يا إدارة المنتدى أنصفونا من غسان نايفة

[الحلم القريب]

ابو رشيد استهد بالله و اسمعن ..

انت جايب مدرسيين .. انا اخذ دوره بكبره و لو تشووف الملخصات عندي و الطباعه [ قسم ان تقول مطبعة المجره ]

شف انا معك آكلهآ خابور ، و لكن اذا رجعنا للمنطق فاللوم علينا كلنا . لاننا نثق بالدكاتره و الاهم اننا ما نثق بأحد ..
يعني امر مرور الكرام ع قطعة الينا .. < حتى لو قال محذوفه [ اخاف يمقلبنا فيها ] ..

-----------------------------

و خلك مؤمن ان الامور زينه و بتتيسر .. و لا تلتفت للماضي ترا النحووو صعب و انا و الله شايلن همه بالحيل ..

ذاكر يا بعد راسي و فالك المعدل الطيب ’’

ولو تبي نسج اي واحد بقصيدة هجاء ابشر < بس بالعاميه

موفق للجنه يا بعدي ’’

[أبو رشيد]

المشاركة الأصلية كتبت بواسطة روبينيا

الاعتراض انه اوهمنا بقطع
غييير وقالنا ذاكرو منها راح تجيكم وحذف بعدين قطعة الينا على اساس يسهلها لنا
يعني اعتراضنا على كذببببه وغدره لنا لو قال بجيب قطع ولو حتى ما اتكلم كان عادي بس يتحايل علينا بطريقة بزراان ماتليق فيه كدكتور وما تلقين فينا كطلاب

هاه

هذي هي


قعطت جهيزة قول كل خطيب


صدقتي بارك الله فيك

هذا هو محل العتب والغضب

[وزيرة]

أخـوي لاتحرق قلبك زيـادة ذاكـر مـادة اليوم عشـان مـاتتحسر على مـادتين !! من جـد موب قادره أطلع الـ e من راسي بس أحـاول عشـان لا أجيب الكرسميس في النحـو وأزيد الطين بله !!
الله يعوضك ويعوض الجميـع
وفـالك النجـاح وبدرجـة موب على البـال يااااارب والجميع اللهم آمين

[أبو رشيد]

المشاركة الأصلية كتبت بواسطة الحلم القريب

ابو رشيد استهد بالله و اسمعن ..

انت جايب مدرسيين .. انا اخذ دوره بكبره و لو تشووف الملخصات عندي و الطباعه [ قسم ان تقول مطبعة المجره ]

شف انا معك آكلهآ خابور ، و لكن اذا رجعنا للمنطق فاللوم علينا كلنا . لاننا نثق بالدكاتره و الاهم اننا ما نثق بأحد ..
يعني امر مرور الكرام ع قطعة الينا .. < حتى لو قال محذوفه [ اخاف يمقلبنا فيها ] ..

-----------------------------

و خلك مؤمن ان الامور زينه و بتتيسر .. و لا تلتفت للماضي ترا النحووو صعب و انا و الله شايلن همه بالحيل ..

ذاكر يا بعد راسي و فالك المعدل الطيب ’’

ولو تبي نسج اي واحد بقصيدة هجاء ابشر < بس بالعاميه

موفق للجنه يا بعدي ’’

حياك الله

والنحو يبي الله يعين عليه إن شاء الله


بالنسبة للقصيدة

هي حلاته بالعامية

عطني منها كم بيت وانا أرسلها على جوال الخابور ،،،، قصدي الدكتور

[Lubna]

صدقوني الكلام كله ماراح يفيد الان اللي صار صار اهم شي تركزون على اختبار اليوم

ترا النحو 1 يجيب الهم و الجلطه يا عليه اسئلة كانت كل امثلته خارجيه

يعني انا ذاكرته من قبل الاختبار بوقت و جبت وحده تشرح لي المادة و حالتي حاله و حمدت ربي اني عديتها
قمت احل بالاختبار على كيفي الجواب اللي تطيح عيني عليه اول شي اختاره

[ابوالجوهره]

الي يقولون صار مثلنا مثل ما صار المستوى الي فات يسمح لي غلطان لان مواضيع جزاء المصاروة ما انحذفت مثل ما انحذفت مواضيع ولد نايفة وانا اتذكر زين كيف كانت الاهانات والشتائم على دكتور النحو المستوى الفايت فياليت تكونون منصفين مثل ما تفضل اخوي وتتركو المواضيع وتخلو الطلاب والطالبات يعبرو عن انفسهم وما له داعي التهديد بوقف حساب العضو لان هذا بيهز من مصداقية وثقة الطلاب والطالبات في المنتدى وبيكون فيه تحفظ في كل مشاركه او موضوع فنحن نطالب بالحرية في الرأي لا اقل ولا اكثر

[بيان باراس]

واحد وعشرين موضوع عن د.غسان ....وشكله هذا بيكمل 22 ...في المحذوفات ..


والله من حقهم يحذوفها ..رح افتحها كلها وقلي وش الجديد ..كلها تجريح وغيبه ..

اذا حتى مستوى ثالث سار لهم نفس الشي ..فهذا يجعلني اؤمن اكثر واتاكد ..بان في الامر شي دكتور غسان ما اردهـ..

انا مثلكم ماحليت ..ماني هنا محاميه عنه..لكن

السالفه عنوانها ..ماهو الشي الذي لانعلمه ..ويحدث خلف الكواليس


بالتوفيق لك ..

ياترى هل سيبيت موضوعك هناا ..ام سيفضل السكن في فندق اخرر ,,

[بنت حصه]

والله شيء عجيب .. الدكاتره بعضهم الله يعطيهم الصحه والعافيه يحسبوننا انتظام
او انهم مافكرو وش الضغط اللي يجينا مواد كثيره ومواد صعبه ومافي اي طريق للتواصل
مع الدكاتره غير ارقام جوالاتهم والى الان ماعمري فكرت اتصل عليهم مدري حسيت انه
مالها داعيه مع اني لو احتجتها والله لادق ولا علي منهم لو افجر الجوال عليهم لكن المشكله
وين المششكله انهم الحين مساوينا بالانتظام الانتظام مايتعبون كثرنا ماعندهم بلاك بورد يطفشهم ماعندهم قوانين تعلهم مانعرف كم عدد مشاركاتنا الا قبل نهاية الاختبارات بيومين
عندهم درجات نجاح وحنا نحمل مواد على درجه ودرجتين ناقصينها في شيء اسمه 5 درجات رحمه يزيدونا الله لايهينهم

هذا دكتور جزاء حملت مادته نحو تطبيقي 1 المستوى الاول وعلى كم درجه اقل من 5 درجات و خايفه اخذها وارسب مره ثانيه تحطمت على انها جد جد صعبه واسئلته غريبه
توقعت اني ماذاكرت زين لكن وربي كثير اعرفهم نفسي بس انهم نجحو عالحفه
ولا بعد بيدرسنا نحو تطبيقي 2 وبعد هذا مااخذته خايفه من هالدكتور وبصراحه ماودي ارسب
واتعب نفسي

والدكتور الثاني غسان المستوى الاول رسبت فيه وانا مصدومه كنت متوقعتها
اخر ماده احملها مو عشان شطارتي فيها لا والله امحق شطاره بس يعني حسيت الماده سهله مو ذاك الصعوبه لكن الانجليزي مره يحتاج وقت كبير وخصوصا القطع تنفقع عيوني فيها وقلت باخذ هالماده بهالمستوى عشان ماانسى ماتصدقون وشلون فرحت بالملخصات
وسع صدري وخاطري وكل شيء فيني لدرجه اني ماشلت همها والحمدالله ذاكرت بكل جهد لدرجة انه ماكان في وقت معي وصرت احفظ اجوبة الملزمه عشان يمديني اخلص والله اني احفظهم حفظ مو فهم فيه اشياء ماني فاهمتها واحفظها واختبر نفسي بورقه ثانيه
لما جاء الاختبار صرت احل بكل حماس يعني الحمدالله كان نوعا ما زين عالاقل حسيت اني
حليت اشياء صح بس لما شفت القطع تحطمت مدري من وين جايه واتوقع انه على كل قطعه 10 اسئله ان ماخاب ظني يعني قولو 20 درجه وحليت ومدري عن حلي مع انه الاجوبه بالقطعه بس لحد يقول سهله وماسهله وكل سالفتها انك تدورين الجواب منها عيوني راحت فيها نظري الظاهر بينقص زود من الدوائر ومن هالقطعه اللي مدري وش تقول شيء افهمه وشيء لا هو ماقصر ونزلنا القواعد والكلمات وفيها اخطاء بالاجوبه واخطاء واضحه بس وش نسوي حتى احترت ياربي بالاختبار لاجوني هالاسئله اللي اجوبتها خطا احلها مثل ماحلها لنا
ولا على حلي الصحيح همي بس انجح والله انه امي شالت همي بهالماده خافت احملها مره ثانيه وحليت وتوكلت على الله وقعدت اراجع وماطلعت من القاعه الا قبل 5 دقايق من انتهاء الوقت لو علي كملت كل هالوقت بس ماودي بالزحمه برا

يارب يارب يارب يارب نجحنا يارب
ولا تنقهر كبودنا والدكاتره ليتهم يحنون علينا ويسهلون علينا
يكفي قعدتنا عالاب توب بديت اطفش من شيء اسمه لاب توب والسبب البلاك بورد
وتحميل ملازم وغيرها

عذراً طوولت وخذيت راحتي بالرد .. انبسطت اني اقدر افضفض هنا

سامحوني