موضوع للاثاره والتعزيز وخلق روح الحماس

[سحايب ابها]

امممممم بالنسبه لي كل المواد كانت حلوه
بس القضايا ما اعجبتني
والتقويم التربوي ما ادريي انا حليت زين او لا بس اني اذكر اني طلعت مبسوطه
وبالنسبه للمعدل ان شاء الله 4 اتوقع

والمسار سمعي والسبب كذا احب هالقسم من زمان ودي فيه مريت بمرحلة تردد
ف النهايه استقريت عليه
وباذن الله راح اكمل الماستر بعد<< طمح الاخت

[سحايب ابها]

حرف ((و )) في طموح

اضاءه

في قاموس الناجحين((هاء)) الهزيمه تصبح ((عين))

وافهم يا فهيم

[اذكى واحد]

سحايب زين ليش سمعيه با الذات يعني اسهل او وضيفتها مضمونه او او او الخ

[*امال*]

ياهلا
بنسبه لي اتعس اختبار كان تقويم تربوي
اما احلى اختبار طبعا كادكتور هي استرتجيات التدريس كان رجل صادق وواضح وقد كلمته مع ان جانا كلام بدايه السمستر خوفونا منه ومن اسئلته بس الحمدلله ربي يسرها
الشي الي جد استفدت منه وعرفته اني تاكدت ان عيال خالتي مجانين يبي لهم علاج والتفات عندهم نشاط زايد بالحيل
اما معدلي والله ماادري بس اني ادعي ربي يكون فوق الاربعه
وتخصصي في بالي عقليه لاكن بنتظر شوي اشوف منا ومنا يمكن اغيره
وسلامتكم

[نور الأصيل]

هلا بك يا أذكى واحد .... بالنسبة لي احسن اختبار استراتيجيات واحسن دكتور هو مدرس هلمادة ماهر العرفج لأنه رجل محترم وعد واوفى بوعده وسسسسسوا اختبار مادة تقويم واسوء دكتور النعيم مدرس مادة مهارات التعليم ، والمعدل الله اعلم به .. والمسار بعدالاستخارة السمعيه لأسباب :1- انا محتاجه المؤهل الجامعي لتحسين المستوى الوظيفي 2- سهولتها 3- لغه الاشارة كلغه ابي أعرفها لكثرة البنات الصم وكثير اشوفهم وخاصة في الأمسيات الشعرية والبازارات واشوف طريقتهم في التفاهم والسوالف وابي اعرف شنو يدور بينهم وسلامتك .....

[واحد ماله مكرر]

جميع المواد سهله

لكن التقويم التربوي كان فيه تفحيط شوووووي

[اذكى واحد]

نور يعني بس تبين تتخصصين فضول علشان تعرفين وش يقولون صراحه انتي غير ههههههههههههههههههههه اتمنى لك التوفيق

[اذكى واحد]

تصدقون مافي الا وحده من الي كتبت بها الموظوع وضحت شي من الي درسته وصار لها تفكير افقي بها الموضوع الباقين الي يبي بس يحسن مستواه والي بس يبي يتوضف والي والي مادري احسكم اخذين الدراسه مجرد وسيله وليس غايه تصدقوون اني كل معلومه اخذها افكر فيها وافكر بتبعاتها يا جماعه حنا ندرس علم واصعب علم لا تستهينوون فيه حنا ندرس عن الانساان مو عن فلوس او عن هندسه او عن شي حنا ندرس عن نفس الانسان وعن عقليات الاوادم اصعب شي بها العالم ان انسان يدرس انساان مهما كان ذاك الانسان حاولو تتعمقوا اكثر واكثر الانساان اغرب كائن حي وافضل كائن حي الانساان شي عجيب صعب التركيب النفس علم كله عقد فق عقدته عقده عقده وورووح وواصل وادعس الين تعرف وش ذا الانساان اذا تعمقت بنفس الانسان وعقله قدرت تملكه <<<<<<<<<<<(كلام كبير يا اذكى لا ما اقدر اتعب انا هع )...........

[بنت الشمري]

الحمدلله على السلامه ..ومن قال مافقدناك بس تعرف

وين نسئل والكل حايس في المذاكره ..والا في حزة

الاختبارات ودي كل اخواني وخواتي حولي علشان احس

في القوه ..

باالنسبه لموضوعك حلو ومفيد للي بعدنا

انا بصراحه اشوف كل المواد سهله بس تبي مذاكره من

وقت اما التقويم التربوي حست فيه شوي لان ماذاكرت

عدل والا هو حلوو

ان شاء الله المعدل 4وعليه والتخصص بعون الله صعوبات تعلم

يعطيك العافيه اخوي

[ريـمـيــہ]

يؤ يؤ يؤ يؤؤؤؤه ياساتر وش هالاسئله

ودي ارد عليك بس مافيني صراحه

برد على سؤال اسهل اختبار استراتيجيات

واصعب اختبار التقويم ,, مدري وش يحس فيه الدكتور

الاختبار ولد عم مهارات البحث

وبالنسبة للدكاتره الافاضل ماشفت ولاخشت دكتور هالترم

بس الصدمه صراااحه محتوى صعوبات التعلم

مجلد مو محتوى