[ مذاكرة جماعية ] : ( تجمع مشروع التخرج تحت إشراف الدكتور : عادل رحومة )

[نوت السبيعي]

^

ههههههههههههه تم القبول يارب :)

[salman1]

لاتستعجلون اغلب النقاط راح يوضحها في المحاضره المباشره الاولى

اهم شي جتكم الموافقه اشتغلوا على المشروع واذا النقاط الي تبونها مابينها

ارجعوا وأرسلوا له مره ثانيه عن الاستفسارات الي تبونها قد خف عليه ضغط الرسائل

مادري وش جاني تحمست معكم كل موضوع عن المشروع انط فيه

[عواطف99]

انا والله ارسلت له موضوع والرد وقال مناسب لك .با التوفيق، بعدين رجعت وكتبة الموضوع مع عدت موضيع وكان الموضوع الي قال عنه مناسب لك وبالتوفيق وكان هو الرقم الثاني افتر مخي قال الموضوع الاول :جيد الحين ما ادري وش الحل ارسلت الحين على الحديد وننتظر الرد !!!

[حلمي آتنفسكـ]

سلمان ماشاء الله عليك يدل على وفائك لو انا مكانك اغمض مادخل

>>شرايك مع هالحماس تزين لي المشروع

[بنت حصه]

السلام عليكم ممكن اعرف كيف ارسلتو بأختياركم لعنوان المشروع
اقدر اعطيه اكثر من موضوع ويختار لي ههههههههه احس ودي اسوي كل شي على كيفي بس ماش !
احس اني ضايعه جداً الله يهونها

[مشمش الرس]

انا ارسلت له موضوع واحد ورد علي موضوع معقول يحتاج تجديد
ضاق صدري ودريت انه ماجاز له الموضوع كتبت له عشر مواضيع قلت اختار افضلهن
ومارد علي للحين

[salman1]

المشاركة الأصلية كتبت بواسطة حلمي آتنفسكـ

سلمان ماشاء الله عليك يدل على وفائك لو انا مكانك اغمض مادخل

>>شرايك مع هالحماس تزين لي المشروع

تستاهلون كل خير لو انا مكانكم اكيد بضيع ولا راح افهم شي

خلاص بنسوي صفقه كم تدفعين

بالتوفيق

[عبقور]

يابنات وش فيكم ليش كل هذا التوتر والزحمة اللي رد عليها الدكتور بالايميل الاول خلاص تتوكل ع الله وتبدأ
مستحيل الدكاتره يعطونا ايميل خطأ وغير كذا انه رد من الجديد وقال ان الايميلات له كلهم
واللي يعطيها الموافقه على طول تبدأ لاتروح ترسله مره ثانيه طيب وش رايك بهذا
اذا انتي مقتنعه بالموضوع وعارفه انك راح تبدعين فيه تووكلي ع الله
انا موضوعي عن الاسراف يعني مره قديم بس ابغى اجدد فيه مع الاستهلاك الزايد اللي يحصل
وكتبتله نبذه عن ايش بسوي ورد علي (مناسب جداً وفقك الله)
يعني خلوا الموضوع حقكم محصور على منطقه ولافئه معينه لاتكتبون مثلاً دراسة اجتماعية ميدانيه لحالة الرسوب لااااااااااا اكتبوا ( دراسة اجتماعية ميدانية لظاهرة الرسوب في مدينة أبها)
أو (دراسة اجتماعية ميدانية لظاهرة الرسوب في مواد العربي لطلاب جامعة أم القرى)
احصروا الموضوع قد ماتقدرون وحطوا تساؤلات وفرضيات ولااي شيء له عشان يحس انكم فاهمين وش تسوون
مثلاً:
هل سبب الرسوب في مثل هذه المادة امر طبيعي
هل صعوبة المادة وهمية توارثته أجيالنا
هل تقصير الاباء والمعلمين في التوجيه لطريقة الاجتياز مقنع


يعني تفلسفوواانا والله للحين ماسويت شيء وعارفه انه موسهل ابداً وأحلم بالمشروع من كثر ماافكر واتحلطم منه بس متوكله ع الله وبجتهد وعارفه ان الله مايضيع تعب احد
ابدوووا واذا حسيتوا بشيء مبهم ع طول نطوا هنا ف الملتقى واسألووا اسألووا الكل حيجاوبكم من اللي اجتازوا الماده وبيقدم لكم المساعدة.. اطلعوا ع المشاريع القديمة شوفوا كيف وسووا زيها نفس الخطوات
أبدوووا وبتحسون بالمتعه ..




أدري طولت وهذرت كثير بس والله اني تضايقت عشانكم

[عبقور]

المشاركة الأصلية كتبت بواسطة بنت حصه

السلام عليكم ممكن اعرف كيف ارسلتو بأختياركم لعنوان المشروع
اقدر اعطيه اكثر من موضوع ويختار لي ههههههههه احس ودي اسوي كل شي على كيفي بس ماش !
احس اني ضايعه جداً الله يهونها

انا كتبت السلام عليك دكتور اتمنى ان تطَلع على موضوعي وتعطيني رايك وكتبت اسمي ورقمي الجامعي وموضوعي ونبذه عنهبعدين كتبتله ملاحظه متمنيه ان يكون ردك في العاجل لتأخر الوقت وانا ابحث عن ايميلك لان الجامعة لم تضعه لنا .. ورد بعد ساعتين او ثلاث

المشاركة الأصلية كتبت بواسطة مشمش الرس

انا ارسلت له موضوع واحد ورد علي موضوع معقول يحتاج تجديد
ضاق صدري ودريت انه ماجاز له الموضوع كتبت له عشر مواضيع قلت اختار افضلهن
ومارد علي للحين

يمكن يقصد يحتاج احد يكتب فيه ويكتب المستجدات اللي حصلت فيه مو شرط ماجازله
ليتهم يختصرون ويحطون رقمه بالتوفيق

[عبقور]

المشاركة الأصلية كتبت بواسطة ميشونوس

rahoumaadel@yahoo.comهذا الايميل الصحيح
حسب رد الدكتور علي بعد ان سالته عنه

سألتيه على اي ايميل