[ جميع التخصصات ] : وربي أغبى كلية بالعااالم

[كيان ckfu]

ياحياتي الله يعينكم ويرزقكم ما تتمنون
حبيبتي مايضيع حق وراه مطالب واكيد فيه غلط في النظام لاتخافين وما اعتقد الغلط من الموظفات اكيد من النظام لانه جديد علينا ودائما ً تحدث اخطاء في بدايه تجربه كل شيء جديد .

حبايبي حبيت أسألكم نظام البيوبل سوفت مايفتح معاي ايش الحل ؟
صديقتي تبيني اطلع نتيجتها

[نبضات هادئه]

يمكن فيي غلط
وان شاءالله تنحل المشكله

[عيون النداوي]

أنا كنت مثلك السالفه بسيطة لازم تروحين لقسمك وتقولين لهم السالفة وهم بيخلونك تكتبي خطاب أو هم بيكتبون خطاب من نفسهم مثل ماسووا معي وبعدين يراجعون درجتك وبيقولون لك خليك متابعة النظام الين تتغير ويمكن السالفه تطول أكثر من شهر ونصف لأن بعض الأحيان النظام يتعطل أنا سنويا رازة وجهي عند شئون الطالبات أخذ دراجاتي وأصلح أخطاء في الموقع حتى الإدارية حقت قسمنا تعرف وجهي وأسمي من أجي الملف جنبها تعطيني إياه وأنا أدور درجتي فيه وبعدين أكتب
الله يعينا بس متى يعطونا الوثيقة ويقضبونا الباب

[/quote]

[kadooj]

صحيح تنرفز هالحركات بس احمدوا ربكم لقيتوا كرسي فيها تدرسون ، غيركم يصيح يبي يدرس ..

كفايه سب بهالكليه كفااااااايه

[نور زمرد]

بنات توكم داريين عن هالكلية
من زمان اغبى كلية بالعالم كله
ما كو مثلهاا
لا عبين بالبنات لعب
البنات تتعب وتذاكر وبعدين نتيجة التعب كله مااا كووو حقنا مأكووول
حسبي الله عليهم

[SunRose1987]

الله ياخذ حقك منهم وربي ماتخرجت من هالجامعه الا وفيني الف عله يشيبون الراس ويقصرون العمر ويكرهون الواحد في نفسه هذي وثايق ماسلمونا قالو ايش لازم نحول تاريخ الميلاد الهجري الى ميلادي ام التخريف ياشيخه ما اقول الا الله يعينيك على هالبلوه

[احلى ياقدع]

المشاركة الأصلية كتبت بواسطة kadooj

صحيح تنرفز هالحركات بس احمدوا ربكم لقيتوا كرسي فيها تدرسون ، غيركم يصيح يبي يدرس ..

كفايه سب بهالكليه كفااااااايه

اوك حبيبتي بالعكس احنا حامدين ربنا الف مرا على انو ندرس وفعلا في ناس يتمنون يدرسون بس انا اقولك لو يدخلون هل الكليه يبطلون تدري ليه لانو انواع الظلم فيها لازم تشوفين درجه من موادك غلط ثانيا تحلين عدل تلقين انك حامله مادة ثالثا المكافاة ماينزلونها الي بطلعت الروح كنهم من عدهم
روحي شوفي جامعات الباقي وربي معيشينهم في راحه تدرين جامعة ينبع لو ماخده واحد وشوي عادي تتخصصين وحنا لو 3 وشوي ونبي نحول تخصص تم الرفض ليه طيب
صل على النبي بس عطيني شي واحد فيها حلو
اذا حتى الوثيقه ناس بسنتين بالثلاث للحين مو عاطينهم وجه مايعرفون لايشتغلون ولا يبتعثون ولا غيره وفوق دا مانقول غير الحمد لله رب العالمين

[اتعبني احساسي*]

من جد وربي جامعه تشيب الراس
ظلم مو طبيعي فيها قسم
تحملين مواد متاكده انك ناجحه فيها خيييييييييييييير ليه طيب؟
ومذاكره تهد الحيل وبالاخير درجاتك كلها دي و اف ليييييييييييه طيب؟
حسبي الله ونعم الوكيل بس

[بقاياعطاء]

الا يشوف كلامكم حتى لو مستحمل لحد مايتخرج

راح يخلي طاقاته تنفذ ولا ينجز شيء .!!

وراح يأثر عالبنات الجدد الا ماليهم سابق تجربة


وانا هنا ما أدافع عن اخطاء احد ..

واقول لابد من الخطا بس اقوى شي ء ان مايرجع هالحق ..

وان شاءالله مايضيع تعبك وتتصلح الغلطة

لان البعض يسكت في مثل هالأمور ..

[ShoSho-chan]

جامعة تهدم اي شخص له طموح و تجيب الهم و الاكتئاب الله يعين بس

انتي اول روحي شوفي درجتك من قسمك عشان تتاكدين انك ناجحة و بعدين ارفعي خطاب
تعديل و اذا عندك السجل من قبل اطبعيه لهم ووديه

انا رافعه خطاب تعديل ساعات من شهرين الا الان ما تعدلت وهالشي مأثر على المعدل
مدري متى بيتحركون