[ تربية خاصة ] : كليتي لمتى بنقعد تسذا فارت تسبدي :(

[مناكير]

يسلمووو على الموضوع ... صحيح حنا نتمنى مسارات ثانيه س اتين فكرتي اول حجم الكليه ... هل يستوعب مسارات ثانيه هم فتحو قسم التربيه و انحشرنا مع رياض اطفال


نصيحه مني اطردي كل الطاقه السلبيه الي عندك ... وتفااااءلي

وكليتنا افضل من كليات كثيرر ...

[tHǾǿN]

مكان المحاضرات الكلاسات لمتى تسذا حاشرينا مع رياض اطفال بلعناها وسكتنا
الكلاسات شاشاتها مو ذاك الزود وقلنا يالله مابوه اشكال بس اللي بط تسبودنا يوم قسمتوها حشره وكتمه وريحه وغير تسذا صراخ الدكتوره اللي بالكلاس الثاني وووويييييييين نركز وييين نفهم ابي اعرف هالخلا اللي ورانا وشوله نتفرج فيه ابنو فيه وسعو الكلاسات الله يوسع عليكم دنيا واخره انا لو اعرف من اللي جايبه فكرة تقسيم الكلاسات كان مسكتها مع حنوكها وجلستها تحضر محاضره وحده وتذوق اللي نذوقه يارب ان اللي معها ربو وش تسوي تاخذ حرمان ولا الدكتورات طلعو فيها افتحو البيبان ايه صادقين الهوى شمالي من كبر السيب اللحين يوم يهب به الهوا استغلو المساحات الصحراوية اللي ورى لا والله ان حديتوني اجيب بها غنم جدتي وبعارين العزيزية كلها


يااااالبى رووووحتتسس من جد كلامتس يفتح النفسس
كنننننننت بقووووله بس انتي سبقتيني>>احلفي بس
بس يالييييييت يقرووون كلامتتس ويحسوون بمعاناتنا
من جد طاقتن تسبدي منهم
على العموووم
مشكوووووووره والله يعطيييييييييتس الف عأأإفيهـ
لاعدمتسـ ..

[مريميه]

اللي يقهر كل حوش(حديقة و خلا)اكبر من ثاني ابنو فيه الله موسع علينا وانتو تحبون الضيق
والله وحده تدخل قاعه اي قاعه بعد تقسيم تقل جحر ضب من ضيق لازقات في بعض
والنفس اعوذ بالله وكتمه وريحه شي اخر ويابنات قلنا ضيق وكذا بس راعوا مشاعرنا يعني كل وحده تنتبه لنفسها وتشيك على عمرها والله الله بالنظافه يعني الله الله ما يحتاج
ارحموا من في ارض يرحمكم من في السماء

[ω ™]

اه كلامك صحيح


بس سالفه الوظايف هذا رزق من ربي محد يدري عنه =d



طيب خلي طموحك اكبر من البكلوريوس وخذي ماستر وبعدها دكتوراه وان شاء الله كل احلامك ربي يحققها لك

[نبضهآ نآدر]

لبى انتي ياخووووووووواطر مكسوره طلعتي حرتنا الله يعطيك العافيه امشي وهات يدك نربي الغنم والدجاج خخع بحوش الكليه دام ارض الله واسعه خلف الله علينا اذا الجامعيه الى الان باقي توسع في كليتهم مع العلم انها كانت مدرسه بس ماشاء الله عيني عليهم بارده ..
وع طاري تقسيم الفصووول صادقه نسمع المحاضره اللي جنبنا اكثر من محاضرتنا وغير كذا زحمة كراسي ووووووووووووش دعوى ورا مافي تنظيم وترتيب والبلا والمصيبه الروائح اللي تهب من كل مكان ماشاء الله من قوة ريحتها تسكري ماعاد تحسي فيه وفي حاجات كثيره بالكليه يبغالها تغيير يووووووووو نسيت الكفتريا عاد هذي كوم ثاني وش هالكراسي وش هالطاولات تقل حق روضه بس مكبره شوي ينقال انهم فتحوا نفوسنا بالاكل ولا الجلسه فيه والالوان كوم ثاني واذا عن التوظيف ياخوواطر اتكلي ع الله وكلن بياخذ نصيبه ماتدرين وش ربي كاتبلك . عموما تشكرين ع هذا الموضوع واهم شي انك ارتحتي وطلعتي وسدحتي اللي بخاطرك وكلنا بنتقبلها بصدر رحب لانها كلمت حق والحق ينقال في كليتنا العزيزه .
دعواتي لكن بالتوفيق ..