[ جامعة فيصل ] : إعلان نتائج الدفعة الثالثة والاخيرة للطلبة المقبولين بالجامعة

[عبير~]

الحمدالله تم قبولي ' الف مبروك للمقبولين
بس حابه اعرف وش الاوراق اللي اطبعهم ؟!

[أم العنود]

راح تكون فيه دفعه رابعه باذن الله بس ممكن م تعلن يعني لسد الشواغر ممكن تعلن بالموقع وممكن لا

يعني اللي بينقبلون بتجيهم رساله او اتصال


والشواغر لبنات منطقة الاحساء فقط كما ذكر العميد

[حزينة جدا]

المشاركة الأصلية كتبت بواسطة عبير~

الحمدالله تم قبولي ' الف مبروك للمقبولين
بس حابه اعرف وش الاوراق اللي اطبعهم ؟!

الحمد لله ,,, مبروك القبول


الوثائق المطلوب تسليمها لمكتب البريد الممتاز: -

‌‌1-أصل شهادة الثانوية العامة.
2-صورة من بطاقة الأحوال المدنية للطلاب/الطالبات أو صورة بطاقة العائلة للطالبات اللاتي لا يملكن بطاقة الأحوال المدنية.
3-نسخة من نموذج ارسال البريد الممتاز (يطبع من خلال صفحة حساب الطالب/الطالبة عبر بوابة القبول الالكتروني).
4-لغير السعوديين (من أم سعودية) على الطالب/الطالبة إرسال صورة من بطاقة الأحوال المدنية للام وصورة من الإقامة للطالب/الطالبة.
5-نموذج تعهد الجامعة (يطبع من خلال صفحة حساب الطالب/الطالبة عبر بوابة القبول الالكتروني).
6-نموذج تعهد القبول (يطبع من خلال صفحة حساب الطالب/الطالبة عبر بوابة القبول الالكتروني).

[أم العنود]

عبير مبررروك

م قصرت اختنا حزينه جدا ربي يجزاها الجنننه

[عبير~]

حزينه جداً ' الله يبارك فيك ' ومشكوره
ام العنود ' الله يبارك فيك :)

[meaad..]

المشاركة الأصلية كتبت بواسطة حزينة جدا

خلاص قولي الحمد لله و اذا الله كتب لك ان شاء الله بتنقبلين فيها


{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}


مافيه دفعة رابعة بس (((يمكن))) يكون عندهم شواغر بس بيكون للي نسبهم قريبة يعني بس فواصل بينهم وبين اخر نسب مُعلنه

الحمدالله على كل حال بسس انا مو متقبله ب اللي نقبلت فيه ولا راح اتقبله
يارب يكون في امل لو بسيط وانقبل
طيب اذا سجلت السنة الجاية لازم اعيد اختبار قدرات والتحصيلي وفي تسجيل الفصل الثاني ولا لا؟
او ادرس تحضيري واحول لادارة مسار عربي و ايش هي شروط التحويل والمعدل للادارة بحثت مافهمت عليهم ي ليت تفيدوني لاني ضايعة ومغبونة

[حزينة جدا]

المشاركة الأصلية كتبت بواسطة meaad..

الحمدالله على كل حال بسس انا مو متقبله ب اللي نقبلت فيه ولا راح اتقبله
يارب يكون في امل لو بسيط وانقبل
طيب اذا سجلت السنة الجاية لازم اعيد اختبار قدرات والتحصيلي وفي تسجيل الفصل الثاني ولا لا؟
او ادرس تحضيري واحول لادارة مسار عربي و ايش هي شروط التحويل والمعدل للادارة بحثت مافهمت عليهم ي ليت تفيدوني لاني ضايعة ومغبونة :cry111:

ان شاء الله يرقونك لها ,,, و اذا عندك احد من اهلك طويل بال يروح الجامعة يكلمهم اكثر من مره وان شاء الله خير

لا مافية تسجيل للفصل الثاني ,,,

اذا ودك تسجلين السنة الجاية طبعا مو لازم تعيدين القدرات والتحصيلي
لكن اذا تبين تنقبلين في الكلية الي انتي تبينها اختبري قدرات وتحصيلي شدي حيلك وجيبي درجات حلوة وان شاء الله اذا سجلتي تنقبلين

بس والله انا ما ودي تنسحبين هالسنة ماتدرين السنة الجاية وش الشروط ووش الكليات الي بتكون موجودة
والخوف لو جبتي مثلا درجات قدرات وتحصيلي نفس درجاتك الحين او اقل ممكن السنة الجاية ماتنقبلين وممكن تنقبلين في نفس الكلية الي انقبلتي فيه الحين وبكذا ضيعتي سنة عليك ,,

واذا تبين الصراحة التحويل لكليات مثل ادارة الاعمال مو مضمون صحيح يكتبون لك بموقع الجامعة شروط التحويل ,,ممكن تجيبين معدل حلو وكافة هالشروط تنطبق عليك بس لما تروحين لهم عشان تحولين بيقولون لك لا او انتظري أو مكتفين بالبنات الي عندنا وبتضيع سنينك وانتي بس تنتظرين هالتحويل ,,,
لو أنك بتحولين لكلية العلوم مثلا او الآداب بيكون التحويل اسهل نوعا ما

ربي يوفقك

[AS*]

بنات انا انقبلت ولا حطيت تثبيت رغبه لأني ابي اترقى لرغبتي
ابي اعرف متى ارسل الأوراق للبريد ومتى احط تثبيت

[حزينة جدا]

المشاركة الأصلية كتبت بواسطة as*

بنات انا انقبلت ولا حطيت تثبيت رغبه لأني ابي اترقى لرغبتي
ابي اعرف متى ارسل الأوراق للبريد ومتى احط تثبيت

اذا أكدتي تسجيلك الكترونيا ,,, تسليم الأوراق يبتدي من( اليوم) 19-9-1436 ( مكتوب بورقة البريد الممتاز الي تطبعينها من الموقع تاريخ نهاية تسليم الأوراق )
اذا ترقيتي في الأيام الجاية للرغبة الي تبينها اضغطي على تثبيت الرغبة

طبعا اذا كانت رغبتك الي تبينها هي الرغبة الأولى مايحتاج تثبتينها اذا ترقيتي لها .

بالتوفيق

[لطوفة عبدالرحمن]

طيب الله يعافيكم اختي انقبلت بالتربيه متى يسوون رقم سري لهم عشان الجداول ؟ في تاريخ معين ولا قبل الدراسه بكم يوم ؟