مواد المستوى الرابع

[вяιgнт мσση]

لا ان شاء الله حنا قدها
وبعدين ما شاء الله علينا حنا دفعه دافوره بوجود الاسماء اللامعه
بس اهم شي الخيانات مانبيها ولا حذف المقررات
اكيد عارفين انفسهم << محد بينجلد

[sayid]

السلام عليكم
اسعد الله اوقاتكم
اخواني استفسار بسيط
أنا طالب مستوى ثالث وأثناء تسجيل المقررات سجلت على عماها واتضح اني سجلت مقررين من مقررات المستوى الرابع بالصدفه (وما رميت إذ رميت ولكن الله رمى)
المادتين هي
مادة استماع وتحدث ومادة النثر الإنجليزي
السؤال هو : بايش تنصحوني يا اصحاب الخبرة هل الافضل أن استمر بإضافة مواد من المستوى الخامس حيث إن مقرر الاستماع والتحدث يخولني اضيف مادة مهارات التحدث من المستوى الخامس
ومقرر النثر الإنجليزي يسمح لي بإضافة الفكر والثقافه الإنجليزية مستوى خامس ايضا .
أم تنصحوني بتقليل المواد والإلتزام بمواد المستوى الرابع فقط .
اتمنى تنبيهي برسالة خاصة عند الرد على تساؤلي إن امكن ذلك
كل الشكر والتقدير لكم

[سروبه]

من ملاحظتي
اكثر المعلومات تنبني على بعض
مواد رابع مبنيه على مواد ثالث
ومواد خامس مبنيه على مواد رابع

انا لو مكانك بشوف هالمواد اللي انا اخذتها هل فيه مواد ثانيه مبنيه وتعتمد على معلومات هالماده كثير والا لا
يعني مثلا برابع عندنا ماده اللغويات فيه ماده بمستوى خامس (الصوتيات ) مرتبطه كثير باللغويات
اذا كان فيه مثل هالارتباط فانا راح اخذ هالماده المرتبطه عشان اكمل بناء المعلومات وما انساها

اذا كان مثل هالترابط مو موجود فانا راح اكتفى بمواد هالمستوى و باخذ المواد اللي مأجلتها أو اخذ قد اللي اقدر والجدول يسمح من المواد العامه

هذا رأيي انا واللي لو اني كنت بمكانك بسويه


موفق ان شاء الله

[تخطيت السحاب]

شكرا لكم

[سروبه]

مادة اللغويات << اربع طعش محاضره كاملات وكل محاضره لها موضوع خاص ودسمه كثير مليانه تعاريف وتقسيمات لازم تخصصون لها اسبوع قبل الاختبارات على الاقل عشان تعرفون كل شي فيها وللمعلوميه الدكتور دقيق شويتين وثلالث انصاص
مادة القواعد والمنظومة النحوية << كلها قواعد دارسينها قبل لكن بتعمق اكثر يعني وانتم تذاكرون لازم ورقه وقلم وترسمون التقسيمات وكل شي عشان تفهمون كيف المعلومات مترابطه
مادة الادب << حلوه فيها شوي تاريخ وفيها اسماء وفيها قصايد ( ما فيها حفظ قصايد ) وتحليل وشرح القصائد
مادة الاستماع والتحدث << سيم سيم استماع واستيعاب لكنها مثل ماقال الدكتور مستوى اعلى شوي ( بس شوي ) القطع اللي تسمعونها اطول شوي يعني اللي ما احتاج يسجل ملاحظات وهو يسمع هالمستوى بيحتاج غضب عليه
مادة النثر << هذي اخت القراءات والمطالعات فيه العنوان وسكيمنج وسكاننج وما الى ذلك ومواضيع مختلفه ( فيه قطع اقتصاد وجغرافيا وكوره وسيارات وتكنولوجيا واكل << 15 قطعه )
الانشاء والتعبير 2 << الماده هذي وسيعه صدر وحلوه وسهله لدرجة اني نسيت وش فيها

جميع ما سبق بالانجليزي

ماده حاضر العالم الاسلامي << لا يغركم الاسم مو حاضر ولا شي فيها حروب صليبيه و دوله عثمانيه وفيها المسلمين وين عايشين وفيها منظمة المؤتمر الاسلامي والجامعه العربيه وحوسه لكن اكثرها معلومات عامه لكنها معلوماتها واجد << الدكتور قبل الاختبار نزل لنا مراجعه <دعواتكم بكره نختبرها
قواعد البيانات<<< هذي انا اخذتها السمستر اللي راح تتكلم عن برنامج الاكسس وكيف تكون قاعدة بيانات ووشي اصلا قاعدة البيانات وليش نحتاجها وما الى ذلك << نصها عملي ونصها نظري يحتاج تركيز عال العال

هذي المادتين بالعربي

......................
اتمنى اني اكون افدتكم
الله يكون بعوننا واياكم

[sayid]

المشاركة الأصلية كتبت بواسطة سروبه

من ملاحظتي
اكثر المعلومات تنبني على بعض
مواد رابع مبنيه على مواد ثالث
ومواد خامس مبنيه على مواد رابع

انا لو مكانك بشوف هالمواد اللي انا اخذتها هل فيه مواد ثانيه مبنيه وتعتمد على معلومات هالماده كثير والا لا
يعني مثلا برابع عندنا ماده اللغويات فيه ماده بمستوى خامس (الصوتيات ) مرتبطه كثير باللغويات
اذا كان فيه مثل هالارتباط فانا راح اخذ هالماده المرتبطه عشان اكمل بناء المعلومات وما انساها

اذا كان مثل هالترابط مو موجود فانا راح اكتفى بمواد هالمستوى و باخذ المواد اللي مأجلتها أو اخذ قد اللي اقدر والجدول يسمح من المواد العامه

هذا رأيي انا واللي لو اني كنت بمكانك بسويه

موفق ان شاء الله

الف شكر وجزاك الله خير بانتظار رأي البقيه

[ابو هتان]

يا سلام سلم

[Fahad Al-Ziyadi]

رحنا ورا الشمممسسس

[رنو الحلوه]

دخلت سببت لنفسي قلق
يالليل ماطولك الله يعين ع السمستر الجاي

[لمسات]

الله يعين

شكلنا بنبدا الجد من السمستر الجاي