نداء إغاثة من المستوى الأول (خبرتكم مطلوبه)

[Lilac]

المشاركة الأصلية كتبت بواسطة ابوي نبض قلبي

شوف اخوي على حسب طريقة الدكتور وارشاداته يعني اذا الدكتور ملزم على الكتاب فااعرف انه مالزم من فراغ اكيد بيحط منها اسئلة

وبقولك بحكم خبرتي بالمستوى الاول

الرياضيات 1 <<يكفي المحتوى والمحاضرة المسجلة ذاكرها زين وافهمها وبعدها ان شاء الله بتآخذ العلامه الكاملة وعلى فكرى الدكتور ركز باسئلته على الدروس الاخيرة

القانون <<بالنسبة لي ذاكرت مثل ماحدد لنا الدكتور جزئية من المحتوى وجزئية من الكتاب وماطلع عنها الدكتور وكانت اسئلته دقيقة بس سهلة اهم شيء تركز وانت تجاوب

الادارة <<المحتوى يكفي +اسئلة الكتاب جاب منها كثير اسئلة واكيد تلاقيها منزله بالمنتدى

المحاسبة 1<<ملخص ابو موزه اكثر من رائع وشامل للمحتوى +الكتاب وماطلع اسئلة الاختبار منه وركز على المحاضرة 14 اللي هي مراجعة جاب منها اسئلة كثير

الاقتصاد الجزئي دكتورنا بلغرسه تغير فما اقدر افيدك

ان شاء الله افدتك

[لــوســي]

ما أزيد على كلام الأخت أبوي نبض قلبي .. كتاب الرياضيات ماله داعي ..

وبصراحه أنا ما أعتمدت على الملخصات ألا بعدما أفصفص الكتب مذاكره وحل لأسئلتها ..

طبعا أثناء مشاهدتي للمحاضره أخطط الكتاب مع الدكاتره وأأشر على كل شي مهم .. وكذا تسهل المذاكره

وبعدها أرجع للملخصات وأفصفصها من باب المراجعه وزيادة التأكد ..

صحيح هالطريقه تاخذ وقت وجهد .. لكن النتيجه تبرد قلبك بعدين

وجبت أمتياز في كل المواد الحمـــــد لله .. عدا الأقتصاد الجزئي ربي يسامح هالبلغرسه ..

الأسئله كولها أختياري ..

وطريقتي في الأختبار كالتالي :

غمض عيونك بالبدايه وتوكل على الله .. ( اللهم لاسهل الا ماجعلته سهلا )

أبدأ بورقة الأسئله وخل ورقة الأجوبه للأخير ..

في ورقة الأسئله راح يتفلسفون عليك لاتكتب فيها ولا تأشر عليها ماعليك منهم ..

أبدأ بحل الأسئله .. وأي سؤال ماتعرف جوابه أو متردد بين خيارين أرسم عنده علامه صغيره أنا أرسم هالنجمه *

وأأشر على الخيارين الي محتاره بينهم .. وأكمل باقي الحل عشان ما اضيع وقتي على أسئله يمكن ما اعرف احلها ..

(تأكد أنك تأشر على الخيارات المشكوك فيها لأنك بعدما تكمل باقي الأسئله راح ترجع لهم وأنت ناسي وش اللي كان ببالك .. تحوسك بقية الأسئله ..)

بعدما تخلص كل الورقه .. الحين سكر الورقه وأذا باقي في وقت يكفيك أرجع للأسئله اللي مرسوم عندها نجمه وحوس عندها حتى تستقر على خيار .. وهكذا حتى تخلص باقي الأسئله

ألحين أبدأ بورقة الأجابه وأبدأ بالتلوين في الدوائر .. وتأكد من رقم كل سؤال ..

أشر بأصبعك على رقم السؤال في ورقة الأسئله .. ودور لرقمه في ورقة الأجابه وتأكد من الحرف الصحيح ..


في غلطه شائعه تصير أثناء تلوين الخيارات أنتبهوا لها ..

تلون مثلا سؤال 1 .. وتتخطى سؤال 2 لسبب من الأسباب .. ياغلطت .. يا أجلته لبعدين ونسيته الخ ..

بعدها تلون سؤال 3 على أساس أنه 2 .. و4 على اساس أنه 3 .. و5 على أساس أنه 4 ..وهكذا وراح يتسلسل الغلط حتى نهاية الأسئله ..

راح تصير كل الأجاابات عندك غلط .. ويمكن ماتنتبه للغلطه هذه الا في آخر سؤال لما تلون 70 على أساس أنه 69

وتقول وين راح رقم 70 ؟؟

ويكون وقتها خلص وقت الأختبار أو قرب يخلص..

لذلـــــك .. تأكدوووووا تأكدوووا من رقم السؤال في ورقة الأسئله .. ورقمه في ورقة الأجاابه ..

وربي يوفق الجميـــــــــــــــــــــــــــــــــــع .. ويارررب أشوف أحتفالاتكم بالنجاح ..

[Potentials]

نبض قلبي , ليلك شكرا .... لوسي , يعطي العافيه على الملاحظات .. راح اطبقه بالأختبار ان شاء الله

شكر جزيل لكم .. الله يوفقكم ويوفقنا ... وشكرا للجميع , اتمنى غيري الي في المستوى الأول يستفيدون منكم.