كفايه تصوير اختبارات ..!!!

[мάђяά ♥]

المشاركة الأصلية كتبت بواسطة ناوي السوكبا

بو فروحه

مع احترامي الى جميع المراقبين المجتهدين

لكن يجي مراقب يقول لي بسحب الورقة عليي الحرام ان أتوطى في بطنه

هذا الي ناقص بعد يوزعون الاوراق متأخرين وغير كذا التنظيم جداً سيء

وآخر شي يبي يسحب الورقة " معصي "

اخي ناوي انت اللي تقول معصي يمكن انتم يالشباب
ماتخلون حقكم يمشي وبالطيب بتحل يعني بتحل طرقن عن شاربهم

بس حنا يالبنات مانقدر ننطق بكلمه يعني ظلم ويوم تكلمت وحده تعترض سكتوها
والدليل انهم سحبو ورقتي وكان باقي لي اخر ورقتين مادريت عنها حليت اي كلام
بعذرها انتهى الوقت وورا غيركم فتره ثانيه والغلط انهم يوزعون الاسئله
مع اوراق الاجابه بوقت متأخر

من الاخر ماعندهم نظام ونفوووس خايسه حسسبي عليهم بسس

...


اما عن تصوير الاوراق الاسسئله فهي تفيد للمستويات الاخرى عشان
ياخذون فكره عن طريقة الاسئله فقط لا غير

[! مصدر أشواقي !]

والله يالغالي اللي مذاكر بيحل واللي مو مذاكر عدل ماراح يحل سواء الاختبار صعب او سهل

واعتقدر فكرتك خاطئة ان الدكتور يحاول يغير الاسئلة لان اسالة العام منتشرة

لانه جاب تقريبا نفس الاسالة وحنا كان عندنا فقط تقريبا 25 سؤال بس من الاختبار السابق

ياجماعة صــــــــــــــــورواااا الاختـــــبـــــــــارات

[بو فروحه]

المشاركة الأصلية كتبت بواسطة ! مصدر أشواقي !

والله يالغالي اللي مذاكر بيحل واللي مو مذاكر عدل ماراح يحل سواء الاختبار صعب او سهل

واعتقدر فكرتك خاطئة ان الدكتور يحاول يغير الاسئلة لان اسالة العام منتشرة

لانه جاب تقريبا نفس الاسالة وحنا كان عندنا فقط تقريبا 25 سؤال بس من الاختبار السابق

ياجماعة صــــــــــــــــورواااا الاختـــــبـــــــــارات

يا مصدر اشواقي
والله اني مذاكر لم يتبقى الا حفظ رقم الصفحه ولاكن نحن بشر عقولنا ليس وندوز نحن طلاب انتساب بمعنى نجي من العمل الى الاختبار غير كذ نحصل الوقت لايكفي دقيقتين لكل سؤال هل تراه يكفي .مع اني عارف احل كل سؤال اليس من حقك ان تفكر حتى هذا الحق مسلوب .

كل انسان يختلف زمن الاسترجاع ولتذكير لما يحكمون عليه بالكسل والفشل
بختصار لماذا الغرب افضل منا مخترعين ومصنعين ويجدون الحلول لكل كبيره وصغيره؟
جوابه مايعجبكم اسكت احسلى

[قايده القمر]

انا من مؤيدين للتصوير للفائده ولس للأعتماد الكلي

مي تو

[mohamed.q]

ناوي السكوبا انت كذاا خخخخخخخخخخخ اما تتوطى في بطنه اعجبتني

[KSAjamal]

هههههههه احسن شي اتذكر المستوى الثاني
اختبار اقتصاد كلي تأخرو يمكن 20 دقيقة قبل لانبدا الاختبار
كان بالزاوية رجل كبير السن كبير الجسم غليض الصوت
الله يذكره بالخير

المراقبين قالو بقى 10 دقايق

قال للمراقبين الي فيه خيير يلمس ورقتي
من بعدها كل الاختبارات كان وقتها مضبوووط بقاعتنا بس

[1من الناس]

طريق ديراب


اقسم بالله انا شفت ناس داجه وماهي فاهمه شغلها لكن نفس هالجامعه ماشفت


يجينا مدرس ابتدائي وياشباب لو سمحتوا طابور ==== يالعن ابو هالفره ابتدائي حنا

واخرتها قاعة ملعب سله تقل نبي نتبارى ماحنا جايين نختبر

وازعجنا بالمايك باقي يقول تحيه لشباب السعوديه بس

ولا نبدا الا بعد ساعتين واخرتها يمرون يسحبون الاقلام سحب الله روسهم

لي يومين اكلم المشرف ابي اغير الموقع واخرتها يقولي كلم المراكز اذا وافقوا ابشر طيب وانت وش شغلتك

[ايزابيل]

يا خي جزاهم الله خير خلهم يصورون الاسئلة النهاية ما راح تطلع برا المحتوى
يعني مو التصوير الي صعبها

[1من الناس]

انا على لان وربي على لان


اقول صوروا بيديكم ورجليكم


واللي ماعنده جوال به كاميرا انا اعطيه حقه



ليت قومي يعلمون

[AMIR2T]

المشاركة الأصلية كتبت بواسطة 1من الناس

السلام عليكم


احبتي لنرجع الى الترم الماضي (قبل انتشار تصوير الامتحانات).. كنا نأخذ الاسئلة من الدفعة السابقة لنا, واغلب الاختبارات كانت الاسئلة متشابهة الى حد ما او على الاقل اكثر من ربع اختبارهم مشابه لاختبارنا او بنفس طريقته على اقل تقدير..


منذ ان بدأت ظاهرة تصوير الاختبارات .. وحنا ماحنا بخير ===انتم بخير


للأمانة تحدثت مع اكثر من زميل حتى في مستويات اخرى و اشتكوا اليوم من اختلاف جذري بالاسئلة بل وصعوبة عن اسئلة العام الماضي بشكل ملحوظ..!!


يعني بالعقل حط نفسك مكان الدكتور وتشوف اسئلتك بالنت هل راح تكررها


ما اعنيه يا احبتي نعلم ان الهدف سامي ---مو ماجد

ولكن لو كانت بدون تصوير لكانت انفع واجدى


فهل تمنع ادارة المنتدى مثلا نزول صور الاختبارات و من اراد ان يفيد فليكتبها كتبها صدقوني من مصلحتنا جميعا..


وهذا وجهي ان استفدتوا من اختبارات العام الماضي

أحترم رأيك ولكن العام الماضي أسئلة صحة ولياقة جات نسخ ولصق من أسالة الترم الي قبله واذا ماجابها كلها خل يجيب 30 بالمائه منها نستفيد لاتنسى ان الجامعه اضغطتنا هذا الترم من مشاكل البلاك بورد وقصر فترة الترم يالا نلحق ولاتنسى اننا طلاب تعليم عن بعد وعمارنا نوعا ما أكبر من طلاب الانتظام ولكم تحياتي