مدونتي & مذكرات طبيبة &

[طموحي القمة]

هلاااااا حووووور
أخيراً كملتي
الأحياء بالنسبة لي حلو إذا ما تطرق للنبات مالي خلق هالنباتات أبــــــد
شكراً حووووور معلومااااتك قيمة كعادتك

[يفوق الوصف]

أنا أحب مادة الأحياء كثير بس أكره شي فيه النباتات و أنسجتها ( الكولنشيمي و البرنشيمي .....) و أحب الأجهزة في جسم الإنسان ( الهضمية و الدوري و ......) بس طبعا كلما كانت المعلمة طيبه و شرحها حلو يحبب اكثر في المادة سواء كانت eأو كيمياء أو فيزياء أو رياضيات .... وغيرها من المواد .

[الحور عين]

لا حبيباتي ما في لا نباتات و لاهم يحزنون

حتى انا كانت عدوتي النباتات بس الحمد لله مو موجودة

يعني ارتاحوا الاحياء حلو

[يفوق الوصف]

طيب سؤال يا الحور عين في أختبار كفاية انجليزي للمستجدات في الطب ولا ما فيه ريحيني تعبت أذاكر ولا لا

[الحور عين]

لا ارتاحي ما في اختبار الكفاية

[د\ملاك]

iam back every body

توني جيت من سفرتي هع هع

الاحياء مرررررررررره حبيته مرره يهبل

واحسن شي التشريح

اتذكر اخوي يوم كان بسنه اولى دق علي قال بنشرح وظليت ابكي ابي اشرح <<<كنت بمتوسط وقتها فديتني هع

وبنت عمي السنه اللي فاتت دقت علي قالت لي نشرح ليتك معانا

شي شي


كح كح<<<بتموت من الكحه هع انتبهوا لااعديكم

[1992]

ثااااااااااااااااااانكس الوووت حوووور

الاحياء انا حبيته في ثالث ثانوي وان شاء الله راح احبه في الجامعه كمااان


يسلمووو ايديك

[الحور عين]

الحمد لله على سلامتك ملاك

و التشريح روعة ممتع و مفيد

اتوقع راح تستمتعوا كثير فيه

عزيزتي 1992 ان شاء الله اتحبي كل المواد

و تجيبي المعدل الي يرفع الراس

[الحور عين]

اليوم راح نختم مع الفيزياء

الفيزياء مادة حلو للي يحبها <<<<واضح انها ماتحب المادة

الحلو فيها انو كلها اعادة سريعة للي اخذناه في ثانوي

قوانينها تحتاج مذاكرة اول باول لانو اذا اتراكموا يصير خلط في الرموز

يعني انتي بعد كل محاضرة كتبي القاوانين الي اخذتيها في المحاضرة في نهاية الدفتر

على شان بعدين في الاختبار لا يضيع وقتك و انتي تفرزي القوانين

لانو الدكتورة اغلب اختباراتها مسائل من كثر ما تجيب مسائل تحسيها متنسيا فيهم

بالنسبة للدكتورة جاتنا سامية سلمان

هي طيبة و تتنرفز بسرعة و ترضى بسرعة

شرحها مو ذاك الزود

و اسئلتها ابداع يعني الترم الاول جبنا العيد

انا شو كنت اسوي الي ما أعرف حله ارص قوانين

الها علاقة بالسؤال طلعت من الاختبار

و انا متأكدة من حل ثلاث مسائل و نص من اصل ثمانية

قلت خلاص كلية العلوم راح يحولوني على طول بدون تفاهم

عاد كنت اتكلم مع الطالبتين اني خلاص ما راح اشوفهم السنة الجاية

قالوا لي لا تخافين ترى دكتورة سامية تاخذ بالقوانين

يعني اي شي تكتبينه صح راح تعطيك عليه درجات

و صحيح رحت الترم الثاني الا اشوف الدرجة حييييييل حلوة

بس الترم الثاني جابت اسئلة حلوة احلى من الاول

بالنسبة للمعمل انا استمتعت فيه حيييييييل حلو

صج الفيزياء عملي احسن من النظري

تعرفي عن شو تدرسين

مجرد الدكتورة تشرح التجربة انتي ترجعي تطبقي عليها و تكتبي نتايجك و بث

يعني المعامل بشكل عام احسها راحة تاخذينها في الدوام

و الحمد لله عديناه على خير

هذي وجهة نظري لكل المواد و الدكاترة ان شاء الله ما يغيروهم عليكم و لا هم يتغيروا في التعامل

و انتهت سنة اولى على خير

و الله يعنا على سنة ثانية و دوامها الي من اول يوم <<<الوضع مسبب لها صدمة نفسية الاخت

[طموحي القمة]

من كثر ما تجيب مسائل تحسيها متنسيا فيهم >>>> حلوووة :mh01:, الله يستر شكلي جد بجيب العيد
ما اقول إلا آه آه يالفيزياء ما أحبك و لا أحب اسمك و لا أحب مدرساتك و لا حتى قوانينك :s13:
حووووور بصراحة وفيتي و كفيتي أفدتينا بمعلوماتك كثير :049: و إن شاء الله أطبق نصايحك اللي بالموضوع كلهم .
و الله يوفقك بكل أمورك في الدين و الدنيا