[ جميع التخصصات ] ابي الكل يرد وقولي رائيه وبصراحه

[غلآكمـ]

الله يعينكم و يعينا على هالنوعيه من البنات

و الله يصلح حالهم ، ،

و افضل حل لهالمشكله يشيلون سالفه الحضور و الغياب

و من بعدها بيطلعون اللي يتكلمون لان كل همها ماتاخذ حرمان بالماده بس

و منها نرتاح احنا و الدكتور بعد يرتاح ، ،

هو يشرح و احنا نسمع و نتناقش معاه براحه و بدون احراج من تصرفات بعض البنات

[rebecca]

ياحبيبتي البنات الي من هالشكال الواحد مو عيب يدعي عليهم لانهم هم الي مشوهين كل الاخلاق والاساليب الراقية ولما تكلميين وحدة تمد للك لسانها اذا كذ اجل الله لا يهديها
وانا اشوف ان كلامي مافي شي وبعين الواحد يحق لة و موعيب يكتب الي بخاطرة

تكتبين بخاطرتس ؟ حبيبتي إمسكي نفستس مانتب خسرانه و الله يهديهم أعوذ بالله و شوله تقولين الله لا يهديهم !!!! الحمدلله و الشكر جد بنات مدري شلون صراحه !

و إن مدت لسانه ربتس راح يحاسبه ! مع نفسها تاكل هوا
و إن ردت عليتس هذي من أخلاااقهاو ذووقها و هالكشخه إللي مسويتها بتطييييح من عين غيرها بسبة لسسسانه



ما تلاحظين ردودك بس دعاوي و عنااد ؟؟؟

[rebecca]

تررررى سوووري بس بتكللللم بتكللللم لييين يتسكر الموضوع ماوقف هذره أنا هذره

[Dr.as]

الله يهديهم يااارب

[♥..ЙAИa]

سارونه معليش حبيبتي ..
الواحد يكبر عقله شوي ماله داعي يحط عقله بعقل ناس ثانيه
الله خلقنا وفرق بينا بالعقل في ناس عقلها يوزن بلد ومن نفسها تعرف وش لها وش عليها
وفي ناس للأسف تووووووووووووووووت شفرت الجمله

روقو اقول << بدت تعصب

[.،×لسعة شقاوة×،]

ترى نومه العصر حلوه

<< محد شطح

[سفانه عمر]

من قال انا مكلمنا المشرفه كلمنا رئيسة القسم بنفسها والحال مثل ماهو بعدين الي جايه عشان الحضور والغياب تنام ولخلصت وقت المحاضره تقوم تطلع مو تقعد تسولف والرجال يسمع هذا عيب والا اذ عندها سالفه تكتب بورقه بس لا تطلع صوت وتزعجنا خلص هذا مو حال عيب علينا استغفرالله احنا ليش نقوم من صبح ونجي مو عشان نتعلم مو نلعب بعدين اكيد عندكم بريك سولفو والعبو فيه مو وقت الناس تبي تفهم مو على كذا اصلا اليوم كان عندنا معمل والمعيده تشرح وبنات مشغلين لعبة الورق ويلعبون مدري ايش اقل يعني جد شي مو طبيعي يعني المعيده طيبه استغلها بس مقول غير الله كريم كل شي عند ربنا خاصه الي تضحك وتكلم والرجال يسمع

[[ ذائقة فكر~]

المشاركة الأصلية كتبت بواسطة .،×لسعة شقاوة×،

صادقه وربي

انا اليوم كان عندي محاضره مع الدكتور محمد حمود

وعلى انه ساكت مخلي البنات على كيفهم

وطبعا المشرفه هاذي مدري وش موقعها من الاعراب مره تجي مره ماتيجي السالفه سالفه مزاج الظاهر

بس وربي شي يقهر انك تبين تفهمين والبنات وراك يسولفون ويتضحكون وبصوت عالي

انا جالسه قدام وهم ورا ورا حيل وصوتهم واصل

من جد شي ينرفز

اتمنى الي جد بتاخذ محاضرات الدكاتره سوالف وضحك لاتحضرها بليز

تخلي اي احد يحضرها مو لازم تحضر بصراحه << محد فقد اعصابه

وسسوري على هذرتي بس كلمه الحق مااينزعل منها

صدق والله ..

على نياته الدكتور ..

وهذا جزاء اللي يتعامل بالطيب تلاقيه يلاقي العكس وهذي مصيبة ..

لو محيي الدين ماسمعتي الهمس ..

وأنا كنت بالصف الثاني ..

[♥..ЙAИa]

لا حول ولا قوة الا بالله
بصراحه هالنوعيه من البنات كثيييييييررررر
انا لما كنت تحضيري كانو فوضوين بشكل مو طبيعي ..
بس الحمد لله بعد ماتخصصت احس خفو شوي يعني حبيبتي كله هالترم

اجل اجلسي قدام وأنا من رأيي تاخذون اسماء هالبنات لرئيسة قسم هالماده
وتقولون انهم مسببين لكم فوضى والمشرفه مو قادره عليهم ..

ممكن يفرقون بين اماكنهم بالمحاضره

اذا ماده علميه مشكله خاصه لو فيزيكس او ماث هالمادتين يبغالهم هدوووووء اكثر من غيرهم

والله يوفقك

[سفانه عمر]

انا متخصصه احياء والمستوى الثالث وكل مدخلت مستوى احس الازعاج ازيد ابي اسئل الدكتور نتناقش مااقدر معصب من البنات يضن الكل مو معه