تجارة المشاعر

[نورةالقصيم]

المشاركة الأصلية كتبت بواسطة Ầ.Ł.₥.ầ.$.ặ

في البدايه يانوره احيي فيك هذا الطرح الرائع ..والله يجعلنا نخرج من هذا الموضوع بفائده ..

,‘

حصلي موقف في احد الاسواق الشعبيه في جده رمضان الماضي ..
جاء ولد في سن المدرسه يطلب فلوس ويدعي الله يخليك الله يزوجك الله يعطيك عيال .... الخ وانا مبسوطه على الدعوات وساكته إلين خلص
قلتله ايش اسمك وكم عمرك وتروح المدرسه والا لا ..
قال اسمي فلان عمري 11 سنه < مع انه باين اكبر .. وادرس في الصف الخامس ..
قلتله طيب 15+ 10 كم تساوي جمع بآصابعه بعدين قال 25 وهو مبسوط .. قلتله ممتاز انت بطل وكبير
والحمدلله تمشي رجولك مافيها شي وتتكلم وتشوف وتسمع ويداتك مش مقطوعه <<< فز وصار يطالعني بخوف شكلي خوفته
المهم ليش تطلب الفلوس ايش تسوي فيها ؟
سكت ونزل راسه ..
بعدين قال اعطيها صاحب بابا
قلتله ومايعطيك منها شي قال الا كل يوم 10 ريال واذا ماجبت فلوس يضربني


قلتله طيب ايش رايك تشتري علبة مناديل وتبيع الحبه بريال ويصير معاك فلوس كثير ..
وانت ماشاء الله شاطر في الرياضيات تعرف تجمع وتطرح حتى الارقام الكبيره ..
انحرج وسكت ..


بعدين قلتله لو كل يوم تشتري علبة مناديل وتبيع الحبات الي جوتها بيصير عندك فلوس كثيره ..
حسيته ماقتنع بكلامي .. عطيته الي اقدر عليه وقلتله من بكره تبدأ مشروعك والله يرزقك بالحلال ..
فرح ومشى ..

مايهمني انه يعمل بنصيحتي آلحين ,, لكن بيجي يوم ويتذكر كلامي ..
وقتلها لعل الله ان ينفع بهالكلمتين ويكون لها تآثير على مستقبله ..



اكثر المتسولين اطفال ونساء وربما ينقسمون الى اقسام ..
منهم من هو في حاجه صحيح ..
ومنهم من امتهن المهنه لانه شافها وسيله لكسب المال او يشتغل ضمن عصابات او يمارسها بالضغط والاجبار ..


من وجهة نظري لا يسلك هذا الطريق وهو في حاجه بصدق الا المخالفين لانظمة الاقامه ..
على سبيل المثال في الغربيه تتنوع الجنسيات وتشوفي اشكال وانواع ..
وفي الرياض والشرقيه تنحصر على جنسيتين الى ثلاثه بالكثير ..


الامر الاخر ..
من يحق لهم السؤال شرعا .. ليس بالطريقه هذه السؤال ..
فالرسول عليه الصلاة والسلام يقول :: ( المسأله كد يكد بها الرجل وجهه )
وقال :: (ما يزال الرجل يسأل الناس حتى يأتي يوم القيامة ليس في وجهه مزعة لحم )
ولو انو اختلف العلماء في تفسير السؤال في الحديث الثاني ان كان الشخص بحاجه للمال او غير محتاج..
ولكن الهدف واحد وهو سؤال الناس..

في هذي الحالات انا دائما اتبع طريقه واحده صغار السن ارشدهم للطريق الصحيح ..
كبار السن الله اخاف منهم لاني اعرف وحده تقول رفضت اعطي حرمه تسآل سرقتني


ونصيحه لاخواني واخواتي ..
بائعة المنديل وبائع اللبان والماء اشتروا منهم واعينوهم على كسب المال بالحلال..
لعل الله يفتح لكم بها ضااااائقه ..
حتى وان كنت لا تحتاج الماء الان اشتريه الريال عندك يعادل الالف عنده ..

اسآل الله ان يغنينا واياكم بحلاله عن حرامه وبفضله عمن سواه..

واعتذر على الاطاله ~

بصراحه انا سمعت قبل فترة برنامج على الاذاعه ام بي سي اف ام كانوا مستضيفين مسئول بمكافحة التسول وقال ان فيه بعض النساء الله يعافيهم ولا يبلانا تستمتع بالسؤال وهي بلا حاجه تقول هالشي يمشي بدمي تعبت لا اغير طبعي

اتمنى من المسئولين انشاء مركز لمعالجة هؤلاء معالجة نفسية ......

[Khaled.k]

و هل ستتجاوب وتتفاعل مع تلك المشاهد ؟

كل ماذكرتي صحيح وستجيب مع البعض منها
طرح قيم بارك الله فيكي

[نورةالقصيم]

المشاركة الأصلية كتبت بواسطة ابوعبدالعزيز 20

و هل ستتجاوب وتتفاعل مع تلك المشاهد ؟

كل ماذكرتي صحيح وستجيب مع البعض منها

طرح قيم بارك الله فيكي