المحاضرة المباشرة انشاء و تعبير؟؟؟ شو السالفة

[بدويه]

الاختبار اختيار من متعدد لكل المواد
هذا مو كلامي كلام الدكتور عبدالله النجار..

يعني مافيه أي مادة مقالي، لأن التصحيح الكتروني
بعدين هالمادة زي الكتابة المستوى الأول اللي أخذناها في الفصل الماضي المستوى الثاني وكانت اختيار من متعدد ومشت الأمور
ليش نعقد انفسنا بأنفسنا، أبسط الأمور يحط لك قطعة ويبني عليها أسئلة، تحويل صيغ الماضي وغيرها من الأفعال بناء على قطعة ، ممكن يكون فيه فراغات ونختار المناسب من الاجابات المتعددة يعني المادة تذاكر على كل الأسس. ولا نستعجل الأمور في الحكم,
راح يتضح لنا كل شئ مع الأيام مابعد أخذنا غير كم محاضرة ...

وعقبال مانقول :o2: للجميع ونخلص الاختبارات

<<< مستعجلة

[ملاك الروووح]

الزبدة عطونا وش صار في المحاضرة المباشرة

اللي انا عمري ما دخلت هالمحاضرات المباشرة .. كل تعذر تعذر

عطونا النقاط المهمة اللي تطرق لها

[رورو البطه]

و لا انا ..
يعني المفيد ان الكتاب مهم وبس ..؟
انا ماشريته

[ابوشاهين]

المشاركة الأصلية كتبت بواسطة ملاك الروووح

الزبدة عطونا وش صار في المحاضرة المباشرة

اللي انا عمري ما دخلت هالمحاضرات المباشرة .. كل تعذر تعذر

عطونا النقاط المهمة اللي تطرق لها

*أغلب أسالت الطلاب كانت بخصوص الكتاب مهم أو غير مهم؟

جواب الدكتور كان: نعم الكتاب مهم بالمهم جدا سواء للمذاكره أو إبقائه كمرجع لك بالمستقبل

*الأسأله في الإختبار النهائي إختيار متعدد .

والباقي دردشه عامه عن التخصص بشكل عام

الحمد لله طلع كلامي صحيح ان تخصصنا لغه...................... لاهو ترجمه ولا ادب زي مافاهمين.

اتمنى اني أفدتك

[ام ريماس]

فيه نقطه مهمه ذكروها الدكاتره - اقصد الانشاء والتراكيب وانا اشوفها اهم شي في المحاضرات المباشره
اللي هي كيف تقوي لغتك وتدعمها
بالممارسه وانك على قوله المحبوب تقط وجهك على اي شخص اجنبي وتقعد تسولف معه علشان تستفيد من كلامك معه وانك تقرا كثير سواء جرايد او كتب او اي شي بالانجليزي تطيح عينك عليه تسمع الاخبار اللي بالانجليش وفيه مليون قناه يعرضون اخبار بالانجليزي عندك الافلام البرامج تتمرن وتتمرن وتخلي كل شي حولك تقريبا يتكلم انجليزي
وبس
بالتوفيق