ماذا فعلت في يوم العيد ؟؟!!

[حياة الرووح]

عليكم السلام ورحمة الله وبركاته
وانت بخير وصحه وسلامه


والله انا صليت صلاة العيد بالمسجد وهذي اول مره من جيت السعوديه اصلي العيد رحنا انا وامي قبلها بوقت وكنا بالصف الاول ,, بس ما ادري ليش بكيت خصوصا لما بدأ الامام التكبيرات كان شعور غريب ,,
وبعدين ردينا كشخنا وبدت الزيارات شوي احنا رايحين وشوي ناس يجونا البيت
ماشاءالله عندنا في منطقتنا يحرصون على الوصل واهم مظاهر العيد عندنا زيارات الاقارب والجيران ويكون اجملها اللي من بعد صلاة العيد لحد صلاة الظهر


وبعد الظهر خروفين مسدوحين بالمطبخ وبدينا انا وامي والخدامه وهااات ياتقطيع وتنظيف وتوزيع


وبلشت الزيارات مره ثانيه الساعه 5 العصر وماصارت 7 ونص الا وانا في سابع نومه






المستفيد

ماشاءالله عليك انا واثقه ان احساسك مختلف عن كل سنه
استمر ولاتقطع هالعاده ,



my Dreams

ان شاءالله لك اجر الصف الاول واجر خروجك من البيت قبل الصلاة بوقت والاعمال بالنيات






][_ مروق _][

يعطيك العافيه موضوعك حلوو


وكل عام والجميع بخير

[][_ مروق _][]

المشاركة الأصلية كتبت بواسطة المستفيد

اخوي مروق أمسي عليك وعلى الجميع وكل عام وأنتم بخير ، أما أنا فكان برنامجي من بعد صلاة العيد تجمعنا في بيت خالي وكل واحد جاب اضحيته وبدينا بسم الله وكنت أول مرة أضحي هالسنة وفرحان بالأضحية وقلت ما ينحرها غيري ، وشمّرت عن ساعدي ( قلبنا نحوي ) المهم سميت بسم الله وهاتك يا نحر

والحمد لله أنهيت أول مهمة في الأضحية وكان كل شي تمام وكان في المقابل خالي الله يجزاه خير رفع أضحيته قبلي وأنا أراقبه من بعيد وكل حركة يسويها أسويها مثله

لين جا عند تقطيع الذبيحة توهقت وين أبدا معه؟

ما عرفت,

فعطيت الخال إبتسامة وقلت ممكن تعاوني ، قالي ما قصرت تسند بس وخل الباقي علي وجا يكمل الذبيحة ولقا كل شي معكوس!! والحمد لله انتهت الذبيحة على خير وكانت هاذي أول أضحية في حياتي كلها , وكان واحد جزاه الله خير هو اللي نصحني بالأضحية وقالي ليش ما تضحي قلت الأضاحي غالية على 1300 ريال وزود وقالي هالألف تصرفها بأشياء تافهة وإذا فكرت بالأضحية قمت ادور ألف سبب عشان ما تضحي ، بس الأضحية في كل شعرة فيها لك أجر عظيم ، وفعلاً فكرت في كلام الرجال ولقيته في محله 100% احنا نصرف فلوسنا اكثر الاْوقات على حاجات مالها داعي والاْضخية مرة في السنة نبخل عليها ، وقررت من العيد هذا إني أضحي ولله الحمد.

ايه والله جزاك الله خير الاضحيه فيها اجر عظيم الله يكتبلك ويكتبلنا الاجر ان شاء الله والسنه الجايه انت اللي بتقطع

المشاركة الأصلية كتبت بواسطة حفيده شاعر

كل سنه وانت طيب

العيد ماله طعم من دون خوالي واعمامي :cry111:فدتيهم الله يجمعنا عن قريب

الله يجمعك فيهم يارب عاجلاً غير آجل

المشاركة الأصلية كتبت بواسطة علاء الشهري

كل عام وانتم بخير
الحمد لله برنامج كان حلو اول يوم العيد وان شاء الله الايام الثانيه
طبعا قمنا لصلاة العيد وكلن يتجهز حتى الخروف دخل البيت معنا مدري يمكن تحمس يوم شافنا متحسين ونلبس قال معهم
عموما صليت العيد وسلمت على العائله الكريمه والجيران وووو الخ ....
كل ما شفت واحد في الشارع قلت له كل عام وانت بخير
بعدها اخذنا الضحية ورحنا حوش بيتنا وياسلام على الشغل النضيف الحمد لله نص ساعه مخلصين كل شي
وجلسنا ننتظر الفطور من الساعه تسع ونص ما نزل الفطور الا الساعه 11 ونص
يعني تغدينا فطور
وبعدين نوم الين العصر وبعد العصر على البر احلى جو كان
وتحياتي للجميع وكل عام وانتم بخير

احس الجو عندكم فله كان علمتني ياخي اجيب اضحيتي واطلع معكم

[][_ مروق _][]

[QUOTE=حياة الرووح;1991408]عليكم السلام ورحمة الله وبركاته
وانت بخير وصحه وسلامه


والله انا صليت صلاة العيد بالمسجد وهذي اول مره من جيت السعوديه اصلي العيد رحنا انا وامي قبلها بوقت وكنا بالصف الاول ,, بس ما ادري ليش بكيت خصوصا لما بدأ الامام التكبيرات كان شعور غريب ,,
وبعدين ردينا كشخنا وبدت الزيارات شوي احنا رايحين وشوي ناس يجونا البيت
ماشاءالله عندنا في منطقتنا يحرصون على الوصل واهم مظاهر العيد عندنا زيارات الاقارب والجيران ويكون اجملها اللي من بعد صلاة العيد لحد صلاة الظهر


وبعد الظهر خروفين مسدوحين بالمطبخ وبدينا انا وامي والخدامه وهااات ياتقطيع وتنظيف وتوزيع


وبلشت الزيارات مره ثانيه الساعه 5 العصر وماصارت 7 ونص الا وانا في سابع نومه

اكيد بيكون شعور غريب وجدي وروحاني لانك أول مره تصلين مع جماعة المسلمين العيد احرصي عليها كل سنه وعقبال ان شاء الله السنه الجايه تذبحين هههههههه بس الغريب في كلامك خلصتي الساعة 7 والله بدري هههههههههه انتبهي تقولين هالكلام مره ثانيه بعدين تنسدحين بصكه عين الله يكفينا وياك الشر يارب

][_ مروق _][

يعطيك العافيه موضوعك حلوو

يحلي ايامك ومشكوره على مرورك الجميل

[حفيدة شاعر]

الله يجمعك فيهم يارب عاجلاً غير آجل

اثلجني دعاك اسال الله ان لايحرمك الجنه

[حياة الرووح]

المشاركة الأصلية كتبت بواسطة ][_ مروق _][

اكيد بيكون شعور غريب وجدي وروحاني لانك أول مره تصلين مع جماعة المسلمين العيد احرصي عليها كل سنه وعقبال ان شاء الله السنه الجايه تذبحين هههههههه بس الغريب في كلامك خلصتي الساعة 7 والله بدري هههههههههه انتبهي تقولين هالكلام مره ثانيه بعدين تنسدحين بصكه عين الله يكفينا وياك الشر يارب

يحلي ايامك ومشكوره على مرورك الجميل

كأني اشم ريحة طنازه

انا ما قلت جذي اقولك من الساعه 2 ونص لحد الساعه 5 خلصنا خروفين يعني بس ساعتين ونص ,, سوينا كل شي تنظيف وتقطيع وتوزيع >>تحطمت

ومن الساعه خمس بشلت الزيارات مره ثانيه لحد اخر الليل بس انا خنست بطاريتي ونمت الساعه 7 ونص وسحبت على باقي العيد





اما اليوم توني جايه كنت معزومه على غدا ,, طول الوقت اسولف عن الجامعه وعنكم كلكم اسمحولي ترا ماخليت احد منكم ماجبت سيرته طبعاً بالخير

كل الحضور تحمسوا يبون يدرسون حتى العجز تفاعلوا مع الموضوع >> وين ماتروح تسوي اعلانات عن الجامعه

[RoshoF]

أنآ طقتني الصخنه ليلة العيد ونسوآ يقعدوني لـ الصلاة مع المسلمين
مير أقوم السآعه 9 الصبخ عيوني منفخه وخشمي قدآمي مترين من الزكآم
ولاحست بـ أول يوم عيد لحد جآنآ ولا رحنآ عند أحد علشآن أبوي مدآوم

بس الله يجزآهآ خير مرة أخوي سوت جو ووزعت علينآ حلااااو

بس اليوم شي ثآني /
طلعنآ وعآيدنـآ خوآلي وعمآمي وطبخنآ معهم الذبآيح

وإن شآء الله بكرى ثآلث العيد بيكون عيدنآآ
يــآلبى كرف العيد بس << إيه هين

[RoshoF]

يــآآربيه وش ذآ الصور !
ليه تذبحون هالخروفه ,, وعيين إنتم << يحزن شكلهآ

<< تذكرت يوم غصبني أبوي أسآعده في ذبح الضب اللي كآن مصآدقني شهرين <

[ابوالجوهره]

عليكم السلام ورحمة الله وبركاته

وكل عام وانت بخير اخوي مروق وصحه وسلام وجميع اعضاء المنتدى بالف خير

انا طبعا مثل العادة طلعتب بعد صلاة العيد لبيت خالي علشان اذبح اضحيتي المسكينه الي تنتظرني على احر من الجمر ويوم وصلت لقيت الشباب عيال خالي مجتمعين وجايبين معهم اثنين عمال على كيفك المهم انا طبعا شارط عليهم اني انا الي انحر ضحيتي وياليتهم حلفوا علي اني ما المسها كانت الارضية كلها دم من الاضاحي الثانية وجلست انحرها وانا ماسكها خطاء واطيح لك ذيك الطيحه والخروف يرافس تحتي زي الي يقولي افعلها وخلصني يوم شفت الدعوه كذا وانا الي انحر فيه اوانا جالس الين جاء خالي الله يجزاهـ خير وخذ السكين وقال قم قم وانا خالك ولعد تتعودها وكمل الباقي الله يتقبل منا ومنكم صالح الاعمال اللهم امين

[عطرالوفاء]

فرحه فرحه يافرحنا الليله بالعيد <<تغني بكل وناسه هي وخشتها
اول شي السلام عليكم ثاني شي كل سنه وانتم بالف خير وصحه وسلامه
اما بالنسبه لي صحيت على الساعه 6 الا ربع الا واشوف البيت في سبات عميق
لاحس ولاخبر
وهاتك مثل المجنونه اركض بالبيت واصحي امي وابوي اقول لهم يلا العيد اتصل يقول جا وانتم نايمين <<مسويه فيلم الاخت
المهم
راح ابوي فديته قلبه يصلي هو واخواني وانا وامي فديتها في المطبخ
نسوي تحضيرات الجريمه ههههه
وجا ابوي واخواني وعايدنا عليهم وراحوا يذبحون المساكين <<حزينه عليهم
طبعا كانوا 3 لابوي ولاخوي وجدتي فديتهم
وطبعا كرف بالمطبخ وازعاج وقلق ولحم رايحه ولحم جاي
وصلحت لنا امي هذاك الحنيذ الي يدوخ
وبعدين راحوا أهلي عند جدي واعمامي طبعا بديرتنا <<عشان تعرفون معاناتي
وانا جلست مع جدتي <<مسويه البودي قارد حقها ههههههههه
وخلاص خلص الفيلم

[مهّيه]

في البدايه كان الجو هادى لان الحمدلله ماذبحنا
في البيت بعدين جاب عمي الذبيحه لان بابا في
الحج وجات الريحه مع اني ماسويت شئ كانت
مهمتي الاكل وبعدها النوووووم لين المغرب بس
على فكره مافوت الصلاه وبعدين احتفلنا بيوم ميلاد
عمي وبعدها كملنا السهره في البيت