( الملخصات )

[ندى خالد]

وهنا شرح أختي صموته الدلوعه اخذناه يارب ما يضايقها

المشاركة الأصلية كتبت بواسطة صموته الدلوعه

مرحبااااااااااااا


شرحي في مادة الرياضيات مع اختكم صموته الدلووعه

نبدااا بسم الله :( مبادى الرياضيات(1)
.....................................

العمليات الجبريه :
الاعداد تنقسم الى قسمين وهماا :

1* اعداد صحيحه ومنهااا
- طبيعيه مثل >> 1.2.3.4.5.6
- الصفر
- الاعداد الصحيحه السالبه مثل>> -1.-2.-3.-4....الخ

2* الاعداد الغير الصحيحه
- قيااسه >> مثل الاعداد الكسريه
- غير قياسه >> مثل الاعداد الجذريه
.................................................. ..........................

القيمه المطلقه :

القمه المطلقه << القميه المطلقه يكون النااتج حقهاا دايم مووجب
نشوف مع بعض الامثله
/ -5/ = 5
الشرح ( اذا كان القمه المطلقه سالبه العدد نزل العدد من غير الاشاره ليه لان القمه المطلقه دائماا موجبه )
مثال اخر
/س-ص/= س-ص
الشرح ( نزلناا الي بين القيمه المطلقه نفس مااهي يعني المهم بالقيمه المطلقه انواا تنزلون الي بنفس القيمه من غير الاشاره لازم تكوون مووجبه )

.................................................. .....................................
· جمع المقاادير
( من المعرووف في حياتناا ان الجمع يكون بالاشاره + ( زاد )

مثال :

5+9= 14
و
7+23= 30
( اعتقد الكل يعرف يجمع عاادي ماايحتاج شرح )


مثال اخر

6س+ 5س = 11 س

الشرح : ( نجمع العددين ونزل السين وطبعاا ماانجمع السينات )

4ص+3ص= 7ص
الشرح : ( نجمع العددين ونزل الصاد وطبعاا مانجمع الصادات )

مثال اخر من الجمع
3أ+8ب+9أ+2ب=
12أ+ 10ب
الشرح :( نجمع الاشياء المتشابهاا يعني 3أ+9أ= 12أ نزلنهاا وبعدين نروح لي الباء ناخذ 8ب+2ب= 10ب الزبده اننا ناخذ الاشياء المتشابهاا ونجمعهاا وطبعا الحروف ماتنجمع تنزل نفس مااهي )

مثال اخر في الجمع :
7س+5ص+9س ص و 8س+2ص
نرتبهاا كالاتي :
7س +5ص+9 س ص
8س +2ص
...........................
15س +7ص +9س ص
الشرح ( المثال مكتووب وبينهم الحرف واو وطبعاا ناخذ الي قبل الواو ونكتبه والي بعد الواو نطتبه تحت الي قبل الواو ولكن بترتيب يعني السينات تحت السينات والصادات تحت الصاادات ونجمع عاادي ولكن الاحرف السينات والصادات مااتنجمع )
مثال اخر ايضا بالجمع :
اووجدي او اوجد حااصل جمع المقادير الاتيه
12ع+5ل و 17ل- 5م
12ع +5ل
17ل-5م
......................
12ع +22ل -5م

الشرح :( نفس المثال الي فوق يعني الحين نزلناا الي قبل حرف الواو ونكتبه ونلاحظ ان في حرفين الي هما العين ولام ننزلهم مع الاعداد ونزل بعدين الي بعد حرف الواو تحتها بس الي بعد حرف الواو مااعندنا عين عندنا لام وميم نترك الي تحت حرف العين فااضي ونحط الام تحت الام والميم نحطهاا ع جنب عشان ماافي حرف الميم قبل الحرف الواو الزبده من هااذا الكلام ان نرتب الاحرف تحت بعض ونجمع الاعداد عاادي )

· طرح المقاادير
طرح يعني سحب او صرف الشيء
مثال :
200- 150 = 50
طبعاا مايحتاج شرح الكل يعرف يطرح الاعداد



مثال اخر
7ص-12ص= -5ص
الشرح ( طبعاا هيناا بالطرح نااخذ الاشاره الاكبر ونطرح كيف يعني ؟؟ يعني الحين عندناا العدد 7 مووحبه والعدد 12 سالبه ايش العدد الاكبر اكيد 12 واشارة العدد 12 سالب فنااخذ السالب ونزله وبعدين نااخذ 12 -7 =5 اذن الحل يطلع –5 ( سالب خمسه )

مثال اخر
2س+7ص و -2س-6ص و8س-3ص
2س+7ص
-2س -6ص
+8س-3ص
...................
8س-2ص
الشرح :( الحين السؤال عندناا فيه سينات وصادات اوكي نااخذ السينات والصاادات ونحطها تحت بعض وطبعاا لازم تركزون على الاشارات ونزلهااا
ونطرح عاادي الحين لوو نشوف خانت السينات لوونطرحهاا يطلع الناتج 8س ليه طلعت 8س لان 2س و -2س يروحون مع بعض يعني تحتفي بسب الاشاره تبقى عندنا 8س ماانقدر نطرحها من شيء فنزلهاا ولو نجي لخانت الصادات نطرح الاعداد مع بعض ويطلع الناتج -2ص)




مثال اخر بالطرح
( 4س+2ص ) – (2س+5ص)
= 4س+2ص- 2س -5ص
= 2س-3ص
الشرح ( لو تلاحظون ان القوس الاول نزلناه نفس ماهو والقوس الثاني نزلناه نفس مااهو بس مع تغير الاشارات ليه غيرنا الاشارات عشاان القوس الثاني قبله اشارة سالب واذا كان قبله اشارة سالب نغير الاشارات القووس الثاني كما مووضح فووق في المثال بعدين كيف حلينااهاا اخذنا السينات مع بعض وطرحنااها والصادات وطرحناهاا ونكتب الناتج وننتبه للاشارات كما في الحل بالمثال )
مثال اخر في الطرح
(7س+2ص )من 6س+5ص=
6س+5ص- (7س+2ص)
6س+5ص-7س-2ص
= - س+3ص
الشرح ( الحين عندناا اعداد ولو تلاحظون بين الاعداد كلمة من نااخذ العدد الي بعد كلمة من ونزلهاا ونحط اشارة ناقص ونزل الي قبل المن وتلاحظون انها بين اقواس واحنا قلنا لو في اشارة ناقص قبل الاقوس نغير الاشاره الي بالقوس نفس المثال الي قبل ادري حووسه بس لوو تركزون بيصير سهل واطرحوا عادي بس انتبهوا للاشارات لوو لخبطتوا بالاشارات كل شيء بيطلع غلط )




· قيمة المقدار ( عملية التعويض)

مثال
س=2 و ص=5
اوجد قيمة 2س+ص
2(2)+(5)
4+5=9

الشرح :( الحين عندناا قيمتين س وص نااخذ العدد 2 ونحطه مكان س وناخذ العدد 5 ونحطه مكان ص ولكن عندنا هيناا المعادله 2س+ص في قبل س رقم 2 نضرب العدد بقيمة العدد س يعني 2*2=4 و 4+5 = 9
ان شاء الله اكون وضحته لكم )


مثال اخر
س= 2 و ص= 3 ع= 5
3س -7ص+9ع
3(2)- 7(3)+9(5)
6-21+45
51-21=30
الشرح (نااخذ كل قميه ونعوضها بالعدد الي قبالهاا ونرتبهم وونحلها عادي نفس المثال الي فووق بس هينا اكثر من قيمه )



وان شاء الله بكمل لكم جمع المقاادير وكيفية استخدام الاشارات فيهااا ........

كل الي عليكم تنسخوون وتلصقونه بالورد وتطبعونه لكم

دمتم بكل ود واحترام
اختكم صموته الدلوعه

[ندى خالد]

الحمدلله 6 مؤيدين حلوين ولو كنت ابيهم 10

من الحين ان شالله مافي ردود ابداا البته

بس ملخصات او اسئله

ولو اهتمينا بالموضوه صدقوني بيكون مفيد وبيكون مرجع لنا ليه

انا أعلمكم لانا مافي شي مفيد بعدين تعليقات ثانيه تشتتنا ولو كانت كلمة شكر ولا او جزاك الله خير

لو احد عنده سؤال يطرحه هنا وان شالله يحصل الأجابه من بينا وكلنا بنقرا السؤال والاجابه

وبكذا استفدنا

بس عاد :nono: مو قلنا مافي ردود يعني مافي مشاركات
ابي الكل يحط تلاخيص او اسئله واشيا مفيده

وان شالله كل فتره انا انسخ كل الي كتبتوهم وافرزهم حسب الماده كل ماده بملف الحاله
ونزلهم يصير اسهل بعد

ولله يوفقنا كلنا ان شالله وينجحنا وعقب يوظفنا

بس هااا مثل ما قلت نبي التفاعل

[نايف ابوفارس]

فكره اكثر من رائعة
وحلوه جدا أتمنى التوفيق

[ابو ثامر]

يعطيك العافيه

[مالي حيله]

طيب ثبتوا الموضوع الفكرة حلوة الله يعطيكم العافية

[ندى خالد]

حلو أنـا الفكره أعجبتكم بس بلييز مانبي ردود بس ملخصات

وأسئله مانبي تزيد عدد الفحات

[زيزو إبراهيم]

بصراحه مشكوووره واتمنى اكمال التلخيصات

[شاعر قديم]

سبحآن الله وبحمدهـ
,
سبحآن الله العظيـم

[غلا عبدالله]

يعطيكم الف عافيه ع التلخيصات

و الفكره حلوه وربي يوفقكم دووم

[AhMeD222784]