[ قسم التاريخ ] : تكفووون الفزززعه ي بنات التاريخخ تكلمو عن تخصصكم

[A.A.O]

انا مو تاريخ بس بقولك رأيي
اذا انتي تحبين الحفظ و الكلام الدش و عندك قدرة في التعامل معاه ادخلي تاريخ
بس اذا تحبين الاشياء الحيوية اشياء من واقعك و عايشته الحين ادخلي جغرافيا يعني يمديك تكتبين من فهمك و كل شي حولك يساعدك في فهم المادة مو مثل التاريخ يتكلم عن زمن احس شوي صعبه انك تعيشيين جووه
بس انتي استخيري و حطي التاريخ و الجغرافيا ورأ بعض في ترتيب الرغبات والي مكتوب لك بتدخلينه

[Oopss]

انا من احسن شي سويته في حياتي اني دخلت تاريخ والحمدالله اسهل بكثييير من توقعته وانا اقولتس شي ترا كل قسم له صعوبته بس الشي الي يفرق قدره النفس وميولها حق اي قسم ..

صدقيني اذا انتي بتحبين القسم الي بتدخلينه بتمشين فيه حتى لو كان صعب وترا هالنصيحه من تجربه..
لا تاخذين كلام اي بنت لان كل وحده لها تجربه تفرق عن شخصيه الثانيه ..

انا حبيت التاريخ واشوفه من احلى الاقسام واسهلها علي ومرتااحه مع دراسته وصعوبته ويحتاج حفظ وابد ما امل منه ومتعته في احداثه
وع العموم الدكتورات اغلبهم حليوااات وينجحون الا ما رحم ربي
توكلي ع الله واستخيري ثم شوفي رغبتس

[لسعة شقآإآوه}~]

وي اهلين يآإقشطة

اممممم

التــآإريخ بالنسبة لي مرهـ سهل

اسهل من الجغرآإفيــآإ

بس الجغرآإفيــآ احسن لأن له مستقبل اكثر من التآإريخ

وانــآإ احس الجغرآإفيـآإ ممتع بس مآإجربته

وبالتوفيق يالغلا

[لاأله الا الله]

المشاركة الأصلية كتبت بواسطة شمعة القحطاني

التاريخ يلوع الكبد والمدرسين استغفر الله محد يساعد عن الدكاترة فهم يقرون من الكتاب ما يتعبون نفسهم ابدن مثل استاذي القدير محمد الشحري اتوقع كذا اسمة حسن الخضيري نفس السالفة وبعد عبدالله صالح اصلا مافي دكتور ما يقرا من الكتاب ونهاية السنة الكتاب كلة معاكم يعني حرام لا يشرح ولا شي بس يقرا واحنا نحفظ هذا الدكاترة
نجي لحبايب البي الدكتورات :58545:
الكل يمدح اريج والله عكس الي يقولون البنات من جد اتكلم مغرورة وشايفة نفسها والشرح غير الكتاب مختصر وبقوة وما تساعد المحاضرة كلها سوالف واذ هي تدرس المادة مع احد ثاني تقول شغلا ثانية
ومنيرة الهمشيري استغفر الله شخصيتها غريبة شوي تضحك بعدين تغلب 180 درجة في نص المحاضرة تصارخ وتعصب تخليك توترين غصب عنك
بعد مين يدرس


اية نسيت سامية عامر وملخصتها الي ما تخلص فاضين لها في نص الاسبوع تقول ملخصات واجبات ملها داعي
وتشرح بي لهجتها يعني باالمصري وتفرق بين البنات حسبي الله عليها م
قسم بالله اي كنت مذاكرة المادة 3 ايام وتجي تسال بنت وتسالني احسها مااعطني فرصة كل ما اقول حرف تقول انتي مش مزكرة صفر حسبي الله عليها :cry111:
بعد مين هذولا المميزين يعني
والبنات ما يسعدون ابدن اللهم ما ندر
والقسم يلوع الجبد ناس ماتوا وشبعوا موت نجي الحين نحش فيهم وش سووا ما سوو اقول الجغرافيا ارحم لنو واقعي اكثر وقدام عينك شغلات تشوفينها كل يوم طبيعة ما طبيعة
اية اكثر البنات معدلتهم نازلة يعني قسم فاشل ما ندري متي بنطور
وما اوصي المشرفات كل ماجيت افضفض حذفوا مشركتي
وبتوفيق يااختي ان شاء الله بعيدن عن التاريخ

هههههههههههههههههههههههههههههههههههههههههههههههههه هههه كفو ياشمعه والله كلامك يبرد القلب هي الكليه كلها خالصه بس قسمنا بزود دخلي جغرافيا ابرك لك يساعدون اكثر من قسمنا التعجيزي حسبي الله عليك يالفاتح انت لحالك أزمه لحالها

[نسآيم الشوق]

اول شئ لا تاخذين كلآم اي احد من ناحيه صعوبه او سهوله القسم
تذكري فيه قدرات للفهم وللاستيعاب وبعضهم تدخل القسم عن رغبه
وبتمدح لك فيه وبعضهم تكون مغصوبه عليه فتشوف كل شئ مو كويس فيه

بس من وجهه نظري اشوف الجغرافيا له مستقبل احسن من التاريخ
وفيه تطوير لنفسك اكثر بس التاريخ تقدرين تنمين معلوماتك من القراءة والاطلاع

والله يوفق الجميع ,

[برآطم كآروهآت]

..

بـآلنسبة لي آلتآريخ ممتع جججدآ ومافية ملل آبــدآ خصوصا التاريخ آلآسسلآمي..
يمكن اللي معقد فيية ومصعبةة التاريخ الاوربي خصوصآ اذا ككان مع كريمان
والتاريخ تنمين معلوماتك العاامة .. عشان كذ1 يدخلونة بالمواد العامة زي ( حاضر العالم الاسلامي + الخليج العربي < بس هالمادة مدري وش تبي بالحياة وهي عامة )


وبالتاريخ بعد كل مادة مرتبطة ف بعض وتحسسين التكراار كثييير بالمواد باختصار الاحداث مرتبطة ببعض مع ننوع من التكراار .. يعني زي مادة شرق اسيا الحديث الملعومات والاسماء اللي فية تلاقيننها بنفس مادة الخليج ودرستيها بالاموية وبالتاريخ الالاسسلامي بشكل عام .. لان المادة بطبيعتها تتكلم عن المسلمين الي ف شرق اسيا ., صين يابان الهند..الخخ .. بيكون هالشي بالنسبةةة لك مار عليكُ وان شاء الله مافية صعوبة .. بعد عندك موقعة ديو البحرية هالموقعه بتلاقيييييينها ف ككل مادة فيهاا مسلمين واوربيييييييين بتلاقينها ف مادة المماليك + مادة خليج + مادة اوربا + شرق اسسيا ..الخخ


واعضاءء التدريس فيييه عسسسسسل ويساعدون .. عندك مثلا ساميه عـآمر : تدرس اوربا عصور وسطى + صليبيه .. درسني عصور وسسطى هالسمستر .. صدق انها تكررررف ( ملخصات + اوراق عمل + اختبارات قصيرة + تسأل شفوي) كنت اتحححلطم اووف....الخخ اكتشفت ان هالشي يصب ف مصلحتنا يعني تخيلي كان عندي اختبارين بنفس اليوم اوربا عصور ومادة ثانية .. اوربا لاني مذاكرتة من قبل مع الاختبارات القصيرة والشفوي والكرف هالشي ساعدني اركز ع المادة الثانية لان خلاص عندي فكرة عن مادة اوربآ .. يعني ككرف ف صالحك ..
واللي تقول الدكاترة يشرحون من الكتاب .. اجل من وين تبون يشرحون ؟ ان شرحو من برا وجاب اسأله من برا سسويتوا ازمةة ..
وبالنهاية بتختبرون من الكتاب وتجيكم اساله من الككتاب .. وهذ1 افضل شي .. يعني لو كنتي موو منتبه للمحاضرة ولاغايبة ولا اي شي ,, ماطافك شي بما ان الدكتور بسس يشرح من الكتااب .. خلاص وقت الاختبار ذاكرية مايبي لة شرح

فييييه دكاترة صراحةً قممم بالاخلاق بالقسسمً .. وماقولك مافيةة دكاترة يهضمون حق الطالبة < وهذ1 ينوجد بككل قسسمً, ,

و ع فككرة فية مواد مشتركةة بين قسسسم الجغرافيا والتاريخ يدرسونها القسمين .. زي جغرافيا العالم سهلة وكانت الدكتورة اسمها مها ممممممممممرة تساعدنا < طبعا هي دكتورة جغرافيا ..

واتوقع بنات جغرافيا يدرسون عباسية واموية من قسم تاريخ ..الخ .. < مدري اذا خطة جديدة يدرسونها او لا ..



ع العموم الراي الاول والاخير لك .. عطيتك فكرة مبسسطة واي استفسار انا حاضرة ..

< كأني هذرة واجد

[NANO :$]

المشاركة الأصلية كتبت بواسطة برآطم كآروهآت

..

بـآلنسبة لي آلتآريخ ممتع جججدآ ومافية ملل آبــدآ خصوصا التاريخ آلآسسلآمي..
يمكن اللي معقد فيية ومصعبةة التاريخ الاوربي خصوصآ اذا ككان مع كريمان
والتاريخ تنمين معلوماتك العاامة .. عشان كذ1 يدخلونة بالمواد العامة زي ( حاضر العالم الاسلامي + الخليج العربي < بس هالمادة مدري وش تبي بالحياة وهي عامة )


وبالتاريخ بعد كل مادة مرتبطة ف بعض وتحسسين التكراار كثييير بالمواد باختصار الاحداث مرتبطة ببعض مع ننوع من التكراار .. يعني زي مادة شرق اسيا الحديث الملعومات والاسماء اللي فية تلاقيننها بنفس مادة الخليج ودرستيها بالاموية وبالتاريخ الالاسسلامي بشكل عام .. لان المادة بطبيعتها تتكلم عن المسلمين الي ف شرق اسيا ., صين يابان الهند..الخخ .. بيكون هالشي بالنسبةةة لك مار عليكُ وان شاء الله مافية صعوبة .. بعد عندك موقعة ديو البحرية هالموقعه بتلاقيييييينها ف ككل مادة فيهاا مسلمين واوربيييييييين بتلاقينها ف مادة المماليك + مادة خليج + مادة اوربا + شرق اسسيا ..الخخ


واعضاءء التدريس فيييه عسسسسسل ويساعدون .. عندك مثلا ساميه عـآمر : تدرس اوربا عصور وسطى + صليبيه .. درسني عصور وسسطى هالسمستر .. صدق انها تكررررف ( ملخصات + اوراق عمل + اختبارات قصيرة + تسأل شفوي) كنت اتحححلطم اووف....الخخ اكتشفت ان هالشي يصب ف مصلحتنا يعني تخيلي كان عندي اختبارين بنفس اليوم اوربا عصور ومادة ثانية .. اوربا لاني مذاكرتة من قبل مع الاختبارات القصيرة والشفوي والكرف هالشي ساعدني اركز ع المادة الثانية لان خلاص عندي فكرة عن مادة اوربآ .. يعني ككرف ف صالحك ..
واللي تقول الدكاترة يشرحون من الكتاب .. اجل من وين تبون يشرحون ؟ ان شرحو من برا وجاب اسأله من برا سسويتوا ازمةة ..
وبالنهاية بتختبرون من الكتاب وتجيكم اساله من الككتاب .. وهذ1 افضل شي .. يعني لو كنتي موو منتبه للمحاضرة ولاغايبة ولا اي شي ,, ماطافك شي بما ان الدكتور بسس يشرح من الكتااب .. خلاص وقت الاختبار ذاكرية مايبي لة شرح

فييييه دكاترة صراحةً قممم بالاخلاق بالقسسمً .. وماقولك مافيةة دكاترة يهضمون حق الطالبة < وهذ1 ينوجد بككل قسسمً, ,

و ع فككرة فية مواد مشتركةة بين قسسسم الجغرافيا والتاريخ يدرسونها القسمين .. زي جغرافيا العالم سهلة وكانت الدكتورة اسمها مها ممممممممممرة تساعدنا < طبعا هي دكتورة جغرافيا ..

واتوقع بنات جغرافيا يدرسون عباسية واموية من قسم تاريخ ..الخ .. < مدري اذا خطة جديدة يدرسونها او لا ..



ع العموم الراي الاول والاخير لك .. عطيتك فكرة مبسسطة واي استفسار انا حاضرة ..

< كأني هذرة واجد

صااااااااااااااااادقه يا براطم مخططه قصدي كاروهات* << تستضرف معليش سلكي

المهم ان كلامك 100%
وحابه اضيف شي اذا ع المستقبل تاريخ ولا جغرافيا كلهم مثل بعض
لحد يتفلسف ويقول الجغرافيا له مستقبل كلهم واحد

[مثل المطر]

راي الشخصي انو التاريخ من احلى الاقسام ليس مجرد سرد للمعلومات وقصة ومعركة وانو هذا الدكتور زين وهذا شين ويقرا من الكتاب وانو مجرد زيادة معلومات التاريخ شي ثان اقدر اقول فكر ينمي العقل والمدارك نحن نعيش في منطقة الشرق الاوسط والتي مثلت عبر قرون مهد الحضارات والاديان والى الان فنحن ابناء المنطقه يجب علينا معرفة تاريخنا فكما من درسنا التاريخ نقل لنا الحضاره الاسلاميه الرائعه والحضارات الانسانيه الاخرى وكيف عاشت جنب الى جنب واختلطت بعضها ببعض سياتي يوم انشاء الله نحن ننقل للجيل الذي ياتي ماتعلمنه وليس التاريخ شي فقط مضى وانتهى فهو مستمر الى الان وان اختلف الزمن والوجوه نرى الان اغلبها يتكرر الى الان فالتاريخ قسم ممتع بكل ماتعنيه الكلمه من معنى واخص واشكر الى من علمني مع حفظ الالقاب الطاهر المنصوري -سلوى سليمان-عبد الحميد سليمان -ابراهيم عبد العال-الفاتح الزين-حسين عبد العزيز-الخليفه عمر-عزه فاروق-ناصر سليمان -محمد الشحري -حصه السعدي-جميعهم امتلكوا ملكة الفكر في شرح اي مادة في التاريخ وليس القراءه فقط واختم قولي بان امه لاتاريخ لها لا مستقبل لها وجميع من يريد الدخول في قسم التاريخ الله يوفقه 0

[ѕαмт]

اهلين حبيبتي

شوفي عزيزتي
قسم التاريخ ما كان رغبتي وسبق وقلته الف مره بس هو نصيبي بالمجال التعليمي ولله الحمد رضيت به
انا من طالبات التاريخ المخضرمات عاصرت فيه القديم والجديد --> 5 سنوات

صح في اول سنه ما تقبلته بس والله حبيته وهو مفضل عندي عن الاقسام الادبيه الاربعه الاخرى باستثناء الجديده منها

صح اني كثيرة الضجر منه بين الحين والاخرى بس وقت الاختبارات وهذا بتلاقينه في كل قسم

انا ما بتكلم لك عن اساتذة القسم لأنهم تغيرو عن إلي درسوني 50% ماعاد هم موجودين حالياً

نجي للدراسه والمواد
باول سنه بتدرسين
تاريخ قديم يتضمن
مصر الفرعونيه -->وكاني سمعه انهم الغوه عني خوفوني منه بس اخذت بالنهائي 93 كان مع اماني البحر
سهلت المادة بشكل غير متوقع
اليونان والرمان--> بزماني كانت كل وحده مادة بس بالخطة الجديدة مدمجه واتوقع انها اسهل
تاريخ الجزيرة العربيه القديم--> بتدرسين فيها تكوين العرب من اصولهم عدنانيون وقحطانيون والامارات إلي طلعت بذاك الوقت
بعدهاتاريخ السيرة النبويه -->امتع ماده بهالسنه وما اشوف فيها اي صعوبه من عرفنا التاريخ وسيرة الرسول معنا
الشرق الادني القديم --> بيتكلم لك عن العراق والشام والحضارات إلي كانت فيه بابل وإلخ

التاريخ الاسلامي
بيكون عن تاريخ الخلفاء الراشدين والدولة الاموية -->من الابتدائي واحنا ندرسهم بس هنا بشكل اوسع
الحروب الصلبيه --> كثير قالوا صعبه وحجر عثره بالتاريخ بس كنت مع سلوى سليمان وما حسستني بصعوبتها ابد

التاريخ الوسيط
تاريخ المغرب الاسلامي الاندلس -->هذه المادة من تخصص حسين الخضري ممتعه معه
الدولة العباسية 1+2 --> مع حصة العتيبي جنان على كثرهم دسامتهم إلا انها ممتمه
الايوبيين والمماليك ، الدولة الفاطمية
"انتشار الاسلام في اسيا ,انتشار الاسلام في افريقيا" <-->الغيت وظل انتشار الاسلام في اوروبا فقط
تاريخ القارة الهندية --> وسمعت انها بتلغى للخطه الجديدة
أثر الحضارة الاسلامية في المغرب
مناهج البحث --> تتعلمي فيه اصول البحث ورهيب لو يكون اول سنه لك بالجامعه مو إذا حجوا الحجاج
الحضارة الاسلامية "نظم" -->هذي المادة اعتبريها مادة تثقيفيه لا تاخذينها كدراسه والكل بيجزم بحلاوتها


التاريخ الحديث

الدولة العثمانية
الدولة السعودية
تاريخ العرب ج1
تاريخ اوربا الحديث
تاريخ امريكا
تاريخ شرق آسيا

واخيرا التاريخ المعاصر
اوربا المعاصر
الدولة السعودية "الدولة السعودية الثالثة"
العرب المعاصر
تاريخ افريقيا
تاريخ الخليج


بالاضافة لوجود مواد عامه من الاقسام الاخرى

تقريبا هذه الخطة الدراسة للتاريخ وراجعي الخطه الدراسيه للتاريخ بتفهمين اكثر




نصيحة مني لكل زميلاتي بالتاريخ او من يسأل عن التاريخ
اولا شيلي من بالك انه صعب ومستحيل الاجتياز مافي شي بهالدنيا يجي بالساهل
ثانيا خذي كل ماده من باب معرفة وثقافه
ثالثا وقت الدراسه افهمي الاحداث واربطيها وآخر شي بتلاقين انك حفظتيها
وبالنسبة للفهم والربط في التاريخ --> درسنا في اوربا الثورات وكيف اثرت على مجتمعاتها وغيرت اوربا والربط بالثورات العربيه وكيف اثرت وغيرت وتأثرت بها الاقاليم المجاوره وهذا احنا عايشينه بالوقت الحالي

رابعا حاولي تكسبين اساتذة الماده ناقشي وحاوري بالمحاضرة إذا صعب عليك شي مري المكتب واسألي
اهم شي الاخلاق
خامسا بالنسبة لمذاكرة التواريخ خلي جنبك ورقه وسجلي كل تاريخ واربطية بحدثه هالشيء ماكنت اطبقه إلا لما صارت الاسئلة موضوعي

التاريخ ماضي وحاضر مايخلوا اي تجمع او مجلس إلا و سيرة الاحداث التاريخية معك
التاريخ هو سيد كل العلوم حتى الطب والهندسه والرياضيات وإلخ -->حره امدحه بس بالحقيقه هو هيك
التاريخ حضارة كل الشعوب وهذا دليل إذا سافرنا نحب نشوف آثارهم وعمرانهم بعد طبيعتهم

إلي يقولون التاريخ ماله مستقبل خطأ
بمصر عندهم كلية الاداب وقسم تاريخ وكل سنه تتخرج افواج , بالاردن و بلاد المغرب العربي وكل البلاد العربيه عندهم هالقسم ايعقل ان خريجيهم عاطلين باطلين عاله ع مجتمعاتهم بالطبع لا

بالتاريخ نقدر ناخذ دبلوم تربوي ونتعين مدرسات
بالتاريخ نقدر نكمل دراسات عليا بعلم الاجتماع والنفس --> مو بالتاريخ درسنا المجتمعات ونفسياتهم وتكويناتهم اهوه نقدر بالمجال
بالتاريخ نقدر نكمل ماجستير سياسي ونصير ناقدات سياسيات
بالتاريخ نقدر نكمل في مجالنا ونصير دكااتره في مجالنا
بالتاريخ لنا الاحقيه في تأريخ و تأليف كتب تاريخيه وابسطها الاحداث الحاليه مو احنا مرجع ومصدر حديث
بالتاريخ نقدر نتوظف في مجال السياحة والاثار
وبالتاريخ ........ إلخ

بالوقت الحالي تغيرت مجالات التوظيف عما قبل--> " يامدرسة بالمدرسه او بالجامعه وغير كذا انطقي بالبيت "


الاساتذه
عني ماكنت بذكرهم بس شفت الكل ذاكر فحبيت اذكرهم
إلي اوكيه واقيمهم بالامتياز
حسن او حسين الخضري + إبراهيم عبدالعال +الخلفية عمر+ سلوى سليمان
حصة العتيبي + اماني البحر + مها البديع + حصه السعدي + مليحة الزهراني
اريج الراجحي + إيمان المدرع + عزيزة الزهراني + مشاعل الملحم +سهى حجي
وغيرهم ماتحضرني اساميهم وفي بعضهم انتهت عقودهم

اما -->ناصر سليمان وكريمان عجائب الدنيا فيهم كل يوم بعلم -->ادري ان الدكتور ناصر مطلع معنا بالمنتدى بس تأكد ياعزيزي اني ماظلمتك ولا افتريت عليك



واخيرا وليس اخر

بعد ماتخلصين قراءة الموضوع استخيري عزيزتي ولك الخيار

[لاأله الا الله]

كلامكم كله عين العقل انا عن نفسي أستمتع بالتاريخ وأحبه صحيح أنه كان رغبتي الثانيه بعد الانجليزي بس ممتع خصوصا أذا كانت اللي تدرسك تشرح الماده بأسلوب حلو وممتع بس أنا مشكلتي المواد العامه ماحبها يعني أنا داخله تاريخ وش لي بمواد الدراسات والعربي وخصوصا الجغرافيا هذا حاله ثانيه وملاحظه انا دكتورات ودكاتره المواد العامه مايساعدونا كون حنا مو متخصصين عندهم بالقسم ...محتاره بالقسم اللي تدخلينه صلي أستخاره وشوفي الاقرب الى قلبك واللي تحسين راح تهتمين اكثر بدراسته اما بالنسبه للوظيفه لاذا ولاذا الحين الوظايف صارت شغل واسطات ورشاوي الشهاده الجامعيه علقيها بغرفتك وخليها مجرد ديكور>ماتحمس ابد خخخخخ عالعموم اذا مانفعتك شهادتك بوظيفه تكونين تثقفتي وبعدتي عن بحور الجهل يعني انا اول سنه مو زي الحين يوم خلصت رابع سنه احس اني انسانه غير بطريقه تفكيري شلون اتعاطى مع الامور اللي حولي الدارسه مره ممتعه لما تثقفك وتخليك مرجع تاريخي لكل من حولك الله يوفقك يارب وتقدرين تتخذين قرارك بحكمه وعن قناعهوتذكري ان بعض القرارت تحدد مصير حياتنا والدرب اللي بنمشي عليه فخلي القرار نابع من ذاتك أنتي من دون اي تأثيرات جانبيه ممكن أنها تأثر على قرارك بخصوص الموضوع