الصيفي تجربه لن اكررها - الصفحة 15 - ملتقى طلاب وطالبات جامعة الملك فيصل,جامعة الدمام

Rolen · 2013- 7- 26

تجججربه جميله

وحلى شي كانت شفت بنات اعرفهم من مختلف مناطق المملكه
والدكاتره قدرونا انو رمضان وصيفي خلو الاسئله سهله الحمدالله
سلبيات/ الشقق زحمه ولقينا بعد ساعتين بحث وكنا عزاب وعوائل بس هدوء الحمدالله

العضيد1 · 2013- 7- 26

يا ليت فيه صيفي ثاني بعد شهر.
لكن التفكير في الصيفي الصيف القادم من الآن غير منطقي. إن أحيانا الله إلى ذلك الوقت نقرر.
من يقول إنه لن يكررها أعتقد أنه سيكررها إن عاش إلى قابل.
الأكيد أني لو رحت الهفوف مرة أخرى، فلن أسكن في نفس العمارة. ماديون أعوذ بالله. جلست عندهم أسبوع، ورفض يمدد التشك آوت كم ساعة. وقبلها كان يتصل علي الساعة 3 العصر، يطلب التمديد. اضطريت أسبق وأمدد يومين مع بعض، أفتك من إزعاجه.
وفي مطعم كنت أجيه غالباً في تلك الأيام، وآخر مرة ما كنت جايع. قلت له عطني ربع دجاجة دون رز. قال ب 8 ريال. يعني نفس السعر مع الرز. قلت خفض شوي. قال لا. ما عنده مشكلة أطلب رز ولا آكله. وهذا قل احترام للنعمة على حساب الربح المادي غير المبرر.
وش المادية هذه عند محلاتكم؟
أما الشقة، فكانت عند العييري. الحذر الحذر منها. المراقد مشققة. أحسن ما فيها الفرش الذي يغطي سوآتها. والله إن غرفتي فيها فار. تركته في حال سبيله، لأن ما عندي مشكلة مع الفئران. الفئران الصغار وليس الجرذان.

سـّـوِيرآڽ · 2013- 7- 26

هههههههههههههههه الله يعوض عليك خير يارب

دخلت اشوف وش السالفهه ؛ ضحكتني حساباتك

الله يسعدك بنتيجة هالماده ان شاء الله وتنجح فيها بأمتياز

ع الاقل تعوض هالقروش اللي طارت

A3mal_student · 2013- 7- 26

[align=justify]اختبار الصيفي في مقر الجامعة لمن هم خارج مدينة الاختبار وفي رمضان خاصة -أبدا - غير مناسب..
علما بأن أساس التسجيل هو لـِ"التعليم عن بعد" وذلك لصعوبة الوصول لمقر الجامعة في رمضان وفي غيره.

ويبقى لنا أن نشكر لهم فتحهم المجال للصيفي.[/align]

manal.q · 2013- 7- 26

عن نفسي كانت متعبببة
والسبب رايحة مع سواق تركي يومين رايح جاي 6 ساعات باليوم
وسيت السياره قصم ظهري وما اقدر اخذ راحتي و انسدح عشان السواق

و المصاريف 900 ريال 450 قيمة المشوار باليوم
وبكرر تجربة الصيفي ان شاءالله بس مو مع سواق

F!x · 2013- 7- 27

اقتباس:

المشاركة الأصلية كتبت بواسطة ابو غيداء

السلام عليكم .. الله يعطيكم الصحه والعافية

الظروف
تسجيل ماده واحده فقط بحجة امتلى الشعب

والحسبه كـ التالي

رسوم المادة =330 ريال
ساهر 500+ ساهر 500= 1000 ريال

شقه مفروشه =280 ريال

افطار من مطعم ياربي لك الحمد والشكر على نعمته

مشوار خط وصداع والتعب

والنتيجه =- 1610 ريال

والقرار
الصيفي تجربه لن تتكرر لدي

تجاربكم وانطباعاتكم

ابوغيداء حسبه مضبوطه

بنوته حساويه وو · 2013- 7- 27

ابصراحه انا ماتندمت ابد انا ابي اخلص
من الجامعه بكير باذن الله

علي حامضي · 2013- 7- 27

السلام عليكم ورحمة الله وبركاته:-
الله يعوض على أخينا ابو غيداء
وإن شاء الله السنين القادمة ماعاد يحتاج بيقدور الضروف ويكون على المناطق الترم الصيفي.

zid · 2013- 7- 27

اما ساهر من جد قله ادب مكان مايتوقعه احد الله ستر علي صور سياره قبلي وهديت

ghazi9093 · 2013- 7- 27