مع ام ضد خادمات من بلدك ...!!

[شوق]

الاخت خطوات عذرا طبعا لا
امسك مجنونك لايجي الي أجن منه

انا مع الاخت مع الله
بصراحه خادمه محليه هذا خيالي
وبعدين يتزوجها راعي البيت ولا يحبها الولد

يووو عشت القصه
بالتالي كل وحده بكم ونص راح تقول انا محتاجه وابي اشتغل وتدخل البيت من الباب
برايي هذا تسهيل لها



خطوات حبيبتي موضوعك على راسي


دمتم بود

[•- ×][ خـطــوات][ × -•]

اخي/ اختي مع الله + اختي شوق

كلامك صحيح

لكني نضرت للموضوع من جهه اخرى
نضرت لمجتمعنا وبنات مجتمعنا انهم احسن من ناحية التربيه والاخلاق من الخادمات الشرقآسيويات
مو أسوا منهم على الاقل تقدر تختار من تدخل بيتك مو المكتب يجيب لك وخلاص
يعني لو مثلا تعرف هالامرأه وعايلتها وظروفها
مره تبي الستر والشغل الحلال

طبعا مو القصد القضاء على البطاله والسعوده لان خطوات اكثر المفروض تتخذ غير الشغل كخادمات في البيوت
وانت ذكرت امثله عليها

لكن القصد التخلص من بلاء السحر والشعوذه والاخلاق المترديه والخ

-------------

زي ما ذكرت المجتمع يبي له وقت على ما يتقبل .. وشكله الوقت اكثر مما توقعت

اشكرك اخواي/ اختاي على رأيكما الذي اعتز بتواجدهما في صفحتي
لكما كل الشكر والامتنان

--------------------------------------------------------------------------------------------------------



أملي الطب ... ما احلى تواجدك وما الطف ردك مع قلة كلماته

اسعدك الله وحقق املك :cuhteflo: :cuhteflo:

[ولدأبوه]

اناضد الموضوع

[•- ×][ خـطــوات][ × -•]

احترم رايك ولد ابوه

وانا اشكرك عليه وعلى الرد لو بكلمات قليله :g8::g8::g8:

شكرا مره اخرى

[صبا الورد]

ما اتوقع انو فيه ناس تدعوهم الحاجه الى ان المره تشتغل خادمه ببيت الناس
ومين اللي ترضى انها تشتغل خادمه
والحمد لله على النعمه اللي حنا فيها وبعدين ولو فرضنا انو فيه كيف المره راح تاخذ راحتها وهي تشتغل ببيت فيه رجال يعني الاسيويات ما عندهن مشكله بس السعوديات ما تقدر تاخذ راحتها يعني بحكم الغطى وما الى ذلك
طبعا ما ننكر انو الخادمه السعوديه اامن بس مستحيل تلقين

والله لا يحوجنا لاحد مهما كان كرامة المرء اغلى ماعنده والناس ماتترك احد بحاله

[•- ×][ خـطــوات][ × -•]

مشكوره على المرور والادلاء برأيك

[قلم بدون حبر]

الصراحه انا أهني اللي قدرت تقهر ظروفها ونظره الناس لها
واشتغلت خدامه

بس بصراحه انا ماعتقد ارضى تشتغل عندي سعوديه
السعوديه مو مثل الاسيويه ماتفهم
يعني في اشياء خاصه في البيوت أوراق معاملات الاسيويه ماراح تفهمها وان فهمتها بتنشرها لاهلها عادي
بس السعوديه تفهم تعرف دقائق البيوت واسرارها تخافين تنشرها

ثانيا: انتي ماتبينها فتره بسيطه الصباح بس يعني نحتاجها حتى في الليل

يعني أيد في الاماكن النسائيه العامه مدرسه- جامعه - عرس


الصراحه من ناحيه الفلوس اغلب السعودين اعتقد عادي

هذا رايي فقط

[ننووفف]

انا وجود خادمة عربية او اجنبية احس ماله اي داعي

لو افراد البيت الواحد يتساعدون وكل شخص يقوم بواجباته محتجنا للخادمات خصوصا الأجانب وانا مايد الفكرة لأن ياما سمعت بلاوي من تحت راسه حتى لو كانت طول الوقت تمثل الطيبة

[العشق]

انا ضدانو السعوديه تشتغل بالبيوت والله ماارضاها على بنات ديرتي :no2::bngo12:

وتخيلوا مستقبلها شلون بيصير يعني محد راح يوافق يتزوج وحده شغاله وناظروا بالمستقبل لبعيد مثلا لما تبي تزوج عيالها محد راح يوافق لانهاكااااانت شغاالة بيوت

الفقر مو عيب او الحااجه واذا محتااجه تفكر مشروع:mh19: وتسويه

ليه لا والله يعين :praying:


مشكوووره حبيبتي ع الموضووع النايص:066:

[•- ×][ خـطــوات][ × -•]

قلم بدون حبر

احييك على هالراي :):)

نورت صفحتي وان شاء الله موفق اين ما تذهب




ننوف

مشكوره اختي عالمرور وراي احترمه
وان شاء الله نشوفك اكثر في مواضيع مختلفه


العشق

والله ماارضاها على بنات ديرتي

وتخيلوا مستقبلها شلون بيصير يعني محد راح يوافق يتزوج وحده شغاله وناظروا بالمستقبل لبعيد مثلا لما تبي تزوج عيالها محد راح يوافق لانهاكااااانت شغاالة بيوت

عذرا اختي ..
بس مثل هالتفكير هو الي يخلينا نخاف نخالف اي عادة او تقليد متبع في المجتمع
ومثل هالصبغه الي صبغووها اهلنا في عقولنا هو الي عايقنا من اي تقدم
ويرفض اي جديد .. الا ان كان جديد غالي وحلو ووعلى طبقه الاغنياء يزيدهم ترف ما يجيب لنا حلول

اعذريني ان عارضتك لكن الحوار والتعارض مغزى المنتديات وضروري لتبادل الثقافه

اشكرك من كل قلبي على المرور اسعدتني بالنقاش معك