اقتراح درجات الرأفة

[لحن1]

اللي يقول ان الدكتور عبدالله يقول مافيه احد يجيب 59 الكمبيوتر يدفها ل60
مهوب بكيفه لنه لو تحسبها صح مافيه احد يحيب درجه صافيه مثل 59 او 39 لازم معها ربع فيجبر ويصير الدرجه اللي بعدها مهوب طيب لامن الدكتور ولا من الكمبيوتر ... ثاني شي اكثر نسبه رسوب في الجامعات الانتساب هي فيصل بس الشكوى لله

[خوان دي ماركو]

مسمى الدرجة رهيب هههههه ايش موقفك وانت ناجح بالرأفة

[Hadi M]

إقتراح رائع وبالفعل يستحق التفعيل ، عله يصل إلى مسامع متخذي القرارات ليقروه ،،،


بالتوفيق للجميع ،،،

[chicago]

تحمل ماده او مادتين وبالنهايه تنجح وتعديهم

اما يصير بنظام الجامعه اعطاء درجات رأفه ومدري ايش

بكرا الكل ينضر اللي احتاج الدرجه واللي ما احتاجها

لانه اصلا الاغلب ينظر لشهادتنا انها اقل من الانتظام

فمابالكم لو يفعل هالشي بيكون تأكيد بأنه مخرجات التعليم عن بعد ضعيفه

بالنهايه هذا رأيي اعرضه ولا افرضه

بالتوفيق

[البارقة]

تم التصويت
طبعا مع

[روحي بنتي]

المفروض كل الطلبة على حساب الفريدان طلبات باتويتر اما تصويتنا ذا يا سادة ماله اي قيمة تمنياتي للجميع الطلبة والطالبات بتوفيق والنجاح والغنى عن ذي الدرجات.

[ابو تالاا]

لا اؤيد والمفترض النجاح من ٨٠ درجه

[rasila]

درجة الرافه تنعطى للماده الي الرسوب فيها كثير مره
لكن ماده اغلبيه ناجحين فيها وباامتياز وواحد او اثنين راسبين لانهم مااذاكروا كيف يعطونه اياها وعني اتمنى تكون درجة الرافه للمواد الصعبه مره مثلنا بمستوى ثاني الاحصاء امرضنا والله لان اغلبنا بالاصل درس ادبي فكان صعب علينا مرهالله يستر منه بس وكمان الانجليزي قراءه يحتاج درجة رافه كثير طلاب وطالبات تورطوا فيه وهم تخصصات ثانيه الي تخصصه عربي والي دراسات وغيرهم حزنوني يوم الامتحان شوي ويبكون لانهم مااعرفوا يحلون
الله لايحوجنا لدرجاتهم ويارب الكل ينجح بااعلى الدرجات

[خ ـالد]

المشاركة الأصلية كتبت بواسطة rasila

درجة الرافه تنعطى للماده الي الرسوب فيها كثير مره
لكن ماده اغلبيه ناجحين فيها وباامتياز وواحد او اثنين راسبين لانهم مااذاكروا كيف يعطونه اياها:looking_anim: وعني اتمنى تكون درجة الرافه للمواد الصعبه مره مثلنا بمستوى ثاني الاحصاء امرضنا والله لان اغلبنا بالاصل درس ادبي فكان صعب علينا مرهالله يستر منه بس وكمان الانجليزي قراءه يحتاج درجة رافه كثير طلاب وطالبات تورطوا فيه وهم تخصصات ثانيه الي تخصصه عربي والي دراسات وغيرهم حزنوني يوم الامتحان شوي ويبكون لانهم مااعرفوا يحلون
الله لايحوجنا لدرجاتهم ويارب الكل ينجح بااعلى الدرجات

مصداقا لكلامك
آخر إختبار مادة "النظام الإجتماعي في الإسلام"

راعين بربره وأدمغتهم فارغه
شتتوا تفكيرنا أثنين علم إجتماع والمادة أساسية لديهم
يقردن المراقب يعلمه بالجواب,,

مسلمين والمادة إسلامية وسهله وأي واحد أجيبه من الشارع بيجب فيها درجة النجاح على الأقل.
ومع هذا أنواع التحلطم والتشكي والدكتور يلف ويدور!! لا حول ولا قوة إلا بالله.
هؤلاء شكلهم من الي ما فيه مخهم غير المباريات والألعاب والخراب فقط
الثقافة لديه صفررررررر قد رأسه.

مركز شرق الرياض - المونسية القاعة 7
إعرف نفسك وفك زملائك من كثر الكلام والبربره, شهادة بتاكل منها عيش وتوكل عيالك طول عمرك وحتى بعد إنقضاء عمرك بيروح راتبها التقاعدي للورثه. وتبي تغش فيها.

[دوسريه كفو]

أولا الـ 61 اللي صوتوا ضد تراهم نفسيات ونذلين
و ترى انا مع
ثاني شي الجامعه تبي فلوس تعرفون كيف يعني فلوس ؟؟ يعني ودهم ماتنجح عشان ترجع تسدد رسوم
اذا التظلم اللي حاطينه منظر مافكروا فيه

كيف عاد تقولون لهم نظام رأفه ، معاد الا هي