[ شعر ] : شفتك من بعد غيبه

[غريب في حياتي]

ابيات في قمة الجمال والروعة
امتلاكك ذائقة شعرية عذبة
ليس بغريب
دمت ودام تميز حضورك
اخوك غريب

[So0oT AlFgEd]

المشاركة الأصلية كتبت بواسطة .أميرة الورد.

شفتك بعد غيبه .. وحاولت احاكيك
مهوب من قلبي ولا من جراته !!
بغيت اقول / فلان وازريت احاكيك
وكني سمعت اسمي معا لالتفاته
فزيت من نومي وانا اقول لبيييك
وآثرك رويا .. في منامي وجاته
صفقت كف .. وقلت يا حلم يشوويك
جددت لي جرح ٍ هنى في مباته
يا اللي شريت البعد .. ما غاب طاريك
حتى لو ان البعد .. سواا سواته
مهوب محزني .. على حاجةٍ فيك
إلا إن قلبي شايف ٍ بك غناته !!
كن الطيوف تقول وشحال غاليك
وآقول راح .. وما بقى الا غلاته
لو ان ما جاني من الهم ياتيك
كان المصلي ما حفظ وش صلاته
مريت شارعكم .. وصادفني آخيك
واللي قطع كبدي .. حلاتك حلاته
بغيت الخبط من دعاياه ,, وادعيك
واسمك وقف بين اللسان ولهاته !!
وبغيت اجيب العيد وآقول : يرضيك
فاللي وصاتي له .. وضيّع وصاته
البعد شيّب خافق ٍ ميت فيك !!
والى مشى خطوه عثر في عصاته
مشكلتي / إن قلبي يحبك ويغليك
ومشكلتك / انك شخص عايش حياته
كثر الجفا .. نار .. وحطبها تغليييك
خف الحطب .. لا تزيد نار الشماته
إن ما احزنك جرح ٍ برجواه يدعيك
ما عاد تفرق .. عيشته من مماته
قلبي وعمري كلها بين اياديك
العمر فدوه .. لكن القلب هاته !!
وإن ما بغيت ترد قلبي ما اوصيك
احسن عزاه .. الى دريت بوفاته .

مما راق لي...

قصيدة تملائها الأحساس

صح حسك وأحساسك على هذي الكلمات الجميلة
القصيده من أولها لتاليها روووعه في الصميم شكراً

[هد آ و ة|~]

المشاركة الأصلية كتبت بواسطة غريب في حياتي

ابيات في قمة الجمال والروعة

امتلاكك ذائقة شعرية عذبة
ليس بغريب
دمت ودام تميز حضورك
اخوك غريب

الله يسعدك لا عدمانا مرورك خيو ممكن طلب دامك مريت موضوعي غير رمزيتك
ليس امر بس ما حوب الكئابه اطلع من اللي فيه الله يسعدك

تقبل كلام خيتك الصغيره...

[هد آ و ة|~]

المشاركة الأصلية كتبت بواسطة so0ot alfged

قصيدة تملائها الأحساس

صح حسك وأحساسك على هذي الكلمات الجميلة
القصيده من أولها لتاليها روووعه في الصميم شكراً

الله يسعدك لاعدمنا طلتك وكلامك شرف لي وجودك


تسلم من ذوقك ...