة مثل الرياضيات! ..
لكن تنظيم المركز كان راقي وجميل .

[سعودالشهراني]

انا أختبرت في مركز الاختبارات في جامعة الملك خالد في بيشه بصراحه منضمين جدا وما احتسب الوقت الى بعد ما تم تسليم اخر ورقه اسئله للمختبرين قبل هذا كله كانت نماذج الإجابات موجوده على الطاولات اول ماتجلس تعبى النموذج وانت مرتاج الله يعطيهم العافيه

والحمد لله اختبار الرياضيات كان اغلب الأسئله حلوه وجميله الله يوفق الجميع

[N A N A]

مركزنا بدأ توزيع اسئلة الاختبار وورقة الاجابه الساعه 7 الا ربع

وكانت تعبئة البيانات محسوبه ضمن وقت الاختبار

مافي أي تنظيم للأسف

[اقعد]

انا ماقهرني بالاختبار الا شغله وحده المدرس اللي كان يراقب وكم طالب قامو يتناقشون ليش الطالب هذا يدرس
حيث ان الطالب اثابه الله اتحفنا وانا بوسط معمة حل المعادلات انه مااايبي يدرس وانه داخل الجامعه بس كذا وانه موظف شوي ويعطينا السلم الوظيفي

يااااااااشيخ روووووووووووووح حسيت اننا جالسين باستراحه مو قاعة اختبار
عتبي على المراقب اللي عطاه وجه وشتت باقي الطلاب

[أبووسن]

والله الموقع الي اختبرنا فيه على اعلى مستوى من التنظيم والمدرسين كل شيو يمرون علينا ويقول تبي شي في استفسار لدرجه الاقلام هم يسلموهم لنا من عندهم وانا اطالع بقلمي استحقرته هههههههههههههه نرجع لموضوعنا النقطه الوحيده هي الوقت والله ماكفانا وضغطونا ضغط لدرجه اني اخر شي حليت على عماها مااقول غير الله يوفقنا ويحلوا لنا مشكلتنا بالوقت ....

[جوجو الحلوهـ]

غاده نفسي انا بمتوسطة 85

مرا مرا تنظيمهم خاااااايس ,, وترونا المراقبات وضيعوا وقتنا حسبي الله عليهم

والله فيه اسئله كثثثثثثثثثثثثير اعرف اجاباتها وعديتها وكتبت اي شي وترتني المراقبه بسرعه بسرعه ..

ماوزعوا الورق الا لين اكتملو البنات << طيب احنا وش ذنبنا اللي جايين بدري نتحمل خطا اللي يتاخرون

وازعجونا بتعبئة البيانات صار كل وقتنا عبي واكتبي وابصمي ..
ووترونا كل شوي يقولون باقي نص ساعه باقي ربع ساعه باقي دقيقتين يلا يابنات بسرررررعه ترى بنسحب الورق ..

لااااااااااااااااااااازم نشتكيهم قههههههروني وضيعو وقتي وماحليت زين وانا مذاكره زين

[Nana1412]

انا بعد بمدرسة فيصل بن فهد

وترتني وحده وراي مع جوالها كل شوي يهز حاطته ع الهزاز

ثاني شي نص ساعه بس نكتب اسمنا وبيناتنا خذ مني وقت

وخلص الوقت وبقى لي صفحتين وجات المراقبه فوق راسي صفحتين جلست احط اي شي والمشكله اني عارفه الاجابات حسبي الله عليهم اصيح والا اصيح

[منوووري]

الأختبار 50 سؤال بس ماهو كان 70 يعني هذا الاختبار بس عليه 50 درجه والعشرين وينهم

[جوجو الحلوهـ]

المشاركة الأصلية كتبت بواسطة منوووري

الأختبار 50 سؤال بس ماهو كان 70 يعني هذا الاختبار بس عليه 50 درجه والعشرين وينهم

الاسئله عليها درجه ونوص مو درجه