بدون زعل

[DAMINIT]

والله أنك جبتها ع الجرح ياخوي

ونا أذاكر و أدور ملخصات أقول فـ قلبي

بس لو ما عندي دوااام
كان احين من زمااان خلصت مذاكرة

بس مع الدوام ماتقدر تحك رااسك .. وذا صادف إن عندك أيام أووف

تطلع لك مليون شغلة .. ماتقدر حتى تحك رااسك فيها

وذا جيت بتذااكر وقت الدواام ... الكل يطاالع فيك ويقولو مستهتر ومن كذا الكلام

فــ أنصح أخوااني و اخوااتي الي ماعندهم دوامات أنهم يجدو ع حاالهم

تراكم فـ نعمة و تقدرو تخلصو كل المواد

[dr.memoo]

صح لسانك اخوي

كلامك 100%

[متعاون]

السلام عليكم
صدق الوقت نعمة ما تعرف قيمتها حتى تفقدها بالنسبة للوقت والله اني ادور وقت بالمنقاش اليوم كامل ما الاقي وقت لبيتي واهلي الا بعد 11 مساء عاد هالوقت لازم اعطي المدام وقت واشوف البنوته والعب معها حتى تبلغ المنفعة الحدية (ملحوس من الاقتصاد) الشكوى لله
وعلى طاري الاقتصاد انا بصراحة محروم من نعمة الاقتصاد الجزئي احس اني قاعد احفظ وبس مو فاهم شي الله يوفقنا جميعا وتحياتي .

[the.best]

المشاركة الأصلية كتبت بواسطة حلم وتحقق

يعطيك العافيه على هالنصيحه ومشكور

وبعدين هذي مافيهازعل بالعكس انت قاعد تنصح من واقع تجربه وكثير منا مر باللي مريت فيه وماصدق وجا اليوم اللي يكمل فيه دراسته ومتحسف على كل لحظه مر ت بدون مايستفيد من هالوقت .
النصيحه اكثر شي تهم ااخوانا واخواتنا اللي توهم متخرجين وماعندهم اي التزامات يعني لامتوظفين ولامتزوجين يستغلون كل فرصه قبل مايؤول حالهم إلى ماآل حالنا إليه ومع ذالك نجاهد للحصول على هذي الشهاده مهما واجهتنا من صعوبات.
اعتذر عن الأطاله وتقبل مروري

اضافه موفقه ومرورك زادني شرف

المشاركة الأصلية كتبت بواسطة الحليمي أحمد

لقد أصبت بالكلام

شكرا لك انت خير الكلام ما قل ودل

المشاركة الأصلية كتبت بواسطة DAMINIT

والله أنك جبتها ع الجرح ياخوي

ونا أذاكر و أدور ملخصات أقول فـ قلبي

بس لو ما عندي دوااام
كان احين من زمااان خلصت مذاكرة

بس مع الدوام ماتقدر تحك رااسك .. وذا صادف إن عندك أيام أووف

تطلع لك مليون شغلة .. ماتقدر حتى تحك رااسك فيها

وذا جيت بتذااكر وقت الدواام ... الكل يطاالع فيك ويقولو مستهتر ومن كذا الكلام

فــ أنصح أخوااني و اخوااتي الي ماعندهم دوامات أنهم يجدو ع حاالهم

تراكم فـ نعمة و تقدرو تخلصو كل المواد

اي والله الله يعين بس بقى شهر والايام تجري تحس اليوم 14 ساعه بس

المشاركة الأصلية كتبت بواسطة dr.memoo

صح لسانك اخوي


كلامك 100%

ولسانك طال عمرك

المشاركة الأصلية كتبت بواسطة متعاون

السلام عليكم
صدق الوقت نعمة ما تعرف قيمتها حتى تفقدها بالنسبة للوقت والله اني ادور وقت بالمنقاش اليوم كامل ما الاقي وقت لبيتي واهلي الا بعد 11 مساء عاد هالوقت لازم اعطي المدام وقت واشوف البنوته والعب معها حتى تبلغ المنفعة الحدية (ملحوس من الاقتصاد) الشكوى لله
وعلى طاري الاقتصاد انا بصراحة محروم من نعمة الاقتصاد الجزئي احس اني قاعد احفظ وبس مو فاهم شي الله يوفقنا جميعا وتحياتي .

نعمه للي يفتقدها وحنا الحين نحس بالنعمه هذي
وركز لي المنفعه الكليه والحديه

[Ezio]

هلا يالمعلم الكبير

شف ومن غير زعل

كل حرف كتبته صح مليون بالميه ويخرب بيت اللي يزعلك يا شيخ

هذه فرصه ذهبية المفروض مايضيعوها

والله انا الدوام كاسر ظهري صح من 6 الى 6 لكن يالله الايبود في الجيب والسماعه في الاذن وتقول هندي جالس اسمع المحاضرة من جهه واخلص شغلي من جهه
وترجع البيت تسقبلك المدام بورقة الطلبات وموجز مصايب اليوم ونشرة المشاوير وتوقعات المناسبات اللي لازم تتجهز لها خلال خمس شهور

وانتبه انك تسوي نفسك ما نت معاها ولا جالس تسمع هذرتها

يا شيخ احلى مافي الزواج شيء واحد وبس " العيييييييييييييييييال وبس " وكذاااااااااااب اللي يقولك لا الزواج استقرار ومادري ايش وسعادة تراه نصاب بس وده يقص على نفسه

<------------- خبره 18 سنه زواج شاق واعمال مؤبده
<------------ طلع من الموضوع

[the.best]

هلا هلا وانا اشوف الكبوس اشتغلت فجأه اثاريك هنا منور يا دكتورنا
واشكرك على مرورك الاكثر من رائع والله يعين على حرب الضروس الي راح تشتعل من اخر ثلاث سطور في الرد
شكل ام العيال نشبت لك في بنده وخلتك تدف العربانه اليوم ياخي لازم تؤمن بالمقوله الي تقول يوم لك ويوم عليك <=== يبي يشاطره الرأي بس خايف من ام العيال تصيده في المنتدى بعدين اتلحط في المطاعم لمده شهر

يوووه موضوعنا راااح شرق وحنا غرب

المهم الوقت ثم الوقت يا حبايبي واي استفسار في اي ماده او اي استفسار من الحياه سوف يجاوبكم الدكتور ايزو
فالكم النجاح

[هتان بن محفوظ]

اما استراحات ، لا تعليق ، لو يدرون اننا نطلع من البيت 6 الصبح نروح اشغالنا ونرجع 7 العشاء ، ومن 8 العشاء الى نص الليل مذاكره ، ايه مررررررررررره في وقت ندلع ، اصابعك ماهي سوا ، بس ربي يوقفنا جميعا انشاء الله.

[همس الغرور]

انا اعتبر اللي بالنعمه مايحس فيها مو مسألة استهتار ..اوغيره
وطبعا مافي داعي للزعل ..
واللي عنده وقت ويدرس تعليم عن بعد يناظر للي منتظمين وعندهم مجال للفهم والتعاون اكثر ..
ويشوف نفسه مسكين ومظلوم ومنبوذ بالمجتمع ليش يدرس بفلوس وغيره ياخذون مكآفآت ..الدنيا حظوظ وكلٍ له نصيبه ..
واللي موظف ويدرس تعليم عن بعد يناظر للي يدرسون وهم جالسين بالبيت ..

وقيسوها على كل شي بالحياه ..
وبالنهايه كل اللي يدرسون هنا محد غاصبهم مع احنا بزارين ندرس بالمدرسه مايدخل هنا الا اللي مهتوي الدراسه لسبب ما ..
وجهة نظري من امور انا عشتها وماكنت احس فيها الا لما فقدتها .. الحمدلله على كل نعمه واللي يبي الشي بتوفيق الله بيوصله لاموظف ولا متقاعد ولاعاطل ..

الطموح والاصرار يحققلك اللي تبغاه ومافي شي سهل بالحياه كل شي يحتاج جهد والقدرات تفرق ..

تعبت وانا اكتب ...

[همس الغرور]

علق النت وطلعت مشاركتين ماعرفت احذفها

[وادي زاعم]

المشاركة الأصلية كتبت بواسطة ezio

هلا يالمعلم الكبير

شف ومن غير زعل

كل حرف كتبته صح مليون بالميه ويخرب بيت اللي يزعلك يا شيخ

هذه فرصه ذهبية المفروض مايضيعوها

والله انا الدوام كاسر ظهري صح من 6 الى 6 لكن يالله الايبود في الجيب والسماعه في الاذن وتقول هندي جالس اسمع المحاضرة من جهه واخلص شغلي من جهه
وترجع البيت تسقبلك المدام بورقة الطلبات وموجز مصايب اليوم ونشرة المشاوير وتوقعات المناسبات اللي لازم تتجهز لها خلال خمس شهور

وانتبه انك تسوي نفسك ما نت معاها ولا جالس تسمع هذرتها :cry111:

يا شيخ احلى مافي الزواج شيء واحد وبس " العيييييييييييييييييال وبس " وكذاااااااااااب اللي يقولك لا الزواج استقرار ومادري ايش وسعادة تراه نصاب بس وده يقص على نفسه

<------------- خبره 18 سنه زواج شاق واعمال مؤبده
<------------ طلع من الموضوع

يا ولد كانك عايش عندي بالبيت وانا ما ادري ,بس حلوه عبارة ((وانته انك تسوي نفسك ما انت معاها وجالس تسمع هذرها )) الظاهر انهن نفس الدساين , يا بست كلامك رائع كما عودتنا دائما شكرك بعمق البحار