سداد الرسوم "":((

[أبو ريتاج 9]

السلام عليكم

أخر موعد للاسداد هو 30/3/1433هـ ..

لكن أنا سددت الرسوم كيف أدري أن السداد وصل نرجوا الرد ..

[parliament]

في احد اصدقائي في المستوى الخامس دايم يسدد قبل الاختبارات

[BayanFJ]

المشاركة الأصلية كتبت بواسطة أبو ريتاج 9

السلام عليكم

أخر موعد للاسداد هو 30/3/1433هـ ..

لكن أنا سددت الرسوم كيف أدري أن السداد وصل نرجوا الرد ..

ادخل على الخدمات الطلابية وشوف ( الوضع المالي )
إذا قال لك " شكراً عشانك سدّدت " إعرف إن قريشاتك وصلتهم

وبخصوص اللي ما يسدّدون إلا قبل الإختبارات / أو يتأخرون !
ب يتقفل عندهم البلاك بورد و ما يفتح إلا إذا سدّدو :)

[إكليل الورود]

الله يعين ان شاء الله يمددون فترة السداد شوي لأن فيه ناس كثير ضروفهم ماتسمح يسددون

في هذي الفترة الله يسهلها عالجميع ياااااارب

[parliament]

سؤال شاطح

الحين في صفحتك الشخصية بالمنتدى مكتوب الأصدقاء اضف صديق طيب واذا أضفت وش السالفة ؟؟؟

[X3M7X]

المشاركة الأصلية كتبت بواسطة إكليل الورود

الله يعين ان شاء الله يمددون فترة السداد شوي لأن فيه ناس كثير ضروفهم ماتسمح يسددون

في هذي الفترة الله يسهلها عالجميع ياااااارب

الله يسهل على الجميع ويرزقهم من رزقه

بس انا اقول ياليت الواحد يرتب مصاريفه ويخصص كل شهر من مصروفه جزء للجامعه بحيث ماينزنق
طبعن انا ماتكلم عن الي ظروفهم تعبانه انا اتكلم عن الناس الي يمشون بدون ترتيب الي يصرف وبس نظام السعودين

اذا جاء معه فلوس او نزل راتبه راح وشراء الاشياء الي مايحتاجه على حساب الاشياء الي يحتاجها
مثال : ينزل راتبه حق شهر 2 ويروح يشتري جوال وملابس وخرابيط الين ينفض الراتب وهو عارف ان عنده شهر 4 رسوم الجامعه واذا جاء وقت التسديد انزنق يعني لو خذ جزء من راتب شهر 2 وشهر 3 كان ارتاح بحيث مايكون الدفع كامل من راتب الشهر

نصيحه للاخوان والاخوات استقطع من راتبك او مصروفك جزء لرسوم للجامعه احنا في اول المشوار ورانا 6 مستويات غير هذا

[Mr.Kiwi]

المشاركة الأصلية كتبت بواسطة parliament

سؤال شاطح

الحين في صفحتك الشخصية بالمنتدى مكتوب الأصدقاء اضف صديق طيب واذا أضفت وش السالفة ؟؟؟

ابد...تصيرو اصحاب وتطيح الميانه

واذا سوا جريه وشالته المباحث يشيلوك معه

[Mr.Kiwi]

المشاركة الأصلية كتبت بواسطة parliament

في احد اصدقائي في المستوى الخامس دايم يسدد قبل الاختبارات

لا تريويس بعيال الناس بس