[ الدراسات الاسلامية ] : هنآ الآستفسآر عن دكآتره قسم الدراسات الاسلاميه ~

[ro7y]

طيب مين احسن دكتور او دكتوره لماده حاضر العالم الاسلامي
اماني البحر او احمد حنفي بليز احد يقولي مين افضل

[أم عمر!]

المشاركة الأصلية كتبت بواسطة الغَـدَقْ

^
^
الله يوفقك ويرفع قدرك ..

كلامك عسل


ربي يوفقك دامك تحبين العقيدة سبحان الله بتتيسر لك

على عكسي العقيدة عندي مثل النحو سبحان الله صعب الفهم بالنسبة لي

اتوقع ان د.مريم التميمي اسئلتها مسائل واجوبتها تعتمد على الفهم .. عشان كذا انتي ماتوقعتي بهالدرجة

كثير دكاترة الدراسات يصدمونك بدرجات قد تكون اعلى او اقل مماتوقعتي
سبحان الله

والحمدلله على كل حال


(فسبحان الله حين تمسون وحين تصبحون )

وياك يـ الغالية

بالعكس, ما جابت سوى 3 مسائل, تحلي فيها مسألتين, و كانت سهلة جداً,
ما توقعنا تجيبه بهذه السهولة, وأنا مجمِّعة درجات من أول,
و حالة زين بالعملي الحمدُ لله, لهذا ما توقعت أنزل عن بي,
لكن قدر الله وما شاء فعل .

صدقتِ بكلامك, الله يوفقنا بس و يخرجنا على خير

[أم عمر!]

المشاركة الأصلية كتبت بواسطة ro7y

طيب مين احسن دكتور او دكتوره لماده حاضر العالم الاسلامي
اماني البحر او احمد حنفي بليز احد يقولي مين افضل

للأسف ما قد جربتهم ولا سمعت عنهم, ارجعي للصفحات اللي قبل هنا,
ممكن أحد تكلم عنهم !

الله يوفقك و يسهل عليك

[ro7y]

مشكووره حبيبتي

[AMOON]

أحمد حنفي مايمدحونه وأماني البحر سمعت عنها زينه

بس للأمانه محد درسني منهم




مافي غيرهم يمكن أقدر أفيدك

[نودآ]

أحمد حنفي ما درست عنده .. مقدر أفيدك شيء عنه

بالنسبة لأماني البحر / قبل ما اسجل عندها ذموها لي و حسيت إني بقابل انسانه
ما تساعد و عصبيه و متكبره !
ولكن شفت عكس كل هالكلام , كانت كريمه لأبعد درجة بالدرجات و تساعد الطالبات كثير
و تحاول قد ما تقدر إن الطالبة يكون عندها مخزون من الدرجات يدعمها بالنهائي ..

صح شديده شوي بالأسلوب لكن هالشي مطلوب و الشخص يفرض احترامه عشان يكسب اللي حوله


أنصحك بـ أماني البحر

[سحااآآااب ~]

بنات لو سمحتوا تكلموا شوي عن سمية إبراهيم ؟
صدق تطول بالشرح وتجيب النوم
عااااد أكرره شي عندي الدكتورة اللي تحلل وقت المحاضرة
ووشلون شرحها بنظرية المعرفة ؟؟؟
أسئلتها سهلة او صععبه ؟؟
شايله همها ياربي

[أم عمر!]

المشاركة الأصلية كتبت بواسطة سحااآآااب ~

بنات لو سمحتوا تكلموا شوي عن سمية إبراهيم ؟
صدق تطول بالشرح وتجيب النوم
عااااد أكرره شي عندي الدكتورة اللي تحلل وقت المحاضرة
ووشلون شرحها بنظرية المعرفة ؟؟؟
أسئلتها سهلة او صععبه ؟؟
شايله همها ياربي

أنا درست عند الدكتورة سمية علي, أكثر من مقرر .

من ناحية الشرح :

هي صدق تطول بشرحها, و تكثر لك معلومات بـ نية الإستفادة منها لا أكثر,
لكن اسئلتها جداً واضحة الحمدُ لله, و تاخذ بمفهوم البنات, يعني بشكل عام :
تحترم فهم البنت ع الورقة, و تقدر مشاركاتها, و حلو إنك تكثري لها كلام بالورقة,
يعني لا تخلي شي ببالك ما كتبتيه, و طبعاً يكون مفهوم وواضح و نفس طلبها اللي تبيه,

لا تشيلي هم إن شرحها طويل, و احياناً يكون ممل, و الله إنها تسعى في إنها تبسط المنهج,
و تعطيك كل اللي عندها, لـ أن همها و اللي تسعى له, إنك تكوني فاهمة وتكسبي من العلم أكثره .

الله يوفقك ويسهل عليك, لا تخافي من الدكتورة سمية, للأمانة هي جداً مراعية للبنات,
و حريصة عليهم, و تقدر جهودهم ومشاركاتهم وفهمهم, بـ غض النظر عن طول المحاضرة,
هي حريصة في هذا الجانب حرص شديد, إنه تاخذ الوقت الرسمي لها, و تعطيك كل اللي عندها,

لا تفوتينها عشان هـ النقطة فيها, بالعكس, ادخلي معها و عقبال الدرجات العالية بإذن الله .

[سحااآآااب ~]

رسالة خير ..
الله يجزاك الجنة
ويرزقك الدرجات العالية بالدنيا والآخرة
ان شاء الله بتوكل على الله وباخذها
والله يكتب لي النجاح يااارب

[أم عمر!]

اللهم آآمــين, وياك و الجميع !
الله يسهِّل لك, و عسى ما قدامك إلاَّ الدرجات العالية في الدنيا و الآخرة .