باقي 4 محاضرات ونفسيه زفت

[منو الدوسري]

افا ياهتان ماهي بهي يابطل
هذي فتره وبتعدي بس مثل ماقالت فاطمه خذ بريك وريح اعصابك وصدقني راح ترجع افضل من اول
على فكره جتني فتره تعبت من المذاكره وكنت ماشيه صح بس ضغطت على نفسي بعدها مخي وقف مايستوعب اخذت بريك ولله الحمد
حاليا ماشيه تمام ولا احاول اصعبها على نفسي
لاني كنت راح انسحب عقدني المحاسبه بس لما جمعت الاشياء الاساسيه بديت احس براحه
تركد وانا اختك واسم الله عليك حصن نفسك واقرأ قرآن تريح قلبك والله يوفقك ويوفقنا

[NOW OR NEVER]

المشاركة الأصلية كتبت بواسطة هتان 2

أبي نصايحكم يخووان في هالووقت الحررج حتى الرياضيات الي كنت احبه صرت اكرهه من بعد محاضره 11

مساك خير اخوي هتان

هد نفسك والعن الشيطان باقي على الاختبارات اكثر من شهر

خلص في الاسبوع مادتين

وعلى ما اعتقد ان عندك 5 مواد

يعني بالكثير 3 اسابيع وتخلص كل المواد ويبقى لك اسوعين تعيد المراجعات قبل لا تبتدي الاختبارات النهائية .

لا تستثقل الموضوع ولا تثبط عزيمتك قدامك مشوار طويل

مطلوب من اول شي التوكل على الله مو على فهمك او استيعابك

وثاني شي المذاكرة .خلص محاضرة وخذ بريك نص ساعه او ساعه وبعدين ارجع كمل

ولا تشيل هم غمض فتح بإذن الله تلقى نفسك تخرجت

ربي يوفقكم جميع

[عـابـر سبـيل]

عزيزي ، ايش تقول في اللي مو مهتم بالمرة <<<----------

ولا لي خلق للإدارة ولا الأقتصاد ولا القانون ...... لكن تتسهل من الله

تبغى النصيحة ، لا تشد على نفسك عشان لا يجيك حالة رفض وكره للدراسة

هونها وتهون

الله يوفقك ويوفقنا جميعا معك

[alwasmi]

سو مثلي كل اسبوع اخذ يومين راحه عند الذود والعود


وانسى الجامعه والدوام

[Lolo Abdollah]

يابن الحلال شكل الي جاك جاني بس لما اشوف الامتحانات ماباقي علي شي قلت اخاف اتحسف بعدين بس ارتاح شوي واجدد نشاطي

انتم حظكم ماشاء الله اذا مليتو طلعتو بسيارتكم اما حنا اذا طفشنا ندور في البيت حتى حوش ما عندي

[عـابـر سبـيل]

المشاركة الأصلية كتبت بواسطة lolo abdollah

يابن الحلال شكل الي جاك جاني بس لما اشوف الامتحانات ماباقي علي شي قلت اخاف اتحسف بعدين بس ارتاح شوي واجدد نشاطي

انتم حظكم ماشاء الله اذا مليتو طلعتو بسيارتكم اما حنا اذا طفشنا ندور في البيت حتى حوش ما عندي

بالعكس انتم افضل ، لانه لو احنا مثلكم غصب بندرس ونطلع من الأوائل

[Reem 2016]

أذكر الله وتفائل بالخير ولاتضغط على نفسك كثير ريح اشويه وبعدين كمل مو ضروري تخلص في اليوم الي أنت حددته انبسط مع اهلك ثم ارجع كمل المذاكرة وسوف تكون بخير بأذن الله أتمنى لك التوفيق والنجاح

[أمجد محمد]

يا حياتي انا لسى في المحاضرات السابعه ما دخلتها

احمد ربك

واترك عنك الكسل وشيل من بالك شي اسمه زهقت

انت وراك هدف وطموح ومرمى وكوره وتفاح وبرتقال >>> انحراف بسيط

خلك شديد وصلب واكسر جدار الكسل بالعمل

اذا جاك الكسل شيله من بالك وجدد نشاطك وادرس

وبمجرد دخولك بالدرس والمذاكره تكون انتهيت منه

ـــــــــــــ

اذا ما نفع معك

تعال خلني اضربك واضربك واضربك لين تصحى

لالا جد

انتا ماشي كووويس واموورك طيبه

بسس كمان لنفسك عليك حق

لا تنشب ورى الجهاز

اطلع حديقه

مرني بيتنا سلم علي

ههههه

امممم شوف اصحاب من شاكلت مصطفى تحس نفسك كسلان ويجيك حماس

خش اليوتيوب اضحك وخذ افكار علميه

اسمع هتان شوف هتان طالعني حط عينك بعيني

الامه محتاجتك

الحياه تحتاج لتضحيه

لازم احلامك تتحقق غصب عنك >>> احس اني قلبت

جد

خذ نفس عميق يخلي بطنك يلصق بظهرك ووجهك يصير بنفسجي ويمكن يغمى عليك لمدة ثانيه

وقووول مع الزفير انا نآجح


يا سلام علي

تصدق كان ودي اكتب موضوع بالعام كذى حركات بس جات من نصيبك سبحان الله

وش اقوول بعد

في ششاعر يقول اذا ما سويت حاجه للحياه

فانت حاجه زائده

ولا تسلم حالك لليأس وللملل اشغل نفسك بالجد والعمل

ولا تنسى تسوي حركات لنفسك عشان ترتاح

كذى سووي حفله بسيطه مكونه من 2 توكس وصلاث مشروبات وعشى

وصدقني تنام وما تصحى الا مع الاختبارات وتجي بيتنا تهاوشني

انا ادري يا هتان انت ليه حطيت هالموضوع بشكل جييد

انت تذاكر تذاكر وتتعب نفسك كثير بععديين يجيك ملل

وهذا بسبب انك ممكن ما تاخذ اقساط من الراحه بعد كل 45 دقيقه وانك ما تطلع الحديقه ولا تمرني البيت

عشان كذى احترم متعة نفسك وقدر سعادتها وكذى يعني انا انتهيت .

[مشآآوير ,]

اذكر الله

ماخاب من قال يارب

[زيزو الوايليه]

نفس الاحساس لي كم يوم مانام زين واروح للدوام مرهقه بالاخير قررت اسوي الي علي واذا ماقدرت مو لازم .